قطع غيار كيا

نفس قطع الهونداي 

انا معي كيا اسعار الصيانة رخيص وتعامل ممتاز .

الله يعطيك العافية اخوي ... انا معي سوناتا 2006 امريكية والحمدلله متوفرة القطع بس كيا ماعندي خلفية عنها وسمعت أنها مو متوفرة أغلبها طلبية لكن دام هونداي نفسها نركب قطع الازيرا

انا معايا كيا كادينزا ..ما احب امدح في السيارة ولاكن من إستخدامي لها لمدة تطول عن سنتين السيارة اثبتت نفسها بجدارة ماشاء تبارك الله من ناحية المساعدات ياركبت حفر ومطبات ياشيخ لين تقول بس ولاقيد غيرتها ولله الحمد ولافي اي قربعة او شئ من هذا النوع .. ياسافرت بيها وما عانيت من شئ بالعكس راحة في الخط وثبات ..من ناحية الفخامة ومن ناحية صلابة البودي والشكل الخارجي مايحتاج .. وبالنسبة لقطع الغيار متوفرة عند الوكيل او في محلات بيع قطع غيار هونداي وكيا وبالنسبة لقطع الغيار معقولة ومو مرة غالية يعني عندك اقمشة الفرامل اصلية ب 300 ريال امامي والخلفي ارخص وعندك مثلا طرمبة البنزين ب135 ريال عندك البواجي ليزر ب300 ريال وهذي اغلى شئ غيرته في السيارة طبعا هذا الشئ مستحيل يتغير غير بفعل فاعل الشمعة الأمامية تجي فل كامل مكحلة من الداخل اسود بمحول زينون وليد وعدسة توجية إلكترونية اخذتها ب2500 ولاكن تستاهل .. وعندك حقت الإستاندر عادية اقل نوع تجي من الداخل نيكل بدون زينون بدون عدسة توجية ولاكن يوجد بها ليد سعرها 960 ريال يعني المواصفات مقابل السعر  

ولعلمك السيارة أي نعم كورية وبجودة عالية ولاكن تجي للإضائات ومحتوياتها من محولات واسلاك الخ كلها المانية الصنع انا بنفسي مشيك عليها  

يعطيك العافية اخوي المستلج حبيب قلبي والله انا مايحتاج من مستخدمي الكوري لأنه فعلن موتر يستاهل شكل ( تصميم ) وقيادة وداخلي السوناتا ماشاء الله الي معي ماشيه حدود280 كيلو وما اشتكيت منها الحمدلله ياربي ... وبالنسبة للكادينزا واحد اعرفه من ربعنا معه ويمدح في الموتر رغم انه كارفها ولا يحمي ويجور عليها لكنها ماشاء الله صابره انا كل همي كان من القطع انها ماتتوفر لكن الحمدلله ريحتوني

استفسار آخر لاهنتوا واسف على الاطالة الي معه كادينزا فل هل فيها مشاكل في فتحة البانوراما او لا ... ؟ يعني لاقدر الله تهريب مويه او اصوات قربعه ولا هواء يعني شي من هاذا القبيل

انصحك تشوف الكادينزا 2014 ياخي مرره خطيره
اما اسعارها مدري عنها 
http://www.youtube.com/watch?v=92oAogBGVhM
حتى تلاقي تحت المقطع مكتوب ان سعرها فل 128 الف ريال 

ههههههههههههههههههههه
ياخي امسح السطر الثاني نسيته

انا بصراحة بشتريها اخت الجديدة منيب طايلها وكالة وبعدين اكيد ان الشكل الجديد ارسم وافضل من القديم داخلية وهيبه وكل شي بس مدري خاشه مزاجي ال 2013 و2012 احسها تجمع بين كل شي شبابية ورسمية وقيادة وكل شي عشان كذا انا ناويها يعني قل باخذ لي وحدة ب 85 ولا 80 مقدور عليها بس 100 وزيادة وين نجيبها منه وانا بصراحة ودي بفل ما بعدها ولو يحصل لي جبتها من الخليج احسن من هنا بس خايف ان الوكيل مايستقبلها هينا ... ثمن ابلش تحياتي ويعطيك العافية

اخوي ابراهيم شوفها بموقع سعودي سيل 2014 اصفار ب84 من المعارض طبعا مو الوكاله

انا اخذتها من الوكاله ب 92 ستاندر 

يعطيك العافية اخوي فيصل انا مثل ماقلت لك ما ابيها ستاندر صحيح انها حلوة ونفس الداخلي ونفس كل شي بس بصراحة اكثر انا انسان اهتم بالمواصفات وابي جلد وتسخين وتبريد وتخشيب وشاشة وكل شي احب اتمتع بمواصفات السيارة ولا كان طلعت ستاندر جديدة لكن الفل ان شاء الله بحصل وحدة نظيفة وسعرها معقول ويعطيك العافية حقيقة اشكرك من كل قلبي

بشر شريت ولا باقي؟ 

خذيت اوبريس 2009 والكادينزا ان شاء الله بعد فترة قريبة بس تتحسن اموري