أضف سؤال أو موضوع جديد          

للنقاش هل تؤيد الاستمرار على صيانة سيارتك فالوكاله

up 5 down 3



السلام عليكم

طرحت الموضوع هذه من باب النقاش والفائده وراح اعرض تجربتي ورايي

انا أفضل  الاستمرار لحد 15 الف كيلو فقط وبعدها تسحب على الوكاله لعدة اسباب

1- مسافة 15 الف كيلو كافيه لضمان خلو السياره من عيوب التصنيع 

2- الزيت وشغل اليد محسوب عليك وليست مجانيه وكل فتره تزيد قيمة الصيانه 
ولو تحسبها بعد 5 سنوات بتلاحظ انهم طلعو مبلغ كبير والتشييكات اللي عملوها ماتستاهل كل هذه المبلغ

3- يلزم عليك تحديد موعد وتبقى في قائمة الانتظار وزحمه والواحد وراه التزامات
وماعتقد بضيع وقتي عندهم عشان تغيير زيت !!

4- هل تضمن انهم ماكسرو قطعه فالسياره او سرقو منها قطعه !!!  ولي تجارب معاهم صارت راح اذكرها لم

5- اذا صار عطل كبير قالوا ( سوء استخدام أو الضمان لايشملها )

بالنسبه للصيانه هي كذب في كذب وادليل مره دخلت السياره وكنت مفرغ دبة ماء المساحات
وابي اشوف هل يشيكون على النواقص ويزودونها ولا لا

بعدها دخلتها وسئلت الموظف قلتله اذا كان فيه زيت فرامل او سوائل ناقصه
هل تشيكون عليها وتزيدونها ..  قال ايه

بعدا ماستملت السياره تافجئة انهم غيرو الزيت والفلتر ودبة الماء فارغه
مسكة الموظف وحشرته قلت وين كلامك الاول  تعال شوف قربة الماء محد عباها مويه !!

مره خرب علي العكس الخلفي والسياره توها ماشيه 7 الالف كيلو
صار فيها مشكله واضطرو لفك الدفرنس

ووضحت لهم انه الكرونه لازم (( تنوزن )) قبل التركيب وقالوا شغلنا ماتشيل هم

استلمت السياره بعد اسبوعين وجلست معي قرابة الشهر وبداء صوت الونه يطلع
رجعت لهم وكلمتهم عن المشكله وقالوا انت استخدامك سيئ 
عشان كذه خربت الكرونه  !!!

ماخذت حقي الا لمن تواصلت مع الاداره الاقليميه فدبي

وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


فيه بعضهم يحط معالج احتكاك يسكت الونه بس تبقى الكرونه خربانه وممكن باي لحظه تخرب عليك 

وهذي الحركه يستخدمونه الشريطيه لاخفاء عيب الكرونه  حتى بالفحص مايطلع

على العموم انصحك تدور درفنس تشليح يكون كامل بالكرونه 

ممكن تشتري كرونه جديده  بس هل تضمن انه اللي يركبها يعرف يوزنها صح !!

لانه لو ماوزنها راح تخرب عليك 

الكرونه فالوكاله فحدود 900 بس قبل ماتغيرها لازم تعرف حجم الكرونه كم
هي انواع

2.73 

3.05

3.27

وغيرها فلازم تتاكد عشان تاخذ نفس المحجم المطلوب


صراحه انارافض فكرة الوكاله والصيانه فيها صراحه مواعيد والسياره تخش وماتدري وش سوو فيها ناهيك من بعض المشكلات التي حصلت بعد خروج السياره من الصيانه لاكن فيه مراكز كبيره للصيانه وغيار الزيت انا اشوف انها احسن علا الاقل تشوف سيارتك ويخلصونك من المواعيد والانتضار


up 3 down 0
البراق15 1692
قبل 9 سنه و 4 شهر



الاستمرار فى الضمان لغاية خمسين الف افضل


up 1 down 1
ابومازن999 286
قبل 9 سنه و 4 شهر



انا أفضل الاستمرار في الصيانة .. لحد 20الف كيلو فقط .. واصــل تألقك ياشـاقـح ..


