هل تنصحوني بجيب داستر

سيارات حلوه لكن عند الصيانه قليل يعرفون له ..وعند البيع قليل اللي يبيه يعني بينشب بحلقك...بالتوفيق

تبي نصيحتي لاتشتري سيارة إلا وقطع غيارها عند الحضارم وفي كل صناعية

رح للصناعيات نادر تجد قطع غيار للبيجو لعدم شعبيتها

مثلا شف الهيونداي غيارها تجده ممكن عند البقالات

انا كان معي رينو كليو 2003 ماخذها وكالة ، مشيتها 215 ألف كيلومتر ، وبعتها ، كانت جيدة وراسية وأنظمة الأمان عالية و و و ، قطع الغيار متوفر في الوكالة فقط ، كان الوكيل (الزاهد) ولا مرة انتظرت قطعة ، كله موجود، وصيانة سريعة ومجانية وخدماتهم ممتازة ،

عيب السيارة لمن جيت أبيعها في عام 2008 يعني عمر السيارة 5 سنوات بكل كلفة جابت 5000 ريال !!

بالنسبة للجيب "داســتر" أحسه حلو لكن يعيبه شكله ، وحجمه !!

استخــر وتوكل على الله ، سعره مناسب وشفت في الجرايد كاتبين بـ53 ألف ريال ..

موفق

اخوي انصحك تشوف مثيله من الجيوب الصغيرة وبنفس السعر تقريبا ومواصفات افضل
مثلا
( هيونداي توسان 2014 - كيا سبورتاج 2013 - تويوتا راف فور 2013 ) 
لكن ارشحلك توسان ولك الإختيار

تقبل مروري

حجمه صغير

والبديل موجود - سوزوكي قراند فيتارا - هوندا سي آر في - تويوتا راف فور

عند البيع تتورط فيه وما يجيب لك سعر

ولايك للجميع ****

مشكورين على الردود نبي زيادة 

اكثر من مره اشوفة 52999او 53 واعتقد صناعة كورية وليست فرنسية يجمع بكوريا لان اغلب الرينو مصنوع بكوريا وانا متاكد من هذة النقطة

رينو داستر يا شباب يصنع في رومانيا في مصانع الحين تابعة لرينو لكنها كانت تحت اسم داسيا ايام كانت رومانيا بلد شيوعي و، رينو اشترتها لما الحكومة الرومانية خصخصت مصانعها

اصبر شوي الى 2014
نيسان بترجع تنزل تيرانو ( نيسان و رينو نفس الشركه)
اللي بيكون اخو دستر بالضبط
و اذا مستعجل خذ لك ديهاتسو تيريوس
بس شوي غالي

السيارة هذي في رومانيا وباقي دول شرق اوروبا وروسيا اسمها داسيا
وهي تابعه لرينو 

وعلى فكره 
داستر ولوجان من نفس العائلة كلهم من شركة داسيا العريقة 

كجودة ما اضن انها بتصير رديئة لأن داسيا تصنع بعض سيارات سكودا وفورد ونيسان
الصغيرة والشبابية

لكن المشكلة الحقيقية هي في قطع الغيار والسعر والرغبة عند البيع 

يعني زبون هالسيارات قليل جدا جدا ونادر

استخر ربك ودور لك خيار ثاني بسعر يقارب لهالسعر 

انا كمان بفكر اشتري داستر بس سؤالي هو عن متانة السياره وقوتها 
وقطع الغيار متوفره وبعدين نفكر في بيعها 

السعر فعلا مغري وانا مثلك جالس اقولبها يمين يسار لكن كلام الربع فيه قناعه شوي من ناحية القطع والبيع وخبرك ربعنا بالوكالات السعر يدبلونه 4 مرات وذا جزمت رحت الكويت ترا الفرق وااااااجد عن السعوديه وكيلها المسعود ...ونصيحتي ترجع لثلاث اشياء
1- اذا ظروفك وفلوسك هذا حدك... فتوكل على الله
2- اذا بتاخذها جديده اكيد ماراح تطلب ولا تتعطل معاك اقل شي 5 سنوات..فتوكل على الله
3- اذا انه مايهمك بعدين البيع والخساره وفيه من يستلمها بعدك من اخوان او سبير لك .. فتوكل على الله

أتفق مع كلام الآخ aboody2009 جملتا وتفصيلا.. 

أبوياسر74 
أبعد عن الجنسية العربية وأنت بخير بالذت اليمانية, ترهيم وترقيع ومشي حالك والسعر أضعاف سعر الهنود والباكستانية. أي شغل يد ما يكلمك دون 200 ريال والجنسيات الثانية تصلح ب 70 ريال

شباب الان الداستر مسوين عليها عرض ب۳۷
تنصحون فيها
ياليت اللي جربها يعطينا رايه

سياره عمليه وجدا ممتازه من واقع تجربه

الان الداستر ب 33 ها وش رايكم واشوفها انتشرت بكثرة

ها اشتريت ولاباقي؟

الداستر بامانه كنت ما احترمها
اضطريت واستاجرتها برا
غيرت مفاهيمي كلها
سياره جباره
صخور وطرق وعره واماكن لو سياره ثانيه ما اعتقد كملت معاي
وفعل فالاقتصاد جيده

احنى في السعوديه مانعرف هذي السياره
لاكن المهم
تاكد من توفر قطع غيارها واتكل على الله