بكره نازل للمعارض ومعي 16 الف

ساعه كم بتنزل عطني مواصفاتك
عشان بسرقك
انت شلت بركه غلوسك يارجال

لاه لاه لاه ياخيي فورد 99 وماكسيما 2003 ألحين بيدخل الولد السعودي وجماعته وجماعة الفورد وبتصير حروب ومعارك بين الطرفين هههههههههه :)

بتحصل سيارات برخص التراب بس نصيحه انزل يوم الجمعه للحراج
ونتبه من اليمنيين والمصريين ولا تسمع كلامهم ابد رغم انهم هم مصيطرين علا حراج الدمام بالبيع والشراء

ههههههه تسرق مين الله يرجك والله لو تشوف الجماعه كلهم معي مسوين فاهمين هههههههههه خوفي احد يخمنا ، والرد رقم اثنين يالغالي مافهمت وش تقول بس شكلك فاهم 

شوف لك مازدا 3
ادري اني ب اكل ديس لايك من ناس ماجربتها بس يسمعون عنها
بس مايهمني المهم انا اعطيتك الي عندي واعرف انو مو فلسفه لكن انا انسااان مجرب

والله يالغالي ماعمري جربت المازدا ،بس بحطها ببالي وماقصرت لا انت ولا الاخوان كلكم ماقصرتوا ، بس ودي الكل يشور 

اذا ما انت خبره في السيارات والبودي والميكانيكا كلم واحد خبره يطلع معك لاتنغش 

انا عليمي بالسيارات ، بس انا شريطي بكل شي هههههه انسان حذر وافكر الف مره بس الموتر النظيف يجذبني لو انه ايش 

أنا ياماجد يوم رحت أدفع قيمة السياره وقتها أذن العشاء والله ماقدرت أصلي ياشيخ معاي مظروف فيه مبلغ جامد وطول الوقت حاط يدي بجيبي ياشيخ خااااااااايف خفت أصلي وأنا ساجد يجيك حرامي يمد يده ويفقع عاد وقتها تشوف المطارده السريعه هههههههه :) 

ههههههههههه من جد وسوسه ، انا مره رحت القطيف مع عمي يبي يشتري راس تريله ومعنا 200 الف او اكثر والله رعب مقفلين البيبان وتامين وحاطينها بكييس صيدلية ههههههههه

لا 200 ألف ما تنلام ههههههههه xD 

متى بتطلع انا بخاويك وعندة خبرة بالسيارات بشرط تعطيني دلالة اذا شريت لك

ياخي المازدا القديم محد يمدحه ويقولون لا طلب طلب وفوقها قطع غياره نار أنا أشوف الفورد كويس وقطع غيار القديم خصوصا أرخص من الجديد والمساعدات لينه يعني وقت السفر تنبسط بس نصيحه لاتروح المعرض إلا معاك ناس خبره ولاتنسى تفحص ترى بعضهم نصاب ملمع السياره ومغسلها من تحت وبستم ومغسل الماكينه ويقول السياره نظيفه وهي فيها مليون عله ومن بعد ترجيع العداد صراحه صار الواحد ينغش بسهوله المهم لاتنسى تفحص نصيحه 

اذا لقيت لانسر موديل ٢٠٠٠ الى ٢٠٠٢ 

اذا مررره نظيفه ١٣ الف 

16 الف ياطويل العمر تجيب لك اكسنت 2008 ولا النترا 2007 ..
اهم شي افحص الموتر
وترى عادي لو موتر فيه كم رشه يعني بوه باب رفرف مرشوش كبوت ولا فيه وجهيه وما وصلت الاديتر ..
تحصل موديل جديد بسعر رخيص ويكد معكك .. بس لاتاخذ موتر جايته صدمه قويه وتندم ..
وبالتوفيق لك يا غالي ..

اذا تبي لومينا ٢٠٠٧ راسلني الخاص