up 2 down 0
.. بـدر الـحـمـد .. 249
قبل 9 سنه و 4 شهر



شكرا على مروركم جميعا .. الاخ انيق ممكن تشتري الكرونه وتركبها عند واحد ماتكلفك حدود 1200 ... او تشتري دفرنس كامل تشليح مدري والله كم قيمته


المشكله خدمات الصيانه من مركز الى مركز تختلف
يعني فيه ناس تمدح وناس تذم على حسب المدينه والمكان اللي انت فيه والوكيل واحد
بالنسبه لسيارتي توني مطلعاه من 3 اسابيع الحين ماشيه 2600 كيلو والتشييك الاول مجاني
وراح يكون وقتها احكم بنفسي هل هم تمام ولا لا .

اما بالنسبه للاسعار تبع التشييك والله صلخ لكن وش تسوي خوفك يضرب عليك شي ثم تاكلها في لحيتك
وا


up 0 down 0
عـادل عبدالله 4751
قبل 9 سنه و 4 شهر



معليش ماكملت
والحل انك تخليها للـ 20000 الف وتسسسحب عليهم وهذا الي بيصير


up 0 down 0
عـادل عبدالله 4751
قبل 9 سنه و 4 شهر



انا اشوف انه الى 40 الف او 50 الف اذا مشت السياره معك خلاص لان اسعارهم غاليه جدا لو تسمع كلامهم في كل صغيره وكبيره طلعو من ظهرك قيمة سياره ثانيه


up 3 down 0
عبدالمجيد ال محسن 3341
قبل 9 سنه و 4 شهر



لا داعي للتشييك في الوكالة بعد 10,000 كيلومتر.


up 0 down 1
mcmanaman 1801
قبل 9 سنه و 4 شهر



انا بس صيانة ١٠٠٠. ويمكن لو اشتري سياره بعد افكر حتى ١٠٠٠ مارجعلهم لانهم نصابين


up 0 down 0
بشوش 5096
قبل 9 سنه و 4 شهر



والله ياخوي انا طلعت ازيرا ٢٠١٢ ومن اخذتها وكاله ساحب عليهم
انصب منهم مافيه


up 1 down 0
azera .. 2012 3505
قبل 9 سنه و 4 شهر



تسلم اخوي شاقح على موضوعك الرائع تحياتي لك يا بطل .


up 3 down 0
t o m a h a w k 761
قبل 9 سنه و 4 شهر



لو طرحت فكرتي بتقبلها ياشاقح :)


up 0 down 1
marwan699 5854
قبل 9 سنه و 4 شهر



عندك فكره اطرحها مب شرط اقتنع فيها كفايه انك انت مقتنع فيها بس وش فكرته هو موضوع نقاش عن موضوع الصيانه فالوكاله عن جميع السيارات ... بالنسبه لي انا حدي 15 الف كيلو وبعدين اسحب على امهم ولي تجارب معهم كثيره وغالبا اسوي اينة سيارتي بنفسي من تغيير زيت قير ومكينه وامور ثانيه ولله الحمد


أتفق معك مليون بالمائة أخوي، 15 ألف كافية جداً لظهور أي عيب مصنعي في السيارة ، أنا كنت متبع لنظام الصيانة الدورية في الوكالة واكشفت فيما بعد أنه ملعوب علينا ! نعم ملعوب علينا وبقوة ، أول مرة أدري أن سير المكينة يستبدل على مسافة 30 ألف ؟؟؟ وقس على ذلك بيقة القطع الأخرى من بواجي وفلاتر وصفاية بنزين وفحمات وووووووو ألخ أنا مع فحص وصيانة السيارة إذا تطلب الأمر وبشكل دوري ومنتظم ليست في الوكالة. شكراً لك


up 1 down 0
أبو جـود 2747
قبل 9 سنه و 4 شهر



^^^ لكن ليس في الوكالة


up 1 down 0
أبو جـود 2747
قبل 9 سنه و 4 شهر