أضف سؤال أو موضوع جديد          

مواقف طريفه صارت مع سيارتك

up 10 down 6
kaboom smash 645
قبل 8 سنه و 2 شهر



ياشباب كل واحد يكتب موقف طريف صار بسيارته ولا بسيارة خويه ولا أخوه ولا أحد أقاربه خلونا نفرفش شوي الله يسعدكم 

 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قطوة ورتني نجوم الظهر 
اطلع من البيت القاها منسدحة على فتحة موتري
واذا اطردها قبل لا تروح تطالعني بنظرات كأنها تقول بسيطة اوريك
واروح وارجع للموتر القاها مرة ثانية على الفتحة
والحل يا جماعة ههههههههههههههههههههههههههههههههههههه
مليت من هالسالفة كل يوم نفس الموقف


up 5 down 1
mr959 430
قبل 8 سنه و 2 شهر



كنت رايح البقالة ووقف جنبي موتر نفس موتري بالموديل واللون وكل شي
وبالصدفة انا وراعي الموتر رايحين للبقالة واثنينا تاركين الموتر شغال
انا من الاستعجال طلعت وركبت موتر اللي جنبي ومشيت ولا ادري
الا شفت راعي الموتر يركض وراي O_o قمة في الاحراج 


up 15 down 2
abu ali 333 59
قبل 8 سنه و 2 شهر



مره كنت طالع للبر بسيارت ابوي هلي 99 الله يذكرها بالخير المهم 
كنت مسوي فيها حبتين  عاد تعرفون دبة 99 مايحتاج عليه صوت وانا ادعس وادعس لين فلتت الدعسه من عند الكبريتر 
 فلتت العصر تقريبا 5 العصر .ام الورطه ياشيخ وابوي طالع مع خالي يم ديره بعيده  فتحت الكبوت واقعد ابو نص ساعة احول اشد السلك 
 المشكله لو هي سيارتي عادي لاكن سيارت ابوي واخر شي اتصلت على اخوي وجاني المغربب وقلصنا السياره هههه تصدقون امشي فيها وهي شغاله 
بس دعاست البنزين مرتخيه ههه ابوها من حاله .والله توبه ادعس مسوي تفتفه هههه .سوري على الاطاله


up 3 down 10
بدر ال زيدان 123
قبل 8 سنه و 2 شهر



مره كنت مع اخوي موقفين عند محل وفيه سيارات يميني ويساري اول مانزل اخوي من السياره رجعو السيارتين بنفس الوقت وانا احسب ااالسياره تقدمت وانا كنت الراكب ووقتها الزبده صكتني ام الركب هههههههه


up 10 down 0
سحرني حلاها -28
قبل 8 سنه و 2 شهر



ههههه 
مره وقفت ماركيزي أيام العز 
وقفتها على N الفاضي 

المهم وانا واقف اسولف مع خويي 
شوي الا السياره تتحرك وجلست ألحقها ابي اركب فيها لاتودينا بداهيه هههههه وتم الركوب والسيطره عليها 

فنصيحه
اذا وقفت في مكان اسحب جلنطك وخذ راحتك 


up 6 down 0
أنيق 17573
قبل 8 سنه و 2 شهر



مرة مشيت بموتري وقطوة قاعدة فوق التندة و ما نزلت

 وانا اسمع صوت شيء فوق التندة واقول وش هو هذا

والله واوقف على اليمين وانزل واشوف ما الاقي الا القطوة تنط من فوق التندة و تنطلق مناحاشة هههههههههه 


up 2 down 0
tapp -4
قبل 8 سنه و 2 شهر



موتر للعائلة فان ... خربت فحمات السلف من الصبح احاول فيه احاول فيه مايشتغل شلته بسطحه يوم وصلت الورشه امر يشتغل واطفيه ويشتغل بكل سهوله .. بعد كم يوم اخذت السياره من الورشه ورجعت للبيت جيت بشغله عيا يشتغل مرره واوقفه يومين من المحاولات واجيب سطحه يوم وصل الورشه امر يشتغل مدري من تنطيط السطحه ولا استهبال بس الموقف من قبل حقين الورشه 


up 1 down 0
meshal82 507
قبل 8 سنه و 2 شهر



مره وانا في الباحه رحت يم المطل اللي يشرف على تهامه والقى قرود اعزكم الله وجا القرد الكبير حقهم وتعلق في سقف الفكسار وانا قلت اذا اسرعت بيبعد ولا بيطيح وتعلق الين طلعت من رغدان ودخلت الباحه وهو يضرب الفتحه يبي يكسرها والله ياجاني رعب ذاك اليوم


up 3 down 0
المعاوي١٩٩١ 426
قبل 8 سنه و 2 شهر



مرة في البرد وقفت موتر لي فورتشنر جنب معارض النسيم واخذته بعد المغرب واسمع صوت غريب المهم مع الزحام واوقف الا واسمع صوت قطوة وينها ما ادري وعلى اقرب بنشر وما قصر ابو يمن دورو لدرجة واحد منهم خاف يحسبه جني الغريب في الامر ان الفورتشنر واضح كل شي المكينة المروحة ما فيه تعقيد المهم خافو اليمنية شوي ونقر عيونه القطوة حول النور الامامي اثاريه دخل ومشى مع بطانة البودي وصار في الرفرف الاعلى اليمين للموتر وما عاد ينفع فيه لا فك شمعة ولا شيء والمشكلة الكبيرة خفت انه يموت وبيخيس بالموتر وين القاه اخاف يتعد الرفرف بصراحة خفت والموتر جديد وكالة المهم لا تضحكون عليه وانا جنب الوكالة قلت خلني امرهم يشوفون حل الموضوع كبير والقطوة كل ما لها تمشي واخاف ما عاد نقدر نطلعها الا نقص الموتر هههههه المهم لقيت مهندس اعرفه بيطلع قرب نهاية الدوام العصر وقرب من الموتر يدور معي القطوة وسمع الصوت وهو ينحاش هههههههه قال اعوذبالله المهم مشيت وما ردني الا صناعية النسيم والقى عامل يمني وسمع صوت القطوة ومن حسن الحظ انها ما تزحزت عن مكانها في الرفرف فوق قال لازم نفك البطانة ونحاول نمسكها ونهديها لا تنحاش وبالفعل فك البطانة بخمسين ريال شرطها قلت بيني وبين نفسي والله لو تبي 100 ريال بس فكنا من هالتوهيقة وندعي كلنا ان القطوة تثبت مكانها والحمد لله نزلت المسكينة وهي صغيرة حليوة بصراحة بهدوء وراح العامل يهديها ونسى موتري وانا على اعصابي قلت ياخوي اخلص علينا طبق البطانة صح والكلبسات صح والحمد لله تمت العملية على خير وحنا نتحاسب ونضحك والعمال تجمعت علينا تشوف العملية غابت عنا القطوة وركض خفنا ترجع مرة ثانية للموتر هههههههههههههههه والحمد لله صارت ورى كنداسة منحاشة ووالله لو دخلت مرة ثانية يمكن اخلي الموتر اكيد انه جني ههههههههه وش رايكم تصلح رواية


up 4 down 0
أبو عوض 2012 227
قبل 8 سنه و 2 شهر