دائما نسمع كلمة ... على الفحص

السيارة مايعرفها الا راعيها

الفحص مو كل شي

اخي الحبيب ::

لازم الفحص لاراعيها ولاغيره كلن بيمدح موتر.....

النظيف بين صح وقفته وكله لكن لازم فحص ايضااااااااا ............."والفحص انت تعرفه مو هو يعرفه"

مثل الاغذية تقدر تاخذها بدون ماتطالع لتاريخ الانتهاء >>> شطحة على سنع

الفحص ابين الحساسات فقط

لاياخوي الفحص الجازم يطلع اليوب الواضحه والخطيره وبعض الفحص مايكشف  بعض الاشياء السياره من الخارج انا اقول سهلة الفحص والجزم بذالك اما عيوب المكينه والجير اقول فحصها صعب والجزم اصعب الا ذا عشرت السياره يوم يومين وهذا صعب سيارة الرجال ماتخذه معك اقول ان النصب في البودي من صدوم او سمكره ارحم مئة مره من النصب في المكينه والعضلات  عذرا على الاطاله

فيه ناس له نظره في وقفة السياره

وانا من النوع اللي اعرف السياره من وقفتها

يعني تشوف السياره اذا كل شي فيها نظيف مثل اركانها بطنها ماتحس طالع منه شي وزنية الوقفه مافيه ميول وهكذا حاجات كثيره لايمكن حصره وهي تشوفها في ثواني

يعطيكم العافيه
مع اني مافهمت شي 

المشكله يا رجال مراكز الفحص عندنا ليست بتلك الجوده
يعني من جمبها إلا بعضها و ينعدون على الأصابع
وكثير منها متقاولين مع أصحاب المعارض

البارحه جيت من مركز فحص يقول العامل إذا جا صبي المعرض مع الزبون ما أفحصها لكن أخلي الفلبيني يفحصها
لأنه إذا فيها شي يجلس يصارخ و أحيانا تكون مرشوشه و أمشيها و أقول سليمه عشان صاحب المعرض لا يجينا و يصيح علي لكن على الفلبيني ما يقدرون ل\

أفضل شي تشيل السيارة بنفسك بدون صبي و تروح لأي مركز وتفحص وإذا كانت دبل تطلع بها طعس ولا شي

في السعودية نفتقد لمركز فحص متميز

للأسف مراكز الفحص تعتمد على جهاز الأنلايزر حق المكينة و العادم وهذا كلام فاضي إلا شوي
هذه الأجهزه تعطيك قراءات لكن في الغالب ما تعطيك قرار و القرار يعود للفاحص

والكثير من مراكز الفحص لات تفحص الحاساسات بالأجهزة المخصصة لكل شركة سيارات ويستخدمون أجهزه عامه لكل سيارات محدثة ببرامج السيارات

ولكن هذا لا يكفي
جهاز الشركة لن يقارن بجهاز عام غير متخصص و خصوصــا في السيارات المعقدة كالألماني وبعض الأمريكي

أما جهاز البويه أو السمكره فهذا الجهاز على 3 أنواع حسب مراجعاتي للأجهزه
1- أجهزه تعطيك نتيجه بدون أرقام وهذه أجهزه قاصره فالسيارات ليست على (ستاندر) واحد...فمثلا الجهاز الألماني إذا كان على السيارة طبقة لكر زايده أو طبقة واقي سيعطي لون أصفر وهذا يعني رش حسب نظام الجهاز
و كذلك لو استخدمته على بعض السيارات القديمه سيعطيك لون أصفر لأن سماكة البويه في السيارات القديمه أكبر من السيارات الحديثة بسبب تطور التقنيه
2- أجهزه تعطيك قراءة مع نتيجه مثل القلم المغناطيسي حيث يحدد لك مناطق القراءه بالألوان وهذا مثل سابقه إذا اعتمدنا على النتيجه وليس على القراءه
لكن لو اعتمدنا على القراءة و الاستئناس بالنتيجه فهذا أفضل
3- قراءة فقط و القرار لك، وهذا يجب على من يستخدمه أن يكون لديه خبره سابقه في السمكره أو في استخدام الجهاز فتره طويله
لو ذهبت لأي مركز فحص سيقول لك لو أكثر من 100 معناه مرشوش ولو أكثر من 200 مسمكر ،،، وهذا قياس غير دقيق
الأجهزه تختلف و كل جهاز له (كالبريشن) أو وزنية معينه تختلف عن أي جهاز من شركه أخرى، وكل جهاز له نمط قراءة مختلف
وكل جهاز له دقه تختلف، ويبقى الأمر بيد الفاحص،،،!
مثال:قصه منتشره في النت بطلها جيب لكزس و 3 مراكز فحص في الرياض ،،، مختصرها ،،،،
الرجال راح فحص في الأول و النتيجه رش كامل، وفحص في الثاني و النتيجه رش كامل، و الفحص في الثالث و النتيجه رفرف أيمن مرشوش فقط
راح فحص في الوكاله و طلع إن كلام المركز الثالث هو الصحيح مع إن كل هذه المراكز الثلاثه عندها نفس الجهاز بالضبط

