أضف سؤال أو موضوع جديد          

إشتر سيارة على قدك يا الحبيب

up 17 down 3



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , اليوم حاب أتناقش وياكم بموضوع مهم جداً !!!! و هي رغبة الكثير
في التميز بشراء سيارة فخمة و إقتناء السيارات التي تتوفر بها رفاهية عالية !!!! مثل: السيارات الألمانية و 
البريطانية و بعض السيارات اليابانية مثل: لكزس إنفينيتي إلخ  ... بس في أشياء تحكم على الشخص إنه ما
يشتري مثل هالسيارات وهي: دخله المادي , طريقة إستخدامه , المواصفات اللي يرغبها إلخ ...


واحد إستخدامه (أقشر) مفروض ما يقتني سيارت فخمة !!! لأنها راح تبهذله بالتصليحات و الصيانة إلخ ...
و معروف كل ما زادت الرفاهية بالسيارة صارت الصيانة و طريقة الإستخدام و الإصلاحات أكثر تعقيد !!


أو واحد دخله الشهري بالكاد يوفيً أمور المعيشة و المصاريف الأخرى !!! يروح يشتري (أودي) ولا (مرسيدس)
ولا من خرب بالسيارة شي صار عنده عجز بميزانيته و تتلخبط أموره عشانه ما (مد رجوله على قد لحافه) !!!


أو واحد المواصفات اللي يرغبها بسيطة , سيارة تكييفها كويس , إعتمادية , مريحة نوعاً ما , مو شرط تكون
فخمة بالحيييييييييييل !!! هذا يشتري له سيارة أمريكية أحسن , لأنه حرام يشتري سيارة فخمة و غالية و آخر
شي ما يستخدم مواصفاتها !!!!!! و هذا يذكرني بالشايب اللي كل ما نزل جهاز شراه , جالكسي و آيفون و أول
ما ينزل شي جديد من الأجهزة يشتريه و هو بس يتصل و يرد على الجوال !!!! ولا يعرف للتطبيقات ولا يتصفح
النت !!! المهم يا اخواني اللي دعاني لكتابة هذا الموضوع أحد الأصدقاء أعرفه زين شغال بأحد الشركات و راتبه
ما يتعدى 5 آلاف !!! و شاورني على (أودي) موديل 2009 شافها بسعر كويس , قلت له: سعرها كويس بس
أنت ما راح تقدر تتحمل تكاليف صيانتها , إصلاحاتها , قطعها الإستهلاكية إلخ ... بس هو عنًد و مسك راسه
قال إلا بآخذها و سعرها لقطة و مستحيل ألقى بنظافتها , فما كان مني إلا إني أدعي له بالتوفيق و إن الله يسهلً
الأمور للجميع , تقبلـــــــــــــــــــــــوا تــــــــــــــــحياتي .

همسة: ( القناعة كنز لا يفنى )

محبكم &&& أبو طلال










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذي المشكله عويصه ومحد يفوق منها الا بعد ماينجر فيها ويورط فالدين
بعدين يعرف وش معنى ( مد رجلك على قد لحافك )

المشكله بعض الناس الان مايقتنع لا يبي يسوي اللي فراسه
واذا جيت تنصحه قال بس ( هذا حاسدني ) ههههههه

حاسدك على سياره بتورط نفسك فيها

والاودي شي طبيعي تكون اسعارها منخفضه بعد الاستعمال 
لانه مايشتريها جديده الا الاغنياء وبعد فتره يملون منها ويبيوعونها ويغيرونها
ويجيك اصحاب الدخل المحدود يشوف الموتر ماشي بسيط ورخيص وينقز فيه ويورط فيه

وشكرا على الموضوع


هلابك شاقح منور يالغالي , و تسلم على النصيحة .



10 سنوات بمجال التقسيط >> ياما شفت الي يتمرمط 
 بشراء سيارات اكبر منه ومن راتبة ومن بيتهم بعد..
مثل واحد توه متوظف براتب 4000 ويطلب لكزس بـ 150 
والي نص راتبة قسط بالبنك ويطلب سيارة > كيف يعيش ؟؟!!
وكثير من هالنوعية الي لحافه المتمثل فالسيارة اقل منه .. 

