أضف سؤال أو موضوع جديد          

سالفه باليوم الوطني

up 17 down 2
saudiguy 203
قبل 8 سنه و 4 شهر



صباح الخير 

سالفه على مايجي وقت مشوراي << مواصل هههههههههه


كان الطريق لواجهه الدمام مقفل من كل جهه فوقفت في ارضيه فاضيه مقابل الواجهه على الخط الثاني مع مجموعه سيارات 

الزبده غرزت السياره ههههههههههههه قلت خليك مكانك لين ارجع ماني فاضي اخرب الكشخه 

نزلنا وقعدنا هناك ساعتين تقريبا ورجعنا للسياره وشغلتها وبدا شغل الـ R و D هههههههههه تنقيز قدام و ورا 

والي معي يقول نسم الكفر وخلنا نمشي ذبحتنا الرطوبه , قلت مالك امل ان نسمتها ماوصلت لبنشر في هالزحمه الا الفجر وانا وراي خط هههههههههههه 

والسياره قالت انقلع موب طالعه :(

ااااااخر شي قلت دفوا بقوه ولا توقفون دف حتى لو تغبرتوا ههههههههههههه << ناويها دعسه وحده ياتطلع يا يطيح بطنها وتنشب 

ماقصروا دفووو وانا دعست البنزين كللله وطلعت وانا مكمل قاطع تغاريز البراحه بسرعتي ويمين يسار عشان لا تغرز ولا وقفت الا جنب الخط والشباب تغبروا الله لايهينهم  وخربت اوووم الكشخه ههههههههه


تدرون ليه جبت المقدمه هذي 

عشان الجلطه الي بعدها :(

اول مانزلت من السياره والشباب باقي قاطعين البراحه جاييني ,,, جاني شايب في الخمسين يسلم 

وقال سيارتي يبي لها اشتراك واهلي في الواجهه 

يوم اطالع الا وسيارته وسط مكان التغاريز ههههههههههههههههههههههههههههههههههههههههه

ياعم صل على النبي قدامك يالله طلعت سيارتي تبيني ارجع ههههههههههههههههههههههههههههههه

قال عادي نسم كفراتك :(

انجلطت انا وسكت 

رحت لمكان سيارته اشوف الرمل اقول يمكن يمكن ماتغرز 

يوم وصلت مكانه الا العن من الي كنت فيه ههههههههههههههههههههههههههه

قلت يستر عليك مايمديها ولو بنسم نسمت من اول :)

قال عادي وراح 

شوي الا كرهت عمري يوم رديته . بس بعذري 


ركبت السياره واحطها في الـ D2 اروح داااعس ودرفت ولا وقفت الا عند كبوته 

فتحت الكبوت وركبنا الاشتراك 

جا جنبي وقال المشكله كل شي شغال بس مارضت تشتغل 

قلت وقف وقف ,,, الانوار والكهرباء والهرن شغال الحين ؟

قال ايه 

قلت افصل افصل الاشتراك شدخل البطاريه طال عمرك 

فصلتها وركبت سيارته والا وكل شي شغال عادي صدق وبطاريه اقوى من بطاريتي بعد هههههههههههه

المشكله وشهي الحين 

لمن تدق سلف مايطلع صوت تشغيل ,,,,,


كل ماتدق سلف بتشغل يدق الهرن مرتين وتكبس الانوار 

فصلت البطاريه ورجعتها ونفس الشي 

شيكت الفيوزات مافيها شي محترق 

فصلت الفيوزات ورجعتها نفس الشي 

قفلت السياره بالرموت ورجعت فتحتها بالريموت قلت يمكن من السكيورتي وشغلت نفس الشي 

قلت مابقى الا الورشه الله يساعدك 

اكلم لك سطحه ولا احد بيجيك ولا ولا 

قال بيجوني ناس الله يستر عليك 



وسلامتكم 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أعانك الله على فعل الخير 



up 3 down 1
mohammed shareef 1092
قبل 8 سنه و 4 شهر



الله يوفقك انت كفو لان ضميرك انبك وفزعت للرجال الله يسعدك 


up 2 down 0
المعاوي١٩٩١ 426
قبل 8 سنه و 4 شهر



جزاك الله خير وماتدري يمكن دفعت بلاء عنك في الطريق
رحم الله شيبانك


up 4 down 0
االخاالدي 3898
قبل 8 سنه و 4 شهر



يازينك ويازين دمك الحلو 
انت شكلك مثلي فاال ام امها هههههه
بس والله انك ذيب بغيت تساعد الرجال لكن سيارته فيها اشكاليه 


إلا ماقلت لنا 

بطلة الفلم وش اسمها ؟ 
ههههههه


up 4 down 4
أنيق 17573
قبل 8 سنه و 4 شهر



مردودة لك باذن الله ومنها كسبت الاجر ايضا


up 3 down 1
ابو عبدالله احمد 3530
قبل 8 سنه و 4 شهر



الله لايهينكم جميع واي واحد منكم ماضن بيخليه 


سيارته كانت انفوي 


up 1 down 1
saudiguy 203
قبل 8 سنه و 4 شهر



هههههههههههه الله يسعدك وسعت صدورنا ع الصباح ـــ بس ايش كانت سيارة الشايب عشان ما نشتري زيها هههههههه


up 2 down 0
أبوأسيل2011 124
قبل 8 سنه و 4 شهر



شف...اليوم الوطني كل سنه الا لما يصير اكشن...هالسنه سالفة الهيئه وراعي السوناتا الي توفو...والعام جيب الربع الي ضف ولد الحبيب..والي قبله مشاكل تكسير محلات الخبر...مفروض اليوم الوطني يسوون حظر تجول


up 3 down 0
craysiler 244
قبل 8 سنه و 4 شهر



هههههههه الله يجزاك خير 


up 1 down 0
ولد المدينة 2014 1307
قبل 8 سنه و 4 شهر



عادي تصير البطارية طافية، والانوار والكهرب يشتغل.

بس لو تطول عليها تطفى، كان جربت اشتراك وان ما اشتغلت شيك الاشياء االثانية!

ع العموم يعطيك العافية ع المساعدة <3


up 0 down 0
3boody830 264
قبل 8 سنه و 4 شهر