بكره رايح للمعارض لشراء سياره . نصائحكم

انصحك إذا شفت شيء نظيف تفصحها في مراكز الفحص الكبيره مثل كارتك

عشان لا تنغش

وبالنسبه لاسعارها ما ادري

انا اعرف سيارات ابو 30 الف وتحت ههه

لكن الحمد الله في كل حال وكل وقت

الله يغنينا ويغني كل الاعضاء

اهم شي ركز على حجم المكينة يكون 2000 سي سي عزمها ممتاز

كذلك لاتتنازل عن حقك في الفحص مهما كانت وسيلة الاقناع من صاحب السيارة ان السيارة نظيفة مرة ..

ابتعد عن مراكز الفحص القريبة من المعارض اغلبها يبي يمشي الشغل ليس الا ,, شوف لك مركز محترم وله سمعه طيبه وافحص عنده ..

عادي لو تخسر 500 او 600 في الفحص لأنك بتدفع مبلغ وقدرة في هالسيارة اللي بتفحصها وافحص على اقل من مهلك لاتستعجل ..

سيارات الميكروفون لاتشتريها لأنها سمك بموية بعضها تالف وبعضها للشريطية يصرفها على الناس واحياناً يضارب فيها يعني ان حصل له مكسب باع وان ماحصل رجعها للمعرض ..

هالكلام ماقلته لك الا بعد ما انكويت بسيارة اخوي ندمنا اننا مافحصنا السيارة بعد اقل من يومين خبطت المكينة وخسرنا 8000 الاف على الفاضي

كم احصل سعر السياره طيب

الفحص اهم شي تفحص كمبيوتر كل السيارة والمكينة والقير والبدي اذا كان مرشوش او مصدوم ترا ينزل سعر السيارة وانا انصحك انك تروح مركزين لفحص السيارة ممكن هذا يطلع شي ما طلعه المركز الثاني تخسر 600 ريال ولا تخسر 40000 ريال في سيارة ملعوب فيها

ابعد عن الشريطية نصيحة 

ماراح ازيد على كلام الحبايب
بس ان مالك خبرة في السيارات لا تروح بطولك
خد معاك احد عنده معرفة لانه رأي اثنين احسن من واحد
ممكن الشخص الثاني يشوف حاجات انت ماشفتها

تحصل من ٤٥ الى ٥٢ النظيف وممشى قليل 

يعطيكم العافيه

الله يوفقك  وتلاقي السياره اللي في بالك 
وبخصوص انه يبحث عن مكينه 2000 ما راح يلاقي لانه يبي 2012 و2013 المكينه الفين سي سي ما نزلت الا 2014 بفتحه وبصمه كمان وفيه ستاندر منها قير عادي

اذا بغيت تنزل وتشتري

لا تصدق اي واحد يحلف لك

انا خسرت عشرين الف عشان صدقت من حلف لي بالله وهو فاجر الله لايسامحه

وافحص واذا بجده رح لورشه اسمها ابو عمار التركي

وخلك ذيب بالمكاتبه لا يزرفونك الرجاجيل وثق حقك بالايصالات

أهم شي خذ معك خوي لاتروح لحالك..
خله هو يتكلم بدالك ومن دون قصور فيك طبعاً ..
لكن فائدة الخوي بيخفف الضغط عليك وتفضى ف التركيز ف عيوب الموتر وف اتخاذ القرار