أضف سؤال أو موضوع جديد          

وش هالجرأة ؟؟؟؟؟؟ والله لو ايش ماتجيني نص جرأتهم

up 12 down 1
YASSER505 4165
قبل 5 سنه و 7 شهر



اكيد كل منا حصلت له مواقف انه انسرقت سيارته او جزء منها من أمام بيته


لكن
خل الموضوع على جنب


الجرأه بالحرامي من وييييييييييييين تجيييييييييه



انا احيان ماتجيني جرأه ادخل اسلم عالناس بمجلس كيف اجلس امخمخ واتمخطر واسرق 4 جنوط واحطها على بلكات وبدون صوت بعد ههههههههههههههههههههه




طيب

مايخاف احد يطلع عليه ؟؟؟

خلونا منها


وش وضع قلبه وقتها ؟؟؟
انا اذا جيت اغير كفر تنقلب الحارة او المنطقة اللي انا فيها الى " جلسات وناسة 2013 " كيف هذولا بدون اي صوووت ,, البلكه لحالها صوتها صوت قنبله







وش رأيكم بجرأتهم بالله ؟؟؟





تحياتي








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وإضافة ثانية ؟؟؟

كيف تجيه الجرأه انه ينتظر جهاز الانذار يسكت ثم يجلس يقوم بعملية الطبخ والنفخ داخل السيارة وبعدين يشغلها ويحميها بعد ثم يمشي ههههههههههههه


up 3 down 4
YASSER505 4165
قبل 5 سنه و 7 شهر



من امن العقوبه اسئ الادب ......معوض خير


up 6 down 0
محمدالمقاطي 114
قبل 5 سنه و 7 شهر



الله يهديهم كاثرين الايام ذي


up 1 down 0
محمد رجاء 42
قبل 5 سنه و 7 شهر



يارجال هذولي محترفين تلقاهم في اقل من دقيقة الا والكفرات مفكوكة
والآن يوجد مفك عجلات الكتروتي نفس اللي فمحلات الورش
مشكلة هالفئة ماعندهم احد يردعهم ويعلمهم ان الله حق
قسم لو يطبقون الشرع ويقصون يدينهم ماتلقى ابن امه يسرق !!



up 10 down 0
Yaser1 669
قبل 5 سنه و 7 شهر



قبل 7 سنوات انسرق شئ من سيارتي ، انا نفسي مستغرب ليش اتركوا كل شئ بالسيارة وأخذوا بس هالحاجة هذي ، تدرون وش سرقوا ، سرقوا علامات الموتر اللي تجئ قدام و ورى تقريبا خمس قطع وكلفتني أصليه من الوكالة مبلغ 435 ريال عشان خمس قطع تلزق على السيارة ، ما أقول إلا الله يسامحهم بس 


up 5 down 0
ssv8 1048
قبل 5 سنه و 7 شهر



@@@@@@@@@@@


الجرأة كلها من ابليس ..

{ أَلَمْ تَرَ أَنَّا أَرْسَلْنَا الشَّيَاطِينَ عَلَى الْكَافِرِينَ تَؤُزُّهُمْ أَزًّا O فَلا تَعْجَلْ عَلَيْهِمْ إِنَّمَا نَعُدُّ لَهُمْ عَدًّا }..

فالشياطين تغوي الكفار وأهل المعاصي في معاصيهم .. وتجرأهم على فعل الكبائر والامور العظام .




up 4 down 0
oo أبو عبد الرحمن oo 1772
قبل 5 سنه و 7 شهر



مخدرات ياحبيبي الله يكفينا شرها ...
بعدين اكيد انه مزبن وضعه جايب البلك معاه بالسياره < ومراقب المكان قبل يسرق هذي اكيد 100%


up 0 down 0
aazz1989 -20
قبل 5 سنه و 7 شهر



@@@@@@@@@@@@@@


أنت يا ياسر ..
احمد ربك على أن عافاك مما ابتلاهم به ..
واحمده سبحانه على أن رزقك صفة الحياء من الوقوع في مثل هذه الأمور ..
والحياء من شعب الإيمان ، ..


up 1 down 0
oo أبو عبد الرحمن oo 1772
قبل 5 سنه و 7 شهر



ياحبيبي هم يسرقون بعظهم لاجرأه ولا شي.. ينتظر خويه يسافر ولاينام ولا يداوم ثم يسري على موتره يبيع كفراته وجنوطه..


واخر الليل يعزمون بعض في مقها شيشه وماكان شي صار
سرابيت عيال سرابيت مالقو من يربيهم



up 6 down 2
الشيخ فواد 301
قبل 5 سنه و 7 شهر



انا اخاف اغير الاسبته وهي سيارتي


up 3 down 1
فهد4950 2546
قبل 5 سنه و 7 شهر



ياحبيبي كيف تجيهم الجرأة وربك فوق يطالع فيهم ..؟؟  
حسبي الله عليهم 


up 0 down 0
sosisos 614
قبل 5 سنه و 7 شهر



من ناحيه السرقه كنت اوقف سيارتي برا وسياره الوالد داخل الكراج , مع ان الكراج ياخذ 4 سيارات بس شغله دخل سياره وطلع اذا بطلع 

كانت عند الباب راجع الساعه 1 والساعه 3 طالع للسوبرماركت لقيت كفره سروقه 

دقيت ع 999 قال تعال قدم محظر !! قلت يالطيب السياره على البلوك وش تعال مافيه بصمات تشيلونها مافيه معاينه للموقع مافيه شي؟

قال كم كفره مسروقه قلت 1 قال ركب السبير وتعال !!