كثير بالمجتمع اذا ما تديين يحس بنقص والا حكه لازم يكون ملاحق طول حياتة بالديـــــــون
مو بس انه يشتري سيارة غالية الا في كل تفاصيل حياتة ...الله يلطف عليهم ويرحمهم

الهمسة >>>>>>>>> نسمع فيها لكن قيله من يطبقها
 
تسلم ع النموضوع المميز


up 3 down 0
aziz..747.. 2423
قبل 6 سنه و 2 شهر



سلطان: تسلم على المرور , ويقول لك المثل: لو بها خير ما عافها الطير .

الغالي عزيز: أنا أستغرب الصراحة من كثرة شركات التقسيط !!!! بس اللحين عرفت السبب , تسلم يا الغالي الله يوفقنا وياك .


شعب طفران خله يتكشخ ولو بالكذب 
المشكلة الناس تلوم الطفران وتترك الحرامي والمتنعم باموال الناس مثل التجار الحرامية
توي شايف فلم ستالين ههههههههه
حسبنا الله ونعم الوكيل


up 2 down 0
ابو عبدالله احمد 3471
قبل 6 سنه و 2 شهر



ذكرني موضوعك بمقولة امير قطر مدري الكويت
يوم قال : عزيزي الجندي لا تهايط وتاخذ قرض عشان تشتري بنتلي
, خذلك لكززس مثل اصحابك ترا راتبك 23 الف فقط
قهرررررررررررررررررر



up 4 down 0
ملك الخطوط 233
قبل 6 سنه و 2 شهر



انا ما يقهرني  الا   لا ركب سيارة مفخمة واخوة او ولد عمه او قريب له مح لحمه راكب قرنبع؟ 
ويداوم بالكلية ؟؟؟
وذكرتني بقصة راعي الجيب  الي صدم بالفندق  انجن جنونه يوم  صدم البنقالي على سيارته 
طيب حاجة منت قدها ليه تسويها؟؟؟ 
يقول سيارتي بعد الصدمة ما راح تسوى !!


up 0 down 0
صوت العزاوي 526
قبل 6 سنه و 2 شهر



صوت العزاوي ::
ترى مو مسئلة ان راعي الجيب المرسيدس مايقدر يصلح سيارته

بس المسئله انه السياره قيمتها فوق المليون وهو قادر يصلحها

بس ليه غيره يصدم فيها ويصلحها على حساب الفندق  !!!!

السياره بتصير مصدومه وتقل قيمتها ومعروف اي سياره تنصدم ماترجع مثل اول 

هو قادر يصلحها ولا ضارب حساب  بس المسئله انه السياره تعرضة لحادث خلاص ماهي مثل اول

لعلمك ترى مره صارت فامريكا حاله مشابهه لحالة راعي الجيب المرسيدس

واحد اخذ سياره فامريكا وصارتله مشكله لخبطه فشي والله مو ذاكره
المهم قدم شكوى وعاقبو الشركه وعوضوه بسياره جديده


والله انك صادق
شوف انا اشتريت افالون ٢٠١٣ والآن ببيعها وبشتري سيارة
ب ٥٠ الف عشان محتاج الفلوس


up 2 down 0
أبومالك2005 130
قبل 6 سنه و 2 شهر



اهنيك جدا جدا على موضوعك وتستاهل احلى لايك بعد انا من الموؤيدين جدا لك لأن للاسف بعض الناس على قد حاله ورافع خشمه اني انا ما اشتري السيارات الصغيرة ولا العايدية لازم موتري له هيبته ومدري وشوا والله نسبة كبيرة من اللي يشترون لكزز ولا بي ام قديم كم موديل كلهم هياط وعنده مسؤوليات اكبر من سيارة والله لو تفكرون فيها تراها سيارة توصلني وتجيبني دام الموتر الحمدلله مريحني يمشي ومكيفه بارد ومريح نوعا ما في قيادته ومركبه وشكله زين والحمدلله هاذا اللي ابيه ... وبعدين تلقاه مقصر على نفسه وبيته كله عشان سيارة ترى الناس حتى لو تشوف معك لكزز بتقول معك 2009 فلان معه 2013 ... والله هالفلوس هاذي اعرس بها وأمن نفسي وعيالي واطلع لي منها خمسين ولا سبعين الف واشتري موتر وش حليله ... تحياتي ويعطيك العافية


