فيدوني عن الفياحرا 2000 s 320 لاهنتم

تبي شوري ارفع ثوبك وخذ حذينك بيد وحط رجللك .......لولا تلتفت وراك هههه وبيرزق الله احسن منه

و لا *

اللي اذكره ان مكينتها الستة سلندر ضعيفه نوعا ما 3.2 v6
نفس مكينتة الشبح

يفيدونك اكثر المجربين

الموتر ما يصلح لك عشانك طالب وانا عندي موديل 2001 اس 500 المفتاح ضاع طلعته من الوكاله با 5000 الهدرولك سويت 
له صيانه بحدود 7000 وقطع سياره غاليه جدا صراحه ..لكن انشهد انه موتر عزم وطرب مشاء الله ورساوه غير عاديه 
كنت اسافر عليه من الرياض الى شرقيه كل خميس وجمعه اذا كنت تقدر على صيانه خذه واذا ماتقدر ابعد عنه نصيحه 
تحياتي

و الله اذ اخذته و تعطل عليك

انك لتندم

ما يصلح لطالب الجامعي نهائيا

و باين على السيارة انه ملعون خامسها

حتى لو حافضت عليها عمرها الافتراضي انتهى

و تلقاها تحتاج تجديد اشياء كثييييييييييييير

انت في غنى عنها

ي لبيييه
ي حبي لكم
مشكووور وماقصرتم

العن تجربه تمر علي بحياتي الفياقرا مع اني اخذتها مخزنه لكن شفطتني شفط كل يومين يخرب علي شي  والملاعين خصوصا السوريين اصحاب الورش حراميه بشكل عجيب 

شكرا لك.
اخوي سيزو

تبي نصيحة اخوك يمدحون اليارس

شوف اخوي الالماني فيه ميزة انك تغير فيه قطعة وتنساها ما تخرب عشان كذا قطعه غالي انت افحص السيارة مكينة وقير ودفرنس وكهرباء وهيدروليك اذا كان فيه واذا كل شي تمام توكل على وما بتندم بعض الناس هداه الله يحكم على السيارة بناء على كلام الغير وهو اصلا ما جربها او ركبها لكن من واقع تجربتي لفياقرا 2002 s500 والله اني خلال 6 شهور ما غيرت الا الفحمات والزيت فقط لاغير . ثانيا لاتنسى الاستخارة وربي ان شاء الله يختار لك الصالح .

معي وحده 2002 - S320 ، حلوة وقوية ومريحة والبدي قوي مرة وعزم وصرفية ممتازة وفخامة ومتانة وأحلى سيارة في السفر ورساوة و و و (الألماني مايحتاج مدح)

لكن عيبها وأناخوك في الصيانة وقطع الغيار، لززززخـــة ، وعيبها أيضآ في المساعدات تخرب ، بس كثير من الشباب يركبون مساعدات شبح (لأنها مو هيدروليك) ولاعد تخرب مرة ،

بس نصيحتي لك كـــ طالب ،، ابعد عنها ، اللي عندي ماشية حـول 100 ألف ، وانسامت بــ 50.000 ورفضت ، بدي وكالة - ماشاء الله - ، أشوف سعرها بــ 25.000 حلو مرة ،
مرة سويت لها صيانة في الوكالة "تغيير زيت بس" قالوا صيانة قالوا ودفعت 5000 ريال !!!
عمومآ استخر ، وقــرر
أنا معك الألماني (__ عشــق __) ، لكن المشكلة مكلفة مرة ،،


وفقك الله

خذ النترا 13 او 14 وستدعوا لي كثيرا ..
وفقك الله ورزقك السيارة المناسبة ~|

انحش عنها ياخوي مادامك طالب جامعي خذلك شبح افضل زي الي معي حقت كرف وقطع غياره رخيص اما الفياقرا اول شي المساعدات مع مطبات الجامعه الكبيره ذي المساعد الواحد ب 2500 ريال ويبلك راتب عشان تصرف عليه ولا خذلك من 2003 وفوق لانه تلافو عيوب شوي وستخير الله دايم والله يوفقك ويرزقك السياره الي براسك

الله يسعدكم ويستر عليكم
شرفتوووني

خيرت الحمدلله خلاص مابيها

طالب وتأخذ فياقرا سلامات وإذا خربت تجلس تعيط عندها ولا تتصل بولي أمرك يصلحها

السيارة مكروفه وبتطلب صيانه يبي لها جيب. أنا أقول الاحسن تركز ع دراستك وإلا الشحططه بين مراكز الصيانة