أبو جميل النشبه لاتعطونه رقم جوالكم ههههههههههه
إضغط هنا للإخفاء
ابو جميل النشبه ههههههههههه
ياعالم قبل فتره طلعت لبو جميل واخذت تجربه على كامري الله لايعديها من تجربه لونها بني محروق
طبعا قلت عشان اضمن اني اخذ تجربه لازم اروح لهم لابس رسمي ومشخص وكئني بشتري
سلموني المفتاح وطلع مع الموظف والبدايه كالتالي
الصدام كلبساته مفكوكه والدركسون والله العظيم انه ملووح على جنب
قلت وشبلاه هالدركسون
قال الهندي يوم جى يلبق فيها حك الرصيف
بس حكة رصيف ماتخلي الطاره على جنب والسياره تمشي قدام !!!
قال اصلا بنصحلها قريب فقلت ياخي ولو السياره توها جديده وماشيه 6541
حسيت انه تضايق وغيرت الموضوع
السياره حلوه من جوه كتصميم في كل شي
الواجهه حلوه بس الخلفيه تسد النفس الشنطه واسعه مره وبصراحه التجربه كانت بسيطه والموظف حسسني انها شركة ابوه خايف على الكامري لاني كنت ابي امشي فيها خط بس وكانت لفه بسيطه
المهم مقدر احكم على الموتر كثير لكن لاحظة اذا مسكت فرامل ولفيت فجئه السياره ماهي ماسكه نفسها
خلصنا التجربه واخذ بينانتي ورقم جوالي
اليوم الثاني اتصل وقلي وينك ؟
قلت ياخي ماعجبتني السياره باخذ مازدا
قلي المازدا ماتنفع اكامري قطعها متوفره وحقت كرف
قلت ايه اعرف بس هذا قرار وانتهى الحديث
ليوم اللي بعده اتصل مصري
ازايك وعامل ايه وانت كنت عامل تجربه هل السياره ماعجبتك
قلت الله يرحم والدينك كلمني امس واحد وقلتله مابيها انت الان ليه تتصل ؟
قال ماعرفش انه فيه حد امس كلمك فقلت خلاص مابيها
قال طيب فيها حاجه ماعجبتك ؟
قلت ياادمي انت تفهم مابيها خلاص قدني شريت موتر وكرشته وقفلت
بعد يومين جاني اتصال من نفس الرقم وقلي انت جربت الكامري وماعجبتك واحنا نبغى نسجل ملاحظاتك على السياره !!!!
قلت شوف تراكم غثيتونا وهذا ماهو اسلوب تسويق كل شوي وانتم داقين خلاص من مره وحده افهمومها لاتنشبون ولاعاد تدقون على هالرقم
عاد شغلت خدمة مغلق والجوال مفتوح مدري وش اسمها
المهم كل ماجاني اتصال يعطيه مغلق بس يطلع عندي رساله
تدرون اليوم كم مره دقو علي !!!
شوفو الرسائل فالجوال
إبلاغ
الردود
0 0
3 0
قبل 11 سنه