كيف أعرف وش نوع زيت المكينة لسيارتي؟

زيت بترومين إلترا 7 عن التجربة

يعطيك العافيه أخوي تركي يعني مأ تفرق أذا الزبت ثقيل ولا خفيف يعني مثل
10/30 ولا 20/50 وش تنصحوني بعد كم أغير السيفون.

غير زيت تويوتا والسيفون بعد كل تغييرتين اذا ماتسافر بعيد او مشاوير ليل نهار 

الترا سفن والسيفون تايندي من اقرب قطع غيار تويوتا

يابن الحلال اي زيت واذا تبي تريح راسك زيت تايوتا الاصلي 20/50 وانتهي الموضوع

موديل قديم نوعا ما
انصحك تغير زيت تويوتا اذا في خفيف فالصيف وثقيل بالشتاء

كل 3000 مع السيفون لا تعدى 

بحكم الموديل ق.م شوي

الله يستر لا يجي واحد بكرة يقول البس بوكسر واﻻ سروال داخلي

الترا 7 بيترومين 20w50 عن تجربه ممتاز جدا 

والسيفون غيره كل مره 

وكل 4000

انتبه تحط لها زيت خفيف خلك على 20w50 عندي واحد من الزملاء المقربين جدا عنده كورولا 2009 اشرت عليه يحط لها زيت خفيف 10w30 وفعلا حط لها وبعد 2000 كيلو حصل تنديه في بطن السياره من صوفة المكينه وكذا ورشه قالوا له غير صوفه المهم قلت له لاتستعجل ممكن من الزيت الخفيف ورجع غير زيت سوبر جيتي فوكس 20w50 وغسل سيارته بستم وحد هذه اللحظه مافيه اي تنديات او خلافه رغم انه قد غير الزيت مرتين اتمنى أكون افدتك بالتوفيق 

الزيت الثقيل ابدا ما ينفع للسيارات الحديثة واغلب تخبيطات المكائن والتسريبات الي تصير بالصوفه هي سببها من الزيوت الثقيلة
السيارات الحديثة غالبا من 2003 وفوق
الزيت المناسب هو 10W30 في كتالوج وكالة كورولا 2012
نصيحة لا احد يحط زيت ثقيل راح يعدم عليك الصوفه وانتم عاد بعقولكم وعلى راحتكم

تصحيح : للعضو / لحظه لحظه ^^^^^^^^^^^^^^^^
الزيت الثقيل في الصيف كويس
والزيت الخفيف للشتاء احسن
بسبب ان الثقيل يتجمد بالشتاء
والخفيف يصير زي المويه بالصيف

يعطيكم العافيه جميعا ماقصرتو.

ما يصير موية ولا هم يحزنون
انا مجرب 10w30 زيت توتال واكد بالموتر في عز الظهر واقيس الزيت وهو مازال ثابت بلزوجته
صدقوني الي يقول شتاء وصيف وربيع وخريف وما ادري وشوا هذا كلام ما ذكرته الشركة ولا ذكره المصنعين يعني من وين جاء ذا الكلام ما تدرون من وين جاء هههه؟؟؟؟