عند اشارات المرورية والجريمة المستقبلية

الصدقات تزيد في الرزق وتطفئ غضب الرب .. ريال ولا ريالين مابياثر عليك .. في ناس يقولون يمكن كذاب انت لية تعطيه عشان الاجر هوبينه وبين ربة اما انت ان شاء الله لك اجر الصدقة

الصدقات تزيد في الرزق وتطفئ غضب الرب .. ريال ولا ريالين مابياثر عليك .. في ناس يقولون يمكن كذاب انت لية تعطيه عشان الاجر هوبينه وبين ربة اما انت ان شاء الله لك اجر الصدقة

طيب أخي الي التعليق السابق.....
انا معك أن الصدقه شي ونعم فيه.........لاننا نعلم انا وأنت أنهم يمنين وغير ذلك..

لكن عندما يأتيك زائر من الخارج ويرى الاشارات اربع وخمس نساء ووراعين ...وش تبيه يقول عن وطننا الغالي

وطن لانحميه ..لانستحق العيش فيه

والحمايه والرد عنه ليس على الحدود ومهمة الجيش فقط ....حتى بالاعلام وبالكلام لابد من حمايته

ونتمى نشوف بعد انتهاء مهلة التصحيح حل أمثل ...بالسجن والردع ومصادرة أموالهم وترحيلهم لبلادهم التي أسأل الله أن يرزقهم فيها ويكفيهم عن بلدنا.

الشي الثاني من ناحيه دينيه.......سؤال الناس شيئ غير مستحب وكذلك أكل الصدقه لمافيه من الذل والاهانه وكسر النفس...وكما قال صلى الله عليه وسلم ( اليدالعليا خير من اليد السفلى )....
وتوجد أحاديث كثيره تدل على كراهة سؤال الناس.
وبدل مايسأل الناس .....يسأل رب الناس الذي بيده كل خير سبحانه....

اخوي المشكله ان نسبه كبيره منهم مو محتاجين ومو فقراء

^^^ ايه قسم بالله صدقت
انا اعرف واحد مو متسول اﻻ شغال في فندق يشيل شنط وبفلوس البقشيش
 بنى عمارة 6 ادوار ما شاء الله ودا جنسيته سعودي وليس اجنبي بس 
وما زال حتى الان يشتغل في الفندق بس مسك منصب المسؤول عن اللي يشيلو الشنط
ما شاء الله

شوفوا يا اخواني الكرام من ناحية ظاهرة التسول عند الاشارات فهذي عصابات تسول لهم رؤساء ياخذن اللي جمعوها الناس والواحد اذا بيتصدق فانصحه يتصدق على ناس يعرفهم ومن جماعته الاقربون اولى بالمعروف وهؤلاء ماتدري وين يودون الفلوس ولا وش يستخدمونها فيه والواحد المحتاج يشتغل اي شغله لو انهم صادقين كان اقل شي يبيعون مويه عند الاشارات وانا ماودي اظلمهم والله يقوي الامن ويديمه في بلدنا

اخوي دامك عارف ان الريال او الريالين هذه الى بتعطيها المتسول بتساعد انت فيها على الحد من وقوع السرقات او ايقاف جريمه مثل ماتقول فهذا شي طيب وبالعكس انت كذا ساعدت الأمن وحفظته بسبب الريال  وهذا شي يحسب لك ويعتبر انجاز امني تعجز حتى الدول المتقدمه من القيام به التنبؤ عن الجريمه قبل وقوعها 
اخوي دع الخلق للخالق انت ماتعرف وش ظروف الناس والفقر الى يعيشون فيه وخصوصاً الدولة الى انت ذكرتها صحيح ان التسول اصبح مهنه ولكن هذا شي بينه وبين ربه وانت لك اجر الصدقه 
وحتى اكبر دول العالم وأغناها فيها فقراء ومتسولين امريكا وهي امريكا فيها نسبة كبيرة من المشردين الى مالهم حتى مسكن وتلقاهم في الشوارع او ساكن وسط كرتون
والدنيا هذه كلنا رايحين منها ومايبقى الا عملنا ولو مافي فقراء الصدقه لمن تروح وزكاة الاموال الى الكثير منا اوقفها واكتفى بصاع من الحب مع نهاية كل رمضان 
وغير كذا اليوم وصلني مقطع على الواتس اب وعن تقرير مصور لأحد الاخوة الاعلامين عن عمال النظافه وامتهانهم التسول عند الاشارات بعد وقت الدوام الرسمي  المسكين زعلان عشان العامل يطلع بحصيلة خمسين ريال من التسول وكأنه لايعلم ان راتب هذا العامل ٣٠٠ ريال شهرياً ولاتصرف له بإنتظام
بينما يقوم هذا الاعلامي بشراء لعبه لأحد أبنائه الله يحفظه له بقيمة راتب هذا العامل في يوم واحد 

يا شيخ والله ما عندك احد انا ساكن في النسيم و اشوفهم كل يوم قاعدين على الشارع المقابل ل مبنى "هيئة مكافحة التسول" ولا احد يكلمهم ولا احد يقولهم شي ...بعدين ذولا اللي على بالك مساكين روح اسأل عمال "ميد" اللي في المحطات كل نهاية يوم يطلعو تقريبا 400 -500 ريال ....و قبل كذا الشرطة مسكة 2 حريم وحدة منهم تبغى تشتري موقع الثانية بمبلغ 100 الف ريال ! ... 

ي اخوي الحين طلعوا بسالفه جديده ..

جاتني وحده مع ولدها صغير تقول احنا سوريين مساكين وباين من الولد واللهجه انهم يمنيين والله تعالى اعلم ..