ما رأيكم أنتظر الجمس الشكل الجديد ؟ او الحالي ؟

إذا أنت قادر تصبر

أصبر وخذ الشكل الجديد بس لا تأخذ أول دفعة ولا الثانية خذ اللي بعدها
 يكون أفضل شيء يكونون عدلوا بعض المشاكل اللي فيه

أفضل شيء أنك تأخذ الجديد دائما 

خاصة من ناحية إذا جيت تبيع 

أو الكشخة والرزة

انتظر الشكل الجديد احسن وافخم بكثير واللي يقول اشتر القديم تراه احسن ومادري ايش قول له ارتح بس يا شريطي ترا عرفنا حركاتكم

بالتوفيق

اصبر مافيه مشكلة 

لكن اخاف السعر يكون دبل

اذا اخذت القديم تكسب :
- توفر قطع الغيار ( حتى التشليح مليان )
- خبرة الايدي العاملة ( 7 سنوات نفس الشكل )
ـ خذ الـ 13 واذا طلع موديل الـ 15 او الـ 16 خذه وانت الكسبان لانه سيكون توفرت الخبرة
وقطع الغيار في التشليح والمحلات ..
وما انصحك في اليوكن ..
خذ التاهو اجمل شكلا ومنظراً 
وفقك الله ورزقك السيارة الطيبة ..

إضافة ،،
النفس وما اشتهت .. وانت واختيارك وما يناسبك 
انا اشرت عليك برأيي فقط .. ولك حرية التفكير والرأي
وفقك الله

اخوي الله يوفقك فاختيارك .. بس لاحظ ذهنك مشتت فالافضل انك تنتظر الموديل الجديد اذا اشتريت القديم ونزل الجديد راح تتحسر على اليوم الي شريت فيه الجمس فافضل انك تستخير في هذه الحاله وربي يوفقك

هههههههههههههههه

والله أنا اقول اليوكن احس من التاهو بكثير

واخوي يقول التاهو احس من اليوكن بكثير

والله الناس اذواق

وتختلف وجهات النظر

إحنا اخوان وكل واحد له ذوق

فما بالك بناس ما تعرفهم

انا بالنسبه لي اليوكن جميل جدا

بس الدينالي ماهو جميل لان جنوطه مخربته

اليوكن اجمل منه

استناه لين ما ينزل

وترا قطع الجمس رخيصه يعني ماهي غاليه 

تقدر تاخذها من الوكاله 

وفي النهايه اقولكم هذي وجة نظري

وكل واحد وذوقه

والله العظيم ان الشكل 2013 هيبه واكيد او موديل ينزل من الشكل الجديد تكون فيه مشاكل 
اسمع خذ 2013 وحطله نيكل من كل مكان امش بالشارع والله كل الناس تقول ياليت عندي مثله

انا انصحك تنتظر وتاخذ موديل 2014
لأن المواد الدخليه زادت جودتها والشكل صار جديد وفخم
وترا مو شرط ان كل موديل جديد يصير فيه مشاكل 
بالتوفيق 
والله يرزقني بشفر سلفرادو غمارتين سياحي دبل :D

خذ الشكل الجديد واتوقع اليوكن فل بيكون سعره من 190 ونت طالع

كفيتو ووفيتو 

لكن ودي اسال سؤال اذا عندكم فكرة 

كم تتوقعوا راح يكون سعر الوكن الجديد ( ستاندر ) ؟؟ 
وكم سعر اليوكن القديم ( ستاندر ) ؟؟ 

الله يجزاكم خير

أكيد الجديد بيكون اغلى ( يعني زيادة حول ٢٥ الف تقريباً )
و الشكل القديم الستاندر قيمته حول ١٣٠ الف
و يمكن عليها عروض
.
انصحك بالشكل القديم لعدة اسباب
منها / ارخص و يمكن راح يكون عليها عروض تخفيضات
٢- الدفعات الاخيرة في القديم العيوب قليله واحتمال خاليه من العيوب
اما الشكل الجديد راح يكون فيه عيوب مصنعيه للموديلات الاولى

هالحين ودي انشدك المرة أو العروسة الجديدة مثل القديمة طبعا ما فيه مقارنة ولكن كلها ركوب ههههههههههه اكيد الجديد وترى ما يمدح القديم الا اللي عندهم من الموديلات القديمة رح انطح القوم وخلك من الاوائل قال الشكل القديم احسن رووووووووووووح راحت عليكم

و بالتوفيق

و لاتنسى الاستخاره

( 7 ) ينصحوني انتظر الجديد 

( 3 ) ينصحوا بالقديم 


^_^

السعر بيزيد حول 12 الف ريال عن موديل 2013 في كل فئة

الشكل الجديد تحس انه جمس 
اما القديم كرشه كبير من قدام 

اذا معك موتر الحين تروح وتجي عليه فانصحك والله تنتظر الجديد وانت تشوف وتحكم تعاصر الشكلين هههههه عشان ماتطق القديم ثم تتحسف ويطيح موترك من عينك الافضل والله تنتظر معد بقاء شي ع الجديد

الشكل الجديد
ازين باختصار
بالذات التاهو

ي رجل والله الشكل القديم اروع بمليون مره
مادخل راسي الشكل الجديد ابد ..
اذا معزم ع الشكل الجديد ف اصبر عليه بس مثل.ما قالولك الاخوان
الدفعه الثانيه خذ منها
بس برائي من 2007الين 2012سوا شفر او جي ام سي هم الارتب