سكرت وشلت سياره الوالد واروح واقدم محظر وارجع واركب سبيري وخلصنا 

1- لاشافوا السياره من يوم انسرق الكفر لين اليوم 

2- بعدها بـ اسبوعين انسرق كفر ثاني 

3- السالفه من 3 سنوات ونص ولا حس ولا خبر 



up 3 down 0
saudiguy 203
قبل 5 سنه و 7 شهر



قل من اللي جرأهم ولا هم ما يستحون و لا يخافون من الله كيف بالبشر

من ناحية أنهم ما يخافون فهم من أجبن ما تتخيل

لكنهم مستعدين لأي طارئ

يعني السيارة اللي جابتهم على هبة الاستعداد في أي لحظة و السائق غالباً محترف

و سبحان الله 

مثل ما قال أونا الشيخ فؤاد 

سرابيت يسرق بعضهم بعض و لا نصف محصولهم من الحرام يروح على دمار عقولهم وصحتهم

الله سبحانه و تعالى عادل بين عباده يأخذ لك حقك و أنت جالس في بيتك


up 0 down 0
أبو جـود 2750
قبل 5 سنه و 7 شهر



اغلب جرأتهم هذي من المخدرات ..


up 0 down 0
faisal_fahd -65
قبل 5 سنه و 7 شهر



الفقر يجعل الرجل يسرق 
الفقر يجعل المرأة تزني
وهذا ليس عذر لكن الفقر اساس اغلب الجرائم 
في سنة من السنوات أمير المؤمنين عمر رضي الله عنه لم يقم بتطبيق حد السرقه لكثرة الجوع والفقر وبناءً على ذلك تكثر السرقات
لكن في حراميه عندهم جرأة عظيمه علة أموال الشعب 
بالمليارات ياشباب


up 4 down 0
طالب العنزي 265
قبل 5 سنه و 7 شهر



الـــمـــخـــدرأت فعلاً هي سبب تــخــلي شخص يصــبح جريــىء وقــــوي ولآيــحســب حســاب اي شـخص أمـامــه وفي النــهايه تـقـتله


up 0 down 0
ابوريما89 -34
قبل 5 سنه و 7 شهر



إقتباس : " إن لم تستحي فاصنع ما شئت " 

و صدق الأخ اللي يقول يسرقون بعضهم , أعرف واحد حاط عمره كنق و تفحيط و دشاره وهو ما عنده إلا الضعوي حقيقة !
المشكلة سيارته مسروقه قبل سنتين و كلما لقوها تكون متكسرة و مفحط و ملعوووب فيها يجلس يوم أسبوع بالكثير و تنسرق مرة ثانية 
علمته كم مرة من اللي أنت تمشي معهم يقول لا ترى ما أسمح لك تتكلم عنهم قلت طيب خلك على هالحال و بيجي يوم تصدق كلامي 
لأنكم ما أجتمعتوا على خير , لاحظوا أنتم شتان ما بين أصدقاء يجتمعون على خير و مصالح يجتمعون على شر كل واحد منهم همه شهوته 
وبس .

ترى مهوب شرط أن الوالدين ما عرفوا يربون , أنت لو كان عندك ولد و تتعب علشان تسعده و بالأخير يتعرف على ناس وهو في سن الشباب 
العمر اللي هو فيه قليل يخافون ربهم ولا يعصونه لذلك كانوا ممن يظلهم الله في ظله يوم لا ظل إلا ظله !
الولد هذا بعد ما تعرف كل شوي من مصيبة لمصيبة و كلمته و فهمته و ما زال مصر على الوضع اللي هو فيه لين وصل به الحال يرفع صوته عليك
وش تسوي فيه ؟ أقل شيء بتطرده من بيتك لأنك ما عاد تثق فيه هذا تفكير أغلب أبآءنا لأحد ينكر شف لو سويت شيء أبوك وش يقول يمكن يهددك بالطرد علشان تخافلف
الله يصلح أحوال المسلمين بس و هؤلاء الله إبتلاهم على قدر دينهم الله يهدي ضال المسلمين و الحمدلله الذي عافني مما أبتلاه به و فضلني على كثير ممن خلق تفضيلاً


و سامحوني على طول الرد لكن كل يفيد بما يملك من علم 


هذولي الحراميه يخططون قبل السرقه يعني يراقب السياره كم يوم ثم يتاكد انه مافيها جهاز انذار يعني يمر من جنبها ويخبطها بقوه ويمشي وبعد مايعرف بعض الامور عنها يجيك اخر الليل ومعاه البلك وكم واحد ثم شلحوها


الواحد يقول يوم ينزل من السيارة اللهم استودعك سيارتي ويوم يطلع من البيت او يسافر يقول اللهم استودعك منزلي ومن فيه ومافيه وبأذن الله ما بيصيبه الا المكتوب  


up 2 down 0
بوسلطان 91297 342
قبل 5 سنه و 7 شهر