سبحان الله وبحمده سبحان الله العظيم

الله يوفقك وييسر امرك ويفتح عليك وجهة نظري
بسطة خضار وفواكة وصدقني فيها كل خير بإذن الله
ومبلغك طيب ان شاء الله بس اهم شئ القومه بدري 
يقول عليه الصﻻة والسﻻم بورك ﻷمتي في بكورها

بسطه الخضار جدا حلوه ومكاسبها طيبه ﻻكن عتدي لك شغله حلوه الي هي اكسسوارات الجواﻻت اشتر لك من محلات الجمله سماعات وجرابات وفر ع محلات الجواﻻت عندكم ﻻتبدا ب 2000 ريال ابدا ب 500 بس وشوف المكاسب الكلام هذا من واقع تجرربه

المقاصف المدرسيه كيف اتقاول معهم وانا فاضي الصباح يعني مافي مشكله اجيب لهم الاقراض

الله هما اميين ويوفق كل المسلمين لمافيه خير

اشتري مشالح وأجرها أعرف اثنين شركاء خشوا فيها والحمد لله يقولون فيها رزق

أو اشتري كاميرا احترافية وتعلم عليها واشتغل في تصوير الحفلات والمناسبات

جمع شوي شوي وحاول تفتح مغسلة ملابس صدقني فيها رزق ان شاء اللهه

اهم شئ وانا اخوك الأمانة والصدق في البيع ، وربي إن شاء الله بيوفقك ، حاول تعتمد على نفسك في البداية ، ما أنصحك بالشراكة أبد ، قبل تدخل أي مشروع عليك بالاستخارة حتى لو مشروع صغير ، انا مثلك مريت بهالتجربة والحمد لله مع توفيق الله بديت شوي شوي والى الآن اطقطق في بعض الأشياء ، أتمنى لك التوفيق يالغالي 

والله شباب المحلات كبيره علي الحين البروست يكلف اكثر من 150 الف ابي شي بسيط والي يعرف المقاصف كيف اتقاول معهم يعطيني خبر

والله فكرة اخونا تشتري كاميرا وتطبع لك كروت تصوير في الحفلات والافراح
اقسم بالله تطلع قيمه الكاميرا خلال 3 زواجات
وكل الشغله كم ساعه وتحط في جيبك من 700 الى 1200 ريال حسب المنطقة

بالتوفيق

الحج على الابواب بيع بطايق شحن سوا ومسوايك لاتستحقر الريال ويما ناس تطلع ذهب وترا سعر المسوايك
فى اخر رمضان وصل 15 زانا نازل مكه فى الحج  وتعتبر فرصه ذهبيه 

الاخوان مقصرو ماشاء الله ب آرائهم الطيبة ... والله يوفجك ياخوي ويوفج كل مسلم ومسلمه وينور دروبهم على طاعة الرحمن

زين البطايق الشحن كم فيها يعني اشتريها وبيعها على البقايل كيييف السعر

يختلف مشروعك علا حسب منطقتك اتوقع تبدأ بالرطب فيه مكسب دبل 

إذا تحب التصوير إشتر لك كاميرا إحترافية و تعلم عليها
و قدم على حملة من حملات الحج كادر مصور للحملة
و بعدها حاول تتعلم على الفوتوشوب و كم برنامج صور
و إبدأ في تصوير مؤتمرات أو عقد قران و إذا أتقنت الشغله
صور لحفلات الاعراس و بالتوفيق

والله انصحك يالغالي ببسطة عطور وعود قدام مسجد كبير ومعروف ....وبتعين خير ان شاء الله