أضف سؤال أو موضوع جديد          

مجرد فضفضة ...الموضوع عن السيارات الرجاء عدم الحذف

up 26 down 16
فيصل العيسى -165
قبل 7 سنه و 7 شهر



السلام عليكم ورحمة الله وبركاته

صباح/مساء الخير
شخباركم عسى الامور طيبه
كل واحد منا يبي يركب اطنخ موتر!!
بس مايقدر ولسان حاله يقول من وين ياحسره
مواقف تصير له شبه يومي او اسبوعي عند اجتماع الاصحاب او الاجتماعات العائلية وكما هي حال الدنيا هناك طبقات في المجتمع ولاأحد يقدر ينكر هالشيء
من المواقف بين الاصحاب تروح بسيارتك اللي قد حالك وتشوف سيارات اصحابك او بعضهم اغلى من سيارتك بـ 10 مرات وانت بوقتها تحس بالغبنه تشوفه ماحافظ عليها ومعدل فيها وممكن يدرفت او يلعب فيها وانت سيارتك محافظ عليها وتعتبرها راس مالك ...وقتها تحس بالغبنة والقهر وممكن لارجعت تكسر موترك (: .

وايضا موقف عند العائلة في المناسبات ممكن تخجل انك توقف سيارتك قريب بل تتعمد توقفها بعيد خشية ان احد يقولك للحين ماغيرتها !!

وغيره من المواقف اللي تخلي الشاب المهتم بعالم السيارات يتنكد وينهم بسبب انه يطالع السيارات اللي فوق مستوى سيارته!!

وصى فيها الرسول صلى الله عليه وسلم وقال: ( انظروا إلى من هو أسفل منكم ولاتنظروا إلى من هو فوقكم فإنه أجدر أن لاتزدروا نعمة الله عليكم )


بابي هو وامي لاينطق عن الهوى
والله ثم والله من طبق هذا الحديث انه بيعيش ملك

عزيزي جرب يوم تقتنع باللي معك وانك احسن من الف واحد مايملك اي وسيلة مواصلات واحمد الله دوماً وان شفت سيارة فارهه اذكر الله واسأله يؤتيك خيره منها.

القناعة يالغالين وربي انها كنز

والله بعيني اشوف ناس مالها غير التكاسي وبعضهم مايقدر على تكاليفهم
الحمدالله على كل شيء

ودايم قولوا هالدعاء في الصباح

اللهم ماأصبح بي من نعمة أو بأحد من خلقك فمنك وحدك لاشريك لك فلك الحمد ولك الشكر.

الله يغنينا عن حرامه ويرزقنا القناعة بكل شيء
والسلام عليكم
اخوكم فيصل العيسى (أبو فهـــــد)












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شخصياً لا يهمني ما معى غيري
يكفي انني مرتاح في سيارتي
ما تدري ذاك سيارته صح غالية بس كل شوي في الورشة

لايك

على فكرة حلوة صورة البي ام هههههه



up 4 down 3
mat2rain 246
قبل 7 سنه و 7 شهر



والله القناعه كنز 

والسياره مهما يكون هي نعمه وما يعرف قيمتها الا اللي يفقدها 
كان معي اكسنت وراحت تالف والتأمين تكافل الراجحي يماطل والحين عرفت قيمة السياره واتمنى اي وسيلة مواصلات


up 3 down 2
أبو غاليه ... 770
قبل 7 سنه و 7 شهر



صراحة انا صالي موقف بي الكوريلا قدييمه 94 قرنننبع رحة زواج وشفت ولد خالتي معه اكسنت 2007 وقتها كنت ماخذ فيا نفسي لكن شهرين واخذة الصني وانا صرة احسن منه وعن ما قريب بطلع موتر وكاله بس نخلص الدراسه


up 3 down 5
os 5 -38
قبل 7 سنه و 7 شهر



موضوعك صحيح مختصر يا الغالي , بس عطيتنا فيه حكم تكتب بماء الذهب !!!!!! مرة كنت أسولف مع واحد من الربع الله منعم عليه يمكن بحسابه أقل شي 20 مليون و معاه كامري 2007 إسطباتها مشهبًة !!!!! فكنت أقول له: يا فلان الله منعم عليك و تقدر تشتري بدال المرسيدس 10 ليه ماسك على روحك ؟ قال لي: المرسيدس توديني و الكامري توديني لمشاويري و الفرق بالرفاهية , و أنا ما عشت حياة الرفاهية عشان أنجذب لها !!! والحمدلله ماني مقصر مع أهلي ولا حبايبي .


أما الحمار اللي عليه شعار بي إم ههههههههههههههههه ماله حل , تسلم يا غالي , و أكيد أطلق لايك .


غرك جمالك هذا بخيييييل 20 مليون مشاء الله ومعه كامري هذا بخيييييل خخخخخخ


up 6 down 6
os 5 -38
قبل 7 سنه و 7 شهر



القناعة كنز لا يفنى

والثقة بالنفس شيء طيب


up 5 down 0
أبو عبادة 4852
قبل 7 سنه و 7 شهر



ليه  يحذذذفون الموضوع ؟؟ 
الموضوع له علاقة بالسيارات اقل شيء
واخوي بالنسبة لي  رراعي بلي عندي وبالعكس اتحمد ربي على الي معي احسن من منه فلان وعلان


up 3 down 0
صوت العزاوي 523
قبل 7 سنه و 7 شهر



موضوع هادف
والله يرزقنا القناعة بما أعطانا.


up 2 down 0
nnmm 1414
قبل 7 سنه و 7 شهر



مشككككورين عالمرور وكل واحد لايك ولايكفيكم والله.


up 0 down 0
فيصل العيسى -165
قبل 7 سنه و 7 شهر



لن أحترم أحداً بسبب فخامة سيارته ، أو بهاضة ثمنها ، ولكن أحترمه لشخصه !!

فلوسه له ، وسيارته له ، وكشخته له ، يعني هو يكشخ ويترزز وأنا احترمه وأقدره عشان فلوسه كثيرة !! طيب هي فلوسه أنا وش دخلني احترمه !!

أنا عني لا أستحي ولا أخجل من سوء سيارتي أو موديلها القديم ،
كلن يمد رجله على قد لحافه !!

وفقكم الله




up 6 down 1
أبو أحـــمد 2433
قبل 7 سنه و 7 شهر



انا اشهد القناعة كنز لايفنى الي مقتنع مرتاح البالي ويعطيك العافيه اخوي على الموضوع الجميييييييييييييل الهادف


up 3 down 0
mans 1937 222
قبل 7 سنه و 7 شهر



جميل جداً 
وفقك الله لكل خير ونفع بك 
احلى لايك ♥


up 2 down 0
bmw 2013 369
قبل 7 سنه و 7 شهر



انا اشهد. ان الله كريم معي ورحيم. الحمدلله معي سياره.  توصلني وتقضي مشاويري وأبشر كم فيها مكيف. يارب لك الحمد. 


up 4 down 0
البطش 3583
قبل 7 سنه و 7 شهر



اش عليه من الناس وش على الناس مني

اذا بتفكر في كلام الناس مابتعيش

الحمد لله معي سياره قديمه واشوف انها افضل سياره اهم شي توصلني دوامي ومشاويري

بالتوووفيق


up 0 down 0
مورد الماء 321
قبل 7 سنه و 7 شهر