ماحصل لي على طريق السفر

15 15

لايمكنك التصويت حتى الحصول على 20 نقطة على الأقل
إضغط هنا للإخفاء

مهند1393 203
قبل 11 سنه و 2 شهر

السلام عليكم 
اول شي باعطيكم قصتي 
كنت ماشي مره على خط الساحل ووقت العصر دخل وكان معي الاهل وانا كنت ماشي تقريبا 140
المهم شفت مسجد عاليمين وما امداني اوقف عنده وقفت بعده يمكن ب 50 متر وديورت على الرمل ورجعت وانا ماشي عالرمل ويوم وصلت قبل المسجد غرزت بي السياره وكل ما حاولت اطلعها تحفر اكثر
نزلت من السياره و بيني وبين مكتب امن الطرق اقل من 7 امتار والله العضيم وربي شاهد طبعا بالفعل دخلت المكتب
وجرا الحديث التالي
قلت السلام عليكم قال وعليكم السلام قلت ياخي وانا جاي ابغا اصلي في المسجد الي جنبكم ديورت ونزلت على الرمل وغرزت السياره ومعي الاهل فