لوبي الصنايعية
13
0
إضغط هنا للإخفاء
السلام عليكم و رحمة الله و بركاته ,,,
أسعد الله أوقاتكم بكل خير حبايبي و اخواني , بالبداية أعتذر عن تخفيفي بالمواضيع الفترة هذي و أنا والله جداً إنشغلت
بالآونة الأخيرة بسبب تغييري للعمل و كثرة الضغوطات و الإرتباطات بعملي الجديد , ما علينا حاب أناقشكم اليوم
بموضوع أصبح مزعج جداً بالفترة الأخيرة !!!! اللي هو ممارسة (لوبي) أسعار موحد من قبل بعض الصنايعية للأسف
وشلون لاحظت أنا بهالحركة ؟؟ سؤال جداً جميل و وجيه , طبعاً أنا كنت مشتري فحمات أمامية للسيارة و حبيت أركبها
و الشغلة كلها ما تاخذ إلا 5 دقايق بس يرفع الكفر ب (الرافعة) و يفك الكفر و يركب الفحمات !!!! يعني لو عندي رافعة
بالبيت و مفك صواميل ما رحت لمهم !!!! الشاهد كل ما مريت محل و سألته عن السعر قال 40 ريال !!!! على إيش
يا أخي دايم أغيرها ب 15 و 20 إذا كثرتً ليه المبالغة ؟؟ و كلهم متفقين على كلمة (ما يخارج يا حبيب) طبعاً أكيد
عرفتوا جنسيتهم !!!!!! أنا تعمدت ما أذكر الجنسية , عشان ما يجيني واحد مطفيً النور ويقول: يا متعصب يا عنصري
إلخ ... من التهم و الأوصاف , بغض النظر عن هالشي أنا طرأت على بالي فكرة ويا ليت تطبقها الجهة
المعنية عن تنظيم الورش و المحلات الصناعية:
1_ تنظيم تسعيرة معينة للأشياء الإستهلاكية مثل: (تغيير فحمات , تركيب بواجي , تركيب صفاية إلخ ...
2_ مراقبة الفنيين و مدى مهاراتهم و جودة أعمالهم و خبراتهم , بدال السباكين اللي تعلموا على سياراتنا !!!
3_ وضع جهة مثل: (الكارفاكس , الأوتو شك ) تراقب جودة مراكز الصيانة و اللي ما تضبط شغلها تعوض
صاحب السيارة لو خربوا أشياء كانت صالحة إلخ ...
المهم هذا اللي ببالي الآن و هي عبارة عن أحلام وردية ههههههههههههههههههههههه
همسة: ( جميل أن نحلم , ولكن الأجمل أن لا تصطدم أحلامنا بالواقع المرير)
محبكم &&& أبو طلال
إبلاغ
الردود
2
0
فيه مشكلة الزجاج الخلفي لا يعمل المهم لطعوني وكل مجاهم واحد اشتغلوا له اشوي ووقفوا (( عشان يمسكون الزباين )) المهم فكهم وصلحهم وركبهم اليسرى ظبطت الي بليمين فرطت ثانية رجعت له نفس الوقت قالي خلاص تعال بكره وانا وقتي محدود رجعت من بكره ويفك الذراع الي فارط حق القزاز طبعا رحت البيت صليت وبدلت ورجعت له مالقيته وانتظر وانتظر كان في يماني ثاني موجود رحت وسالته وين جارك قالي قريب ويجي قلت له عطني رقمه بكلمه قالي جواله معي المهم رجعت السيارة وطالع لوحه المحل الا الجوال مسجل واتصل عليه ويرد اليماني المختفي وينك قالي جايك ويسحب علي اكثر من ربع ساعه واركب السيارة واشغل وادووووس نص السيارة في المحل ونص برا المحل وانزل واقفل الباب واقفله التغفيله الثانية قلت لهم اذا في امه خير خله يطلع السيارة عشان احرقة اهو مع المحل حقة وانا ودي اشوف شلون بيقفل المحل والله واوقف ادور تكسي قسم بالله ممداني وقفت تكسي الا جاني جارهم اليماني خلاص اذكر الله وفي اثنين سعودين هدوني اذكر الله والله وركب لي قطعه نظيفه غير الي كانت علي سيارتي وبعد ماخلص شغلت ومشيت حتي شكرا ماقلت له .
1
1
0
2
وتشتري مستخدم تتورط مع الورش بالصناعية وتصير سيارتك مثل فأر التجارب
طيب والحل
0
0
اكلونا اكل اكل صار سررق وخداع ونصب واحتيال يتعلم تعلم على سيارتك لين ما يطلع مكانيكي نمبر ون
ولا صار زين قال ما يخارج سعرك معي ؟
ونسيت قطع الغيار اسعارهم موحده اذكر رحت اشتري فحمات نصحني بائع القطغ يقول كلنا نفس السعر وما راح تحصل ارخص
مني خذ القطعه احسن لك ومثل ما قال وصدق !
1
0
وفوق كذا يصلحون شيء ويخربون اشياء بسبب الدفاشه في التعامل مع القطع و طريقه الفك والربط وهي ادنى شيء مايعرفون لها
عموماً لا ترتجي من اي جهه لا حكوميه ولا اهليه انها تنظر في الوضع او تصلح ما افسده قوم مايخارج يالحبيب
لازم تتبع معهم سياسه .. اول شيء تدور على شغل يد مناسب + تشرط عليه .. واعيد و اكرر تشرط عليه مع الفك و التركيب مايضر شيء و ماضبطت المشكله او خرب شيء ثاني مايستلم ريال واحد و يتكفل باصلاح اللي خربه
انا موتري صار فيه التماس في السنترلوك صار يفتح ويقفل من نفسه بعد مافكو الطبلون يركبون ثلاجه المكيف و الكهربائي يجحدني في عيني يقول موترك كذا من زمان .. كل اللي صار قلت له تبي نروح شيخ الصناعيه قال يالله مشينا و كأنه واثق من شغله
يوم ركب معي الموتر و مشينا كم متر قال ياخي عطني حق شغل يدي و خلك كريم لا تعقدها قلت له مالك ولا ريال لأني قلت له صلح اللي خربته و خليت الموتر عنده اسبوع زود و تارك الموتر مالمسه يقول ماعرف اصلح الالتماس والالتماس مهب مني
و اللحين جاي يطلبني شغل يده كان 1200 .. اخرتها يوم وقفنا عند مكان شيخ الصناعيه قال ياخي لا تدخلنا في مشاكل بخصم لك شغل اليد بس بدون مشاكل .. و انتهى الموضوع بأنه نزل وراح ورشته كعابي ولا اخذ ولا ريال و خاف يدخل على شيخ الصناعيه
قليل اللي يعرفون عن سالفه شيخ الصناعيه ترا ما انحط في هالمكان الا لهالامور اي حارش مارش ادخل عليه يتنافضون منه السباكين اللي في الصناعيه
قبل 10 سنه و 7 شهر