up 2 down 0
a.ibrahem 3102
قبل 6 سنه و 2 شهر



ابو مالك الله يعوض عليك ان شاء الله ويسد حاجتك ... ولا يحوجنا ان شاء الله للسلف والبيع


up 0 down 0
a.ibrahem 3102
قبل 6 سنه و 2 شهر



الحين تقول يوم صدم العامل بالمرسيدس .. يعني افهم من كلامك صاحب السياره مفروض يقول عادي صدموا بسيارتي ،، حتى لو هو غني وعنده فلوس .. بس مايسير دلخ للدرجه ذي الناس يصدمون بسيارته وهو ساكت .. حاول تفرق بين الواحد المطنوخ اللي يسامح لان المخطي يستحق ان صاحب السياره يسامحه .. مثال ،، لو انت عندك فلوس واجد والله منعم عليك وجا واحد يالله يالله راتبه يكفيه وسيارته قديمه وصدمك وهو مخطي وابو عيال واعتذر منك .. في الحاله ذي انت رجال مطنوخ وكفو .. لان يمديك تشتري بدل السياره اللي عندك عشره .. الفندق هو موظف العامل والعامل صادم بالسياره .. ضنك الفندق بكبره ماعنده فلوس تعويض ،، اكيد عنده .. طيب ليه يسامح الفندق دام ان عند الفندق فلوس .. خله يطالب بحقه ولا هو خسران شي .. تقبل مروري ،،  


up 2 down 0
.ابوظافر 22
قبل 6 سنه و 2 شهر



يقولك مثل عند البدو <لااتقول للعاشق إلا زيد> وخلك جنبه إذا احتاج فزعه بعدها
منتهى الخطوط انت صادق لكزس الله يوفق اخوانا القطربين ويديم عليم النعمه حنا عندنا يقلون لك لاتهايط بأكسنت 2013 خذ اكسنت 2002


up 2 down 0
fahd20 616
قبل 6 سنه و 2 شهر



كلام موزون
من يدخل البنك يخرب بيتك
يشتغل لكي يطعم البنك
ثم يدمن اخذ الدين
ويعيش طول عمره من دين الي دين ومن بنك الي بنك
شقيان طول عمره من اجل رفاهية البنك


up 2 down 0
imatinib 66
قبل 6 سنه و 2 شهر



موظوع   ممتاز     وتشكر  عليه القناعه كنز لايفنى
واللي  ماهو  كد   الفخفخه لايسويها

ورحم الله   امرءا   عرف قدر نفسه

ومشكوررر


up 3 down 0
امير الاصيل 1716
قبل 6 سنه و 2 شهر



تسلمون حبايبي على المرور لا هنتم , طارق حياك , وش فيه الآي فون ؟؟؟ هههههههههههه , تسلم ع المرور .


اخواني
طبقوا اللي سويته
كل مارحت لأي وكالة وفيه موتر خش مزاجك
سو قيادة تجريبية
مب مرة وحدة، عدة مرات، وخلك متعمق في استخدامك له
وحاول ماتحصر الموتر على مزاجك، جرب فئة ثانية وثالثة ورابعة
بعدها قارن الاسعار والمواصفات وخير الامور اوسطها
اخيراً استخير مرة مرتين ثلاث
راح تلقى اللي ربّي كاتبه لك فيه خير ورزق
هذا اللي صار معي تماماً والحمدلله حسيت براحة اختيار مابعدها راحة



up 0 down 0
aldossariaim 80
قبل 6 سنه و 2 شهر



بارك الله فيك يابو طلال


up 0 down 0
ابــو ســنــد 10639
قبل 6 سنه و شهر