طلعت علي اقساط 100 الف هوندا سيفيك

لاتاخذها عندك خيارات غيرها وكذا سعر ألفوائد 25 ألف 

سؤال ي بو محمد راح تكون راضي بعد 3 سنوات تطلع من باب بيتكم وتشوف ألسفك راح تكون مرتاح لها ؟
وجهة نظري فيه خيارات ثانيه أحلى عندك ألسونأتا ألنص فل كويس وتمشي ألحال أحسن من ألسفيك 
وعندك ألمأزدا زوم حليؤه 

لا تطلع من هالخيارأين أذا تبي تكون راضي ألموتر بعد 3 سنوات 
وبأقي ألاعضاء يفيدونك 

^ وجهة نظر 

سفك + سفيك = سيفيك معليش ههههههههه 

يعني السوناتا افضل من السيفيك ؟!

وكم سعر النص فل ؟

اخوي انا اقول انحاش عن الاقساط انت من جدك الفايده عليك فوق 25 في المائه معليه بس ترى انت اول فيه  واذ كنت ملزم مدري اذ كنت مثل مايسمى اجار منتهي تائكد انا بيكون وفق الضوبط الشرعيه

حدود سعر ألسيفيك ماايتعدى 80 أقل منها مااعندي علم عن ألاسعار 

نايف القحطاني وش تسوي للي منحد يأخذ له إقساط عشان يرتاح من هم الورش وقروشتها ويطلب فلان وعلان ليه يجلس بدون سياره يأخذ له جديد ويرتاح من فلان وعلان والورش أحسن من أني اشتري بـ 20 واصلح بـ 10 

سيارة بحجم الكورولا وصلت 100ألف؟
والله انصحك تدور غيرها وإذا كنت مُصر عليها حاول تطلع قرض وأفتك من فوائد الوكالة...

عادي يا اخي الفوائد ممتازة واقولك ليش اولا لان التامين بيكون شامل وقيمته ما يقارب 5 % من قيمة السيارة يعني 3700 ريال يعني بيطلع التامين حول 18 الف ريال لحاله طوال مدة ال 5 سنوات وميزة التامين الشامل انه اذا صدمت يصلحون سيارتك وسيارة المصدوم في الوكالة + اذا احد صدم سيارتك وهي واقفة او انسرقت او احترقت هذي يشملها التامين

اف اف اف
  
اسمحلي اقول السعر جنوني
 
 اولا السيفيك سيارة ممتازة ماقلنا شيء 

 لكن ١٠٠ الف ولو بعتها بعد ٥سنوات تجيب ٣٥مثلا 
 
 ٦٥الف خسارة على ايش    ليتها على جيب او سيارة كبيرة
  
او على الاقل خذ سيفيك ستاندر  عن طريق بنك بنظام القرض الشخصي
  
تصير باسمك والنسبة معقوله 

نصيحة لا يعلوقنك حسبنا الله ونعم والوكيل

ـ انظر الى الاخوان اللي عارضين سياراتهم للتنازل قد تجد لك شيء مناسب من حيث السعر المعقول حتى ولو لم تكن سفيك

شوف لك سوناتا ابرك حتى لو استاندر ..

صغيره السفيك خذا على الاقل موتر اكبر من كذا لك ولزمن

الله يرزق من حيث لا تعلم

السلام عليكم يا الربع ... بالنسبة لموضوعك ياخوي انا اقترح لك اذا انت موظف خذ لك قرض تقريبا ب 60 او 70 الف طبعا هاذي يحكمها كم راتبك وهل عليك مسؤوليات واذا تقدر زدها شوي وشف الموتر الي تبي عندك السوناتا النص فل ب 74 اولا مع احترامي للهوندا السفيك صغيرة ومكينتها صغيرة ولا تستاهل يعني شكلها مهب مررره ولاهيب مرغوبه ولا شي والاكورد طايره في السماء سبشل ب 94 مع احترامي صحيح انها حلوة وقيادتها ينشهد لها لكن ماتستاهل هالمبلغ على موتر يعتبر من فئة السوناتا والكامري المفروض اقل ... والراي الاول والاخير لك ياخوي تقبل مروري وشكرا

والله حرام هالاسعار في مثل هالسيارات المشكله لو حنا يدا واحده ونسوي مقاطعة للوكالات كان مالقيت الاسعار هذه عندنا لكن للاسف كل واحد عايش على رغبته حتى لو نصبت عليه الوكالهوروووووح شف وكالات الخليج تجد السعر فرق بيننا وبينهم كثير