إذن الخلل وين؟؟؟؟ في الخبره


مراكز فحص+أقوى الأجهزة + عدم خبره = كلام فاضي

فحصت فورد لواحد فمركز كارتك

وقال انه القير فيه تزحيطه على قولته فالنمره الثانيه

الدفرنس فيه ونه  بس انا مافيه اي صوت

المساعدات لازم تتغير


رجعنا فحصنا بعد فتره عند مركز الغروب وطلعت السياره سليمه من جميع العيوب اللي ذكره مركز كارتك !!

بعض المراكز لازم تطلع عيوب حتى لو السياره سليمه عشان توريك انهم فاهمين

اخوي شاقح انت صادق كلهم يختلفون عن بعض

لكن كارتك ماعمري سمعت يشتكي منه لكن لو تبي تصيده غيب عنه فترة ولاتصلح شي من اللى قالك 

وارجعله وشوف ايش يقلك ان قالك نفس الكلام فاهذا يبصم له ويستاهل اني امدحه قدام الناس

وان قال العكس مافي منتدى الا وكتب فيه انتبهوا من المركز الفلاني تراه نصاب
 

وهذا من وجهة نظري انا

بنظري فحص الوكاله افضل فحص والا ياجماعه؟

الوكالة كم تاخذ منك على الفحص

وهل تقبل جميع الموديلات ولا الموديلات الجديده فقط

اخوي نصيحة مني اذا الموتر يسوى فوق 30 الف افحص بس اقل من 29 لاتخسر نفسك واجد لأنك تاخذ موتر مستعمل وشي اكيد بتلقى اشياء بسيطة مثل كراسي مكينة صوفة مكينة تحت مساعد
حتى الفحص مايقدر يحدد لك اذا المكينة فيها خراب او لا 

انا قصدي الموديلات من 2007 وانتا طالع 

وبعدين هذي اول سياره بشتريها 
يعني م باخذ سياره تكرهني بالسيارت كلها 

ومو كل اللي يبيعون المستعمل صادقين بكلامهم 

اخوي نصيحة افحص السيارة بنفسك يعني سقها وخذ لها فيها  اذا شفتها مظبوطة توكل على الله 

فحص كمبيوتر فاشل وبقوة ولا تخسر فلوسك علي شي

انا اذا قلت لواحد شرط الفحص يعني ابفحص السيارة بنفسي وسلامتك

وربك لو السياره مقلوبه ماعرفت 
تقعد تقولي سوقها 
انا اذا شفت السياره مغسوله وملمعه اعجبتني واقول هذا النظيف
يعني من جنبها 
عشان كذا الواحد لازم يفحص 
مو كل شي يبان بمشيتها 

تبي الجواب الي يبرد خاطرك ؟

الزبده ان : فحصك الشخصي + فحص الكمبيوتر = النتيجه 50% , 50%  وسلامتك 

شيارت تنعرف من صوت مكينه ومن مشيتها ومن تبديل تروس وحاجات كثيره يس فحص كميوتر يريحك اكثر 

الرياض وين تفحص بنفسك
اعوذ بالله
هذا يشطفك من يمين وهذا من يسار باقي طيارات تشطفك من فوق
صبات ومطبات وزحمة وشريطية
حتى لو توقف تبدل السواقه مع الراكب يكن يجي حرامي يركب مكانك ويسرق الموتر وانت وصاحبها تطالعون في بعض.

يبي لك تستاجر السيارة من صاحبها بسعر اجارها بالمحلات لمدة ثلاث ايام وعساك تقتنع.
بعض الامور ما تطلع إلا فترة وتروح وترجع.