أضف سؤال أو موضوع جديد          

5 أشياء مهمه .. الكثير يغفل عنها عند تغيير زيت السياره

up 13 down 1
speed for ever 3705
قبل 6 سنه و شهر



السلام عليكم ورحمة الله وبركاته

أخواني وأحبائي

اليوم راح أتكلم عن 5 أشياء .. الكثير يغفل عنها عند تغيير زيت السياره .. مع انها مهمه جدا

1) تفريغ الزيت بالكامل لآخر قطرة زيت .. طبعا السياره تكون واقفه على أرض مستويه ومستقيمه تماما

2) إستخدام "محقان نظيف" عند تعبئة الزيت الجديد ( بعض البناشر محقان الزيت عندهم يكون وسخ وفيه غبار .. وعند التعبئه يدخل للمكينه و ممكن يؤثر عليها وعلى الزيت نفسه ) .. يفضل تشتري محقان خاص بك وتخليه لسيارتك وتنظفه كل فتره وفتره

3) إستخدام فلتر زيت ( سيفون ) أصلي وكاله .. أصلي + مضمون + أرخص من البناشر وبترومين اكسبرس وفوكس ون ستوب

4) تنظيف المكان المحيط بفتحة تعبئة الزيت .. قبل فتحها .. عشان ما يطيح الغبار والتراب داخل المكينه

5) لزوجة الزيت المناسبه لمكينة سيارتك + كمية الزيت المناسبه وعدم تجاوز الحد الأقصى MAX بعيار الزيت (( تلقاها بكتالوج سيارتك ))


أنا أحيانا أغفل وأنسى النقطه الثانيه والرابعه

أخوكم speed for ever















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شكرررا على الموضوع الجميل والمفيد


up 0 down 0
نوار الوذيناني 604
قبل 6 سنه و شهر



عفوا
نورت الموضوع


up 1 down 0
speed for ever 3705
قبل 6 سنه و شهر



يعطيك ألف ألف مبرووك هههههه 
مشكور على الموضوع يانيد فور سبيد 

صراحه في نقاط نبهتنا عليه 
لكن مشكله لزوجة الزيت اجد صعوبه في اختيارها ^_^ 
ناس يقولون 20W50 عشان اجوائنا الحاره 
وناس يقولون 10W30 عشان انه خفيف عالمكينه لأن مكاين السيارات الحديثه ألمنيوم 


والسياره صني أو كورولا او كامري او مازدا 6 
وزي كذا 

فما ادري 


up 2 down 1
أنيق 17579
قبل 6 سنه و شهر



أنيق هههههه
عفوا
نورت الموضوع
و الله يعافيك ويبارك فيك

بالنسبة لـ لزوجة زيت المكينه .. بصراحه شيء محيّر والكل يواجه صعوبه بإختيارها

لكن أنصحك وبشدة تقرأ كتالوج سيارتك لأنك راح تلقى اللزوجه المناسبه وكمية الزيت المناسبه

فيه سيارات تقبل لزوجات مختلفه تلقى جدول بالكتالوج ومكتوب أكثر من لزوجه حسب درجة حراره الطقس .. وفيه سيارات ما تستخدم إلا 5W30 أو 10W30

الزيت الخفيف :
1) يتوزع بسرعه عند بداية التشغيل خصوصا بالشتاء
2) يقلل صرفية البنزين شوي
3) يحسن من أداء وعزم السياره .. لكن حماية أقل لأن طبقة الزيت رقيقه وضعيفه شوي
4) ممكن تلاحظ هدوء ونعومه بصوت المكينه أو العكس .. حسب السياره وحسب المكينه اذا يناسبها زيت خفيف أو ثقيل
5) يقلل تلوث البيئه لأنه يقلل شوي صرفية البنزين
و الخ...

الزيت الثقيل :
1) ينفع اذا سيارتك مسموح بأنك تستخدم زيت بلزوجة عاليه ( ثقيل ) في الأجواء الحاره والأحمال الشاقه .
2) حمايه أفضل إذا سيارتك يناسبها الزيت الثقيل
3) العزم والأداء راح يكون اضعف شوي
4) صرفية البنزين تزيد شيء بسيط
5) ينفع لبعض السيارات اللي ماشيه كثير
6) يرفع ضغط الزيت اذا كان عندك هبوط بضغط زيت سيارتك
7) نقصه وتبخر أعتقد أقل من الزيت الخفيف
والخ...

لو تستخدم لزوجه أعلى شوي من الموصى بها بكتالوج سيارتك يعني لو مكتوب بكتالوج سيارتك 5W20 .. تقدر تستخدم 5W30 أو 10W30 .. لأن 5W20 غير مناسب للشرق الأوسط

لكن لو مكتوب بكتالوج سيارتك 5W30 وتروح تستخدم 20W50 .. أعتقد خطأ فادح وثقيل على المكينه والله أعلم

أنا معي أكورد 2006 ومكتوب بالكتالوج لزوجات كثيره :
( 0W40 - 0W30 - 5W30 - 5W40 - 10W30 10W40 - 15W40 ) .. إلا 20W50 ما ذكروها ولا جابو لها طاري !! عشان كذا اتوقع زيت 20W50 غير مناسب لسيارتي

http://store2.up-00.com/Sep13/UDE51877.png

وأتوقع أغلب السيارات الحديثه ما تستخدم 20W50 إلا بعضها يمكن الجيوب والخ...

والله أعلم



up 1 down 0
speed for ever 3705
قبل 6 سنه و شهر



السيارات القديمة حطلها اي زيت تمشي ماشاء الله بالزات الزيوت عالية اللزوجة زي 20 /50
لكن السيارات الجديدة ماشاء الله ممكن يكون الزيت تقيل عليها

والفيصل في الموضوع الكتلوج حق السيارة زي مو مكتوب امشو عليه

واهم شي ياراعي الموضوع
تجلس على راص العامل وهو يشتغل ولا تفلته لحاله
لانه بعض اليمنة الا مارحم الله قصيف مروة وغشاشين


up 0 down 0
العمدة 1434 1187
قبل 6 سنه و شهر



شكرا لك تم التقييم


up 0 down 0
السهل الممتنع 6394
قبل 6 سنه و شهر



نسيت اهم نقطة وهي انك ماتغير الزيت والسيارة باردة, لازم تغيره والسيارة حارة والافضل تكون الحرارة فوق الربع.
بهالطريقة الزيت ينزل كله بشكل سريع جدا وتام.


up 0 down 0
مدمن مرق -35
قبل 6 سنه و شهر




العمدة 1434
نورت الموضوع وشكراً على الرد

أنا دائما أوقف عند راس العامل ومستحيل اخليه لحاله و لازم أتأكد من علب الزيت بأنها أصليه وغير مغشوشه ؛ يفكها ويصبها قدام عيني .. لأن بعضهم الله يهديهم غشاشين ويحاولون يصرفونك و يستغلون طيبتك ويستغلون الشخص اللي يكون على نياته

والسيفون أصلي أجيبه من الوكاله أفضل وأضمن وأرخص منهم .. وأشوفه وهو يركبه ويفك القديم

السهل الممتنع
عفواً
نورت الموضوع وشكراً على الرد والتقييم

-------

نقطه مهمه أحذروا من الزيوت المغشوشه .. الزيت الأصلي يكون علبته مغلقه بإحكام والقصديره مختوم ومطبوع عليها شعار شركة الزيت ويلمع ..

بعض الزيوت المغشوشه يكون الشعار اللي على القصديره أبيض وأسود بدون لمعه .. وبعض الزيوت المغشوشه بدون ختم وبدون شعار الشركه على القصديره




up 1 down 0
speed for ever 3705
قبل 6 سنه و شهر



مدمن مرق
نورت الموضوع
وأشكرك على الرد والإضافه
فعلا معلومه مهمه ونسيتها للأسف الله يذكرك بالشهاده


up 0 down 0
speed for ever 3705
قبل 6 سنه و شهر



عندي سياره موديلها 2002
ما اعبيها الا 20w50 لان قبل فتره اول ما عبيتها 10w30
حسيت امبير دوران المحرك
يبدا ينزل تحت وكأن السياره بتطفي
عرفت انه ما ينفع لها
فرجعت للزيت 20w50
فاعتقد السيارات القديمه عادةً تكون محركاتها والبساتم متآآآآكله ومهريه شووويه مع السنوات
فالثقيل بيريحها
اما الخفيف بيتعبها
وللذكر عندنا سياره موديل نفس الموديل 2002
لكنها 4 سلندر
نعبيلها 10w30
ونحس المكينه مضبوطه ومرتاحه
الي ابي اوصله انه انت يا صاحب المركبه تعرف سيارتك باحساسك
اذا عبيت لها زيت معين
تسمع صوت المكينه وتجاوبها مع الزيت
وهل فيها حنه او زاد صوتها او تحسها بدأت تهتز او كانها بتطفي
اعرف ان الزيت هذا ما يناسبها
وغيرلها زيت اخر
ومع تغييرات الزيت المختلفه راح تكتشف انسب الزيوت لها




up 0 down 0
ملك الخطوط 232
قبل 6 سنه و شهر



الله يجزاك خير 


up 0 down 0
ولد المدينة 2014 1307
قبل 6 سنه و شهر



يعطيك العافية موضوع فعلن مفيد وللاسف ان البعض يجهله او يتجاهله يعني مايهتم يجي يوقف الموتر ويروح يجلس ولا يقعد يكلم ويخلي هالعامل يشتغل يعني لو بيلعب عليه مادرا والطامة الكبرى بعضهم يخلي موتره ويروح


up 0 down 0
a.ibrahem 3101
قبل 6 سنه و شهر



شكرا لك وبيض الله وجهك


up 0 down 0
0565606763 2
قبل 3 سنه و 8 شهر



انا غيرت زيت بترومين 5000كيلو
وانا من ابها الجو عندنا بارد
يعني عادي لو ازيد الى 6000؟؟؟؟


up 0 down 0
ابو زهره 702__
قبل 2 سنه و 9 شهر