حاب أبيع سيارة أقساط على واحد وش الضمانات المستحسنه

كفيل غارم (موظف حكومي) + استقطاع راتب وترى يفدر يوقف الاستقطاع بأي وقت


أهم شي يكون ثقة  ومعرفة

شيكات او عمل استقطاع من راتبه لمدة الاقساط وا يقدر يلغيه الا بحضورك للبنك 

ولايقدر يلغيه عند مصرف الراجحي

اخوي لحظه لحظه فيه امر مستديم اضاهر في بنك الراجحي ويمكن البنوك الثانيه مايقدر يلغيه المستقطع منه

شيك بدون تاريخ واكتبو بينكم عند معرض وشهد عليه وسو له تفويض قيادة عشان المخالفات ولاتنقل السيارة باسمه حتى يفي ماعليه
هذا اللي اقدر افيدك فيه

مالك الا كمبياله تكتبها عليه بلمعرض  بالمبلغ كامل 

يا رجال ايش لك ووجع الراس

بيع سيارتك كاش ونام ليلك مستريح

ترى القانون ما بيجيب لك حق ولا باطل

* المتعارف عليه كمبيالات بكفيل غارم يبصم فيها المشتري و الكفيل ، و اقرار بخط يد المدين في حالة التاخر لمدة معينه مثلا ٤ أشهر يحق لك المطالبة بكامل المبلغ .
* شيكات تجزأ فيها المبلغ الى جزأين أو ثلاثة أجزاء .
* إستقطاع من البنك و لا يحق للمدين ايقافها الا بحضورك شخصيا أو انتهاء مدتها و لو حصل خلي الاستقطاع قبل الراتب بيوم ، مع العلم ان البنوك تاخذ على كل عملية استقطاع رسوم تصل الى ٥٠ ريال في بعض البنوك على كل عمليه يعني السنة ب ٦٠٠ ريال .
* نصيحه راعي ضروف الشخص المحتاج قدر الاستطاعه فما تدين إلا للحاجة .

الافضل بيع سيارتك كاش لان التقسيط مشاكل ومماطله 

رايح راسك وبيع كاش والله الموفق .

اللي  اعرف

شيكات   بكامل  المبلغ   و  شاهدين
تسجل  بورقه
وان  حصل   كفيل غارم    ممتاز
والاهم    هو ان  يكون  تعرفه  
ماهو   اي واحد   
موفق

الشيكات المؤجله لا تقربها منها مقلب
1- عقد مبيعه بينكم بشهود يشمل تعرف من عملة شرط مذكور فيه الراتب + كشف حساب من اول يوم تقابله عشان تعرف انه قادر ع السداد والا مليان ديــــــون وتكون مع العيال ماسك سرا بالشكوى عليه.
2- تبقى الاستمارة بأسمك خلال فترة الاقساط عشان لو ماسدد تبلغ عليه ( لص) سرق سيارتي واذا امسك تستلم سيارتك فورا واذا كررها معك انك بلغت المومن لا ... مرتين حسب ضروفه انت بخص بحاله
3- تأمين شامــــــــــــل ع السيارة تجدده انت كل سنه ويحسب المبلغ عليه لانه يستخدمها ويمكن يصدم لاسمح الله الفايدة له قسط وتصليح كثير $$$ .
4- تكتب قيمة القسط في كل ورقة ع حسب فترة الاقساط مثلا 2 ونص 30شهر 30ورقة ،، يكون عنوانها >> سند لامر عشان تقدر تشتكي اسمك مكتوب بالاول وانك تطلب مقدار القسط من أسمة فالاخر ويوقع توقيعه الرسمي بالبنك .
5- اذا حيسوي لك استقطاع من البنك >> تشترط علية يحضر لك الاستقطاع مكتوب علية (((((( غير قابل لنقض ،،، الين انت تروح للبنك وتفك له الاستقطاع وفي بنوك غبية ماتسويها ولو انه من حق كل العملاء
.
واذا افتكرت شي بكتبه ،،،،،، بالتوفيق

وشلك والدرب المعلق

بعها كاش تستفيد من المبلغ

لانها اذا تقصدت ضاعات دراهمك

وخويك بيحس بالغبنه بعد فتره ويبدأ يماطل ويرسل لك ناس عشان تبقي له من المبلغ وتدخل باحراجات

والا يقولك السياره طلع فيها كذا انت غشيتني ولازم تبقي لي

و اذا وصلت لشرطه انقلبت المعرفه عداوه

جزاكم الله خير ما قصرتوا