لا تخلي سيارتك عندهم

صدقت والشعب السعودي طيب وعلى نياتة حتى يوقف ويحول عند المحلات ويخلي السيارة تشتغل !!

أنا ما عمري تركت موتري عند مغسلة أو بنشري

لكن المهمل يتحمل نتيجة إهماله

وترى كثير من المواتر انسرقت من المغاسل للأسف وضاعت حقوقهم بين المغسلة والوكالة خصوصا إذا كانت تأجير

كلامك صحيح
وبعض الناس مايهمه ولايفكر الا بعد ماتجي مصيبه
مو بس مسالة انه يخليها عندهم وبس
ممكن يجي اي واحد ويفتح الباب حق السياره ويحط بها بلاء ولاشي
انا حتى لو سيارتي فيها مشكله ووديتها الصناعيه مفتاح ماخليه معاه لو وش يصير
لگ احلى لايگ اخوي ,,

أبوي كذا وسيارته يوكون 2012 نزل  سيارته بالمغسله ويدق  علي اجي اخذه وما يرجع لهم إﻻ بعد 3  ساعات او 4 وبعدين يروح ياخذها نصحته ترى يمكن تسرق وكذا قال ﻻ ﻻ ما تسرق بس الحين له 3 شهور يغسل السياره بس ما  صار يدق  علي يغسلها ويجي انا ودي اخذ  سيارته واغسلها  عنه بس ما احب اركب  سيارته لانه جديد واخاف  اجيب العيد فيها ههههه لان ابوي اذا  صار بالسياره يتضايق حتى لو انه بسيط

كلامك سليمم وانا ماحب اترك الموتر في مغسله ولا شي الا ونا عنده الواحد ماعاد يضمن حتى القرايب كيف الهندي ولاهالاجنبي الي تاركها عنده

اللامبالاه ,, تخسرك الكثير

اذا حبيت تغير الزيت خلك ملقوف وناظر بكل صغيرة وكبيرة تصير للموتر حتى عند تغيير السيفون ..

عند غسيل السيارة حاول تخلي عيونك مفتحة بالذات اذا بينضفونها من داخل لأن تصير سرقات او تحصل العامل يده ثقيلة على الازرة وعصى النور والمساحات واحيانا ماينظف زين

انتبهوا لسياراتكم ولاتعتمد على العمال حتى لو كنت عميلة

فيه شيء اسمه زر Enter

المــــــــــــــــــــــــــــال السايب >> نتيجته الي ذكرت
الله يوفقك ويوفق اخونا اليابان

الحقيقة كلامكم كله على العين والراس واشكر اللي ساهموا في الرد او حتى قروا الموضوع واتمنى ياخوان ان تنشرون الموضوع هاذا حتى لو بلسانكم لعامة الناس عشان يستفيدون ويصحون اللي نايمين وغافلين عن هالشي هاذا ... الله يوفقنا وياكم

انا وياك ان الواحد مايترك سيارته في مغسلة أو بنشر وحتى المغاسل حاطين لوحات تحذيرية بأن المغسلة غير مسؤلة عن أي مفقودات يعني بالعربي شيل اغراضك
ولكن ممكن انت ياأخ ابراهيم توضح لنا كيف الإفريقي بغى يحرق السلف خصوصاً وكلنا عارفين أن نظام التشغيل بالبصمة لازم اول تضغط على الفرامل وبعدها زر التشغيل عشان السلف يدور لأنه لو ضغط على زر التشغيل يوم كامل بدون الفرامل كل مابيحصل ان لمبات الطبلون بتشتغل وحتى لو علق على زر البصمة بعد مايشغل السيارة بترجع تطفي مره ثانية

انا الحمدلله لازم اكون عند سيارتي حتى غيار الزيت انزل مع العامل تحت السيارة
اول شي اتفقد المساعدات والعكوس والكفرات ومن ثم اشوف العامل وقت فك الصره وقفلها بعد ما ينزل الزيت

انا اقصد انه جالس يظغط ويفتح السلف بس ما تشتغل ويعود يظغط وتطفى وعلى هالحال لين قلت له المس الفرامل واشتغلت

بعلمكم سالفة بخصوص الفرامل و الزر 

ترا اذا ضغط على الزر ضغطتين و اشتغلت البطارية تقتدر بعدها تعلق على الزر لمدة 10 ثواني عشان تشتغل السيارة

من دون فرامل طبعا الشغله ذي افادتني يوم كان حساس الفرامل عندي خربان