قصه عن المخالفات مع راعي سطحه
14
10
إضغط هنا للإخفاء
بسم الله الرحمن الرحيم
السلام عليكم ورحمه الله وبركاته
ان شاء الله تكونون بافضل حال جميعا
بحكي لكم قصه ياخوان عن المخالفات من اجل سلامتك وضبط المرور
طبعا احيانا اشعر فيني فضول ودايم اسئل عن الحاجة حب تعلم
المهم هذه قصه قديمه بس بس ما نسيتها ولا راح انساها اتوقع بيوم
تعطلت بي السيارة على طريق خريص والحمد لله على الخدمة كنت
انفكت الركبه معي وطاحت المهم قلت مالي غير اجيب لي سطحه ورحت على صناعيه
الامير فواز او اسمها النسيم الي من جهة خريص دورت لي سطحها بسعر مناسب وحصلت
وتعرفون زحمة الرياض وغثاها المهم سئلته وين كنت تشتغل قبل كذا
قالي كنت شغال بالمرور اشيل السيارات المخالفه
قلت كويس دخل ممتاز وشغل على طول
سكت وضحكك قالي تركتها ورحت اطلب الرزق من الله حر يعني
سئلته عن السببب
جاوبني قالي من دعاوي الناس علي
قلت كيف
يقول والله كان دخلي لا يقل عن 4000 ريال بالشهر يعني يوميا ميه ريال اقل شيء
يقول ما يجي نص الشهر مااقدر ارسل حتى لاهلي فلوس واحيانا مااحصل الي اكله
او اصلحها السيارة بالورش
استغربت من اجابته انا وانصدمت طبعا
وكمل كلامه وقالي اكثر موقف اثر علي شلت سيارة يمشي 140 على دائري
دائري الفحص الي يودي للقصيم وشمال السعودية
يقولي من رجعت بسحب السيارة والرجال قاعد يدعي علي وقبل كذا سمعته يكلم العسكر
يقول انا موظف وما عندي غيرها وين اروح والمشكلة حصلت القصه بمنتصف الليل
وانا مالي شغل يقول
هذه وضيفتي وواضح عليه رجال يخاف الله ووجه سمح
يقول مااعجبتني الوضيفة شعرت ان فلوسها ما هي حلال علي وماادري وين تروح وولقمة عيش ماهي شريفه
يقول تركتها ولله الحمد يقول مرتاح ومبسوط مع اني ادخل بالشهر اقل من 1500 ريال
واذكر ياخوان سمعت قصه عن ضابط سمعت الشيبان يسولفون
يقولون ما غير شغال مخالفات وقسايم والناس انواع الدعاوي عليه
يقولون والله خلال اقل من 4 شهور مات له ولدين
من ناحية ظلم فعلا ظلم من كل شيء اقل شيء ما يقدرون يخلون تحتج او معك عذر
اذكر قريت قصة عن واحد اسعف زوجته للمستشفى يقول وانا رايح جتني مخالفة
السرعه المطلوب 70 وانا مسعف زوجتي ويقول رجعت مع الاشاره للمكان المستشفى اخذت مخالفة كمان
بنفس المكان وسدد وهو ساكت ولا قدر يعترض وطبعا دايم نسمع من مسؤؤلين يقولون
فيه بالموقع اعتراض تقدر تسجل اعتراضك وهذا كلام كله كلام شعارات ومظاهر وناس كثير
دخلت على الموقع مره مقفل ومره يقول راجع اقرب مركز لك وكذب كذب
الا الظلم يااخوان واذكر مره طلع عضو بالمجلس الشورى يقول ساهر نزل بدون امر من الملك وانتم
لو ترجعون شوي للوراء ايام جراحته ويوم راح يصلح غضروفه نزل ساهر استغلو الوضع وشافوه مسافر
وحتى المقبل خلال اقل من سنة من عقيد للمدير الى لواء اخرتها جته ترقيات بشكل سريع جدا
مااقول الا الله يحرقهم دينا واخره بس قسم بالله اني كرهت حتى السفر
وشكرا لكم جميعا واسف على الاطاله والاخطاء المطبعيه
إبلاغ
الردود
وتحصل عليه 4000 و3000 ريال
والمشكلة ما تقدر حتى تتزوج الا وتسسدد وكل كل شيء لازم تسدد المخالفات وحتى فواتير الجوال المتاخره
3
2
كل السيارات الي يتم سحبها بسبب مخالفات مرورية ووقوف خاطي يعني هل يرضيك واحد يوقف بالخطاء ويعطل الطريق ومصالح العامه من الناس هذا مافيه ظلم ياخوي وخله يدعى الى الصبح
بالعكس هذا لهم فيه أجر ويعتبر إماطة أذى عن الطريق
3
9
5
1
معاه حق في اللي قال
للأسف المرور في معظم الدول العربية
خرابيط..
