أضف سؤال أو موضوع جديد          

يالمتقدم على الإشارة وش تحس فيه ؟؟

up 15 down 5



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , المتقدم على الإشارة المرورية .. وش يحس فيه ؟؟ يجي يتجاوز
السيارات عشان يكون أول واحد !!! و بعدها يأخر الناس عشانه ما يدري هل الإشارة فتحت أو لا ؟ و بعدين
وين إحترام خطوط المشاة ؟ والله ما صار فيه إحترام لخطوط المشاة إلا بعد ما جاء ..............
(ساهر) حبيب الملايين هههههههههه , لأن اللي يتجاوز خط المشاة (يكشح) بوجهه (ساهر) , و طبعاً الإشارات
اللي ما فيها (ساهر) حدثً ولا حرج عن الفوضى اللي صاير فيها !!!!!!! تلقى واحد موقف بالمسار الأيمن و
معطلً خلق الله اللي يبون يلفون مع الإشارة لأن حضرة جنابه , مو متنزل ينتظر عند الإشارة لأن الوقت من
ذهب !!!! و هو طبعاً يا رايح (الإستراحة) عند ربعه أو رايح المقهى يقابل ربعه !!!!!! أنا ما أنكر إن الواحد
ساعات يضطر يوقف بالإشارة بالمسار الأيمن لأنه يكون مستعجل على شغلة مهمة !!!! لكن الشي الصاير الآن
عبارة عن حدث يتكرر كل يوم و بكل وقت !!!!! الصراحة أنا أتمنى يطبقون نظام (النقاط) الموجود حتى في
بعض دول الخليج مثل: الإمارات و قطر إلخ ... بحيث إذا الواحد خلص النقاط تُسحب منه الرخصة نهائياً وما
يقدر يرجعهًا إلا بالتي و اللاتي و يطلب عفو إلخ ... لكن عندنا هنا ما يهم إلا (الفلوس) وبس !!!!! لو تسوي
1000 مخالفة بالشهر ما عندك مشكلة , أهم شي تسدد و بس !!!!!! و عندي نصيحة أخيرة للي يتقدم على 
الإشارة , ياخوي خذ راحتك تقدم على الإشارة و سو اللي تبي بس أهم شي لا تعطلً الناس و تأخرهم و خصوصاً
إنك أول واحد عند الإشارة و ما راح تتعطل لو قربًت تسكر !!!!!!! لأنك على طول راح تمشي .

همسة : (إذا غامرت في شرف مروم ... فلا تقنع بما دون النجوم)

محبكم &&& أبو طلال









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بيض الله وجهك فعلاً منظر غير حظاري ولازم تكون عندنا ثقافة


up 6 down 2
فيصل العيسى -172
قبل 6 سنه و 2 شهر



جزاك الله خير وفعلا لازم نعطي الطريق حقة والمشاة حقوقهم


up 4 down 2
ولد المدينة 2014 1307
قبل 6 سنه و 2 شهر



على كرهي لنظام ساهر إلا أنه من إيجابياته منع بعض الناس من الوقوف

على خطوط المشاه وهذه من بعض حسناته تسلم على الموضوع يابو طلال


up 6 down 2
ابــو ســنــد 10639
قبل 6 سنه و 2 شهر



ايه والله انك صادق من يوم جاء ساهر كسر وجيهم صح


up 4 down 1
zoom zoom 626 -40
قبل 6 سنه و 2 شهر



بالنسبه للي يوقفون على اليمين
هذي حلها بسيط يسوون رصيف بعرض 50 سم وارتفاع 100 حمايه للي بيلفون يمين
يعني يصير الي يمشي بالمسار الايمن ما يقدر يمشي سيدا
وبكذا دائما راح تشوف المسار الايمن فاضي
ومطبق في بعض الشوارع زي العروبه والتخصصي وبعض اشارات العليا
اما بالنسبه للي يتجاوزون الناس عند الاشارات ويوقف اول واحد بالعرض
هذي حلها كاميرا ساهر وابن امه يوقف قدام الاشاره او يتجاوز عبور المشاه وبكل الاشارات الي فيها ساهر نشوفهم ملتزمين بالخط خخخخخ
شعب ما يمشي اصح الا بالمخالفات والسجن والغرامه



up 1 down 1
ملك الخطوط 233
قبل 6 سنه و 2 شهر



فعلا من اكثر مظاهر التخلف هي هالحركات, لأن المنطق فيها ماهو مخالفة مرورية وبس بل هي عدم احترام للناس الواقفين او اللي يبون يروحون يمين من الإشارة.
لأن الاشارة فكرتها بالضبط مثل الطابور ؛ لو جاء واحد وتعدى كل الطابور و وقف اول واحد وش بيصير فيه ؟؟؟

احترامك للناس اهم من احترامك للنظام


up 1 down 2
raselny 209
قبل 6 سنه و 2 شهر



والله انك صادق قمه الحقاره امس واحد وقف على اليمين وعرض سيارته وحشر ا لناس ماقدرو يلفو يمين والاخ زعلان من الي يضربو بواري وراه ويأشر بيده ايش فيه وينافخ على السواق الي وراه ثم فتحت الاشاره وقدام في اشاره ثانيه ويجي نفس الشخص بيلف يمين الا ان الله بلاه بواحد رخم مثله واقف على اليمين وقاام يضرب بواري ويسب ويلعن وفتح الشباك قال ضيقت على المسلمين الله يضيق عليك ...يقصد الي حاشر الناس بالاشاره...طيب انت قبل دقيقه مسوي مثل هالموقف!!!سبحان الله عالم عجيبه


up 2 down 1
craysiler 243
قبل 6 سنه و 2 شهر



ما خصمو من نقاطك 20%  غرك جمالك ؟؟


up 1 down 1
صوت العزاوي 526
قبل 6 سنه و 2 شهر



جزيت خيرا يالغالي 
فعلا هذي مشكله نعاني منها كثيرا


up 1 down 1
bmw 2013 368
قبل 6 سنه و 2 شهر



شاكر للجميع المرور .. صوت العزاوي : لا ما خصموا , و حتى لو خصموا كلمة الحق ما أتراجع عنها , و النقاط أول كانت تهمني
بس اللحين مالها فايدة !!!! اللي عنده 20 ألف نقطة زي صلاحيات اللي عنده 50 نقطة , وش فرقت يعني ؟؟


والله كنت من اكثر الناس اللي يكرهون نظام ساهر، لكن توني احس بقيمته
راجعوا هالفيديو من انتاجي واضحكوا https://www.youtube.com/watch?v=mYifkDhfm2Q


up 0 down 0
aldossariaim 80
قبل 6 سنه و 2 شهر



اكره هالحركه , مشكله تكبس له يعاندك وما يحرك بسرعه !



up 0 down 0
x500 775
قبل 6 سنه و 2 شهر