تاهو دبل او يوكن بدون دبل

اذا موديل جديد 2013 انتظر الشكل الجديد 2015 احسن لك 

بس اذا مستعمل انصحك بالنظيف والممشى القليل واذا انت راعي بر دايم اكيد الدبل 

بالتوفيق

اصبر لا تستعجل
الشكل الجديد بينزل

اذا ما تبي دبل
خذ ترافرس الشكل الاول ب105 تلقاه عند التوكيلات
او اكاديا ب115
مجرد اقتراح
اليوكن و التاهو و الافلانش بدون دبل
ما تمشي بالبيعه بعدين

مجرد اقتراح

الشكل الجديد بيزيد تقريبا من15 الى20الف أقل شئ 
ويمكن يكون فيه عيوب مصنعيه مثل2007 عندما تغير شكله
اخوي اذا أنت منت راعي بر فلا تأخذ دبل زيادة صيانه وثقل بالسيارة والأمريكي ماهو حق بران

لا والله تاهو دبل اصرف بكثير من يوكن بدون دبل " وأرغب "

اذا طلعاتك للبر عايدية كشتات يعني فخذ بدون دبل سواءن تاهو او حتى يوكن لأنه مثل ماقالوا الشباب يشوي يثقل من عزم الموتر وثانيا لاقدر الله يشبك معك يوم بالغلط ولا يعلق ترى تصير اما اذا انت راعي نفود وراعي طعوس وتمشيه وساعة صدر ف خذ الدبل اكيد والتاهو واليوكن واحد لحد يلعب عليك ويقول هاذا عملي ولا ذا اقوى ولا مدري وشوا من تاريخها وهي زي بعض كنك تقول ماركيز وفكتوريا ... السالفة سالفة قناعة اذا انت مقتنع من التاهو خذه واذا انت مقتنع من اليوكن خذه ... لمعلومية ما انتمي لاي واحد فيهم ... تحياتي ياصاحب الموضوع

انا ابي أخذ 2013 اليوكن بدون دبل 137000 وكاله والتاهو دبل 144000
2014 زيادة عشرين الف ريال والشكل واحد نفس 2013 
2015 ينزل الشكل الجديد وراح يكون الفرق عن هذا اقل شي 30000 
انا مايهم الشكل ابي سياره تخدمني فقط بس اللون الأسود كيف وضعه على اليوكن
افضل من الموكا او لا 

إذا ما تطلع البر وﻻ تستخدم الدبل خذ بدون دبل أخف وأنشط وأقل مشاكل

انا رأيي خذ هذا الشكل ولاتنتظر الشكل الجديد

وبعد 3 سنين بيعهوخذ الشكل الجديد

بالنسبة لي مايعجبني لا الأسود ولا الموكا

أفضل شي= فضي + ذهبي

خذلك تاهو دبل اجمل وتاخذ ميزة الدبل ووقت البيعة يمسك سعره اكثر لانه بدبل

بالدبل ارغب اخوي العزيز يوكون ولا تاهو والدبل مافيه اي مشاكل خصوصاً وانت بتاخذه وكالة يعني على يدك 
ومن ناحية العزم ماهو ذاك الفرق بينهم ولا يكاد يذكر 
اللون الاسود صحيح هيبه ولكن متعب جداً بعد ساعه من الغسيل يمسك الغبار البني حلو ولون جديد 
عن نفسي افضل الالوان الفاتحه ذهبي او فضي 

مشكورين وجزاكم الله خير كل من رد او إعطاء ليك او دس ليك 

انتبة تاخذ اسود في اي شي ترغبة لان الصيف والله يشويك الحرارة داخل السيارة ولا تبرد بسرعة ماهي زي الابيص ملك الالوان