أذكر مرة رحنا نتعشى مع الشباب - شارع الدوحة في الظهران
وفيه فتحة يسار مقفولة
وكتف الطريق قبل الفتحة
لينا أكثر من سنة بنوقف فيه عادي ..
الا من كم يوم
ويدينا مخالفة
ويقول جاي لينا امر من الامارة وو إلخ
طيب عرفوا البشر اللي ماشيين في الطريق
ان هنا ممنوع الوقوف..
3
1
ثاني شي المرور الاغلبيه مخالفين نقدر نقول %70 منهم
مكافحة المخدرات الاغلبيه متعاطين للمخدرات ويشترون واحيان ينمسك احد معه اغراض ويصادرونها ويستخدمونها
وباقي ماودنا نتكلم بأشياء واجد مالها داعي تغبنك في نفسك ... فوضى عارمه يارجل
لاحد يطلع لي يقول لا مستحيل ومدري ايش . انا شايف ومتأكد من هالامور واظن فيكم من شاف كذا اكيد
8
2
هو قاعد يشتغل بما يرضي الله و الناس هذا مخالفة و دعائها مردود عليها
الظلم ظلمات ومحق للبركة هذا شيء معلوم لكن راعي السطحة ما ظلم أحد
و حتى لو افترضنا أن أصحاب السيارات المخالفة فيهم ناس مظلومة
فالملامة على رجل المرور اللي قرر و أمر بسحب السيارة و ليس صاحب السطحة
0
1
لكن سيارته مظلله ولايربط الحزام واذا جا التسليم يمشي 200 على سيارة الدوله فكم يمشي على سيارته..يستخدم الجوال أثناء القياده واذا شافك تكلم قال نظام.......
أكثر من يحب قطع الاشاره بعد موظفي الهلال الاحمر رجال الامن ....متعودين بسبب الصلاحيه......
عدم التفريق بين الناس....واحد محترم نفسه ولم يتعمد المخالفه .....وواحد سلتوح يأذي خلق الله
و عدم العدل يعني يمر معرفه....روح......مايعرفك أعطاك مخالفه ولا يمسكك وهو يسجل المخالفه يعدي ميه نفس مخالفتك واذا هو .....ماني بقايل يتفلسف وانا ما ودي اعطيك مخالفه ونظام واسمحلس هاتها الله........
وعاد الي يقول فك التظليل وتعال . وتجي الا وهو مسجل المخالفه.....هذا ماتتذكره الا وقت السجود عشان تدعي عليه..........أستغفر الله العظيم.....
3
0
0
7
انا قلت من ناحية السرعةة
اما الوقوف شيء ثاني وما تطرقت له
0
0
وأما خويه يسوي المصايب وفوقها حبة خشم
1
0
وقفت قدام محلات تجاريه على الشارع المؤدي للحرم (بعيده)
ونزل انا و المعزبه وسالت الاعمل بالمحل قلت فيه مشكله بالوقوف ما اعطاني اجابه واضحه
يقول لا عادي وقف بس يمكن ماندري المهم توكل على الله وقفلت ومشيت
يوم خلصت الصلاه رجعت والا السياره ماهي فيه
اخذت تكسي ورحت ادور من حجز لحجز واسولف مع السواق قال لي الونشات هي للعسكر ويفرحون بالمخالف عشان يشغلون سياراتهم وعمالهم
وحصلتها وادفع خمسين ريال واخذ سيارتي بعد ماعدمو عليه الصدام
2
0
شبئ هذ الموظف القسايم نصيبها من الراتب يمكن 1000 ريال كيف العاطلين ألي مملين البلد لا وحطين ساهر خلاص
مافيه عيشه شفطتونا شفط الشعب فلس
قبل 11 سنه و شهر