يااخوان ارجو الدخول

افتح اي مشروع ولا عليك فالمثبطين

اخذوها الاجانب وحن قاعدين نحسب وانكسب وانقلبها يمين وشمال

ابد ولا عليك فحد الرزق من الله

شركة المتحدون للدسلايك

اخوي خذ اكسنت او النترا فكها وكاله


واشتغل عليها  اقل شي 10 ساعات تجيب 300 ريال براحة

ديس ليك ومدري وشهو الثاني ولله اني اسمع بلكلمه هذي ولا ادري وش هي

ديس ليك ومدري وشهو الثاني ولله اني اسمع بلكلمه هذي ولا ادري وش هي

خذلك تكسي

او افتح بقاله 

 عَلِّـٌۓ ‏​‏​شارع  

شوف اخوي انا طفشان ودخلت اقلب بالمنتدى وتوني بطلع حصلت موضوعك 

وعندي لك فكرتين وكلها تدر عليك مبالغ حلوه وبراس مالك

الأولى تستقدم سائق وتشتري لك فان نظيف براس المال 

يوصل الطالبات والموضفات 

والفكرة الثانية تشوف لك محل خضار وتحاول تشوف لك شخص أمين 

يشتغل معك ويعاونك صدقني بتعين خير وبتدعي لي 

وكلها براس مالك الفكرتين 

وانت ابخص

وانا اقلك كمان 

تشتريلك  دباب ديهاتسو 

وتشتغل نقل بضائع 

سعر رخيص

الله يرزقك
اشتر لك سياره وكد عليها زي ماقالوا اخواني
وموفق خير
+ لايك

اخوي سامي اول  شي الله يرزقك انت وعيالك بحلال ويجعل دربك اخضر 
ثاني شي فيه كذا مشروع تقدر تسويه وباقل من كذا اعرف واحد هندي كان يشتغل في بيع البلون 
والحين سار تاجر 
الله يرزق كل مسلم 
بس  اخوي سامي انت وين مكانك في اي منطقه عشان كل منطقه ولها طبيعه معينه 
مثلا الي في الر ياض مايقدر  يشتغل في دباب حق المشوير 
لكن في جده دخل الدباب من100  الى400 في اليوم
تقبل  مروري  

ليش ما تشتري سيارات مصدومة وتصلحها وتبيعها 
ابدأ بسيارة وحده تكون سيارة رخيصة وصدمتها بسيطة 
وصلحها وبيعها  تكسب منها بإذن الله فوق ال 5 الف 
او اذا لك معارف وعندهم سيارات للبيع قلهم بجبلك زبون وباخذ
منك مثلا 1000 او 2000 يعني سمسار او فك مكتب عقاري 
وا شتغل بالسمسره والله يرزقك من واسع فضله ....

دور وظيفه فشركة المراعي ترا هم يطلبون على مدار السنه
والرواتب اعتقد ماتقل عن 3000 بالتوفيق

انا اشوف التجار افضل من كل شي 

وافضلها العقار خذها بين قوسين (العقار الابن البار)

ياما ناس تبيع الثلج صارت عندها ملايين والبدايه من الصف
الله يوفقنا ويرزقنا واياك والمسلمين اجمعين

اعلانات كثير اشوفها مغذيين صرافات ب 5000 ريال ..اكتب ف قوقل مطلوب مغذين صرافات ..

او شوف لك شايب في احد مكاتب التقسيط لسوا واريح لك من المحلات التجاريه والقروشه ومكتب العمل وتوضيف سعودي

وكل يوم طالعين بقرار انا بعت محلين بسبب مكتب الهمل وفقيه للدواجن والبيض ..والله قلق الا اذا بتصبر وتشوف اذا سووا

تسهيلات بعد نهاية الفتره التصحيحيه في 1-1-1435 ,,واكيد بتلاقي محلات بنص قيمتها ..

وانصحك تشوف شايب في مكتب تقسيط سوا وتشرح له ظروفك وبيصير دخلك من ال 50 الف في السنه 25 الف صافي..

ولاتسلف الا اللي حسابه في البنك الراجحي عشان تسوي استقطاع من راتبه وتروح كل شهر تاخذ قسطك ..البنوك الثانيه

مايسوون استقطاع وبيجمدك شهرين ثلاثه او حتى مايعطيك شي ..لكن حتى لو مااعطاك بعد شهرين تقدر تسحبه ويعطيك

المبلغ دبل يعني لو سلفته 5000 وسلك معاك وسدد الاقساط بيعطيك 7500 لكن اذا تلاعب معاك تشكيه ويعطيك 10 الاف

لان فيه شيك وكمبياله بيوقع عليها ب 10 الاف في حالة التلاعب والتاخير ..واذا تبغى تفاصيل اكثر ممكن قوقل يشرح لك..

وموفق ..والافضل تدور وظيفه لان التجاره ماهي مضمونه هالايام ..

الله يوفق كل من يدور رزقه بالحلال ويخلي له عياله وعلى ماقالوا الاجنبي يشتغل ودخله اكثر من السعودي لانه مايعترف بالعيب والله يرزقك من واسع فضلع ومن يقرأ

افضل واسرع حل للتجارة والكسب الحلال وتستلم نهاية الشهر حقك محفوظ هو يااما محل بنشري عجلاتي
او مغسلة سيارات وهتتطور معك المسألة الى ان تصير تاجر موفق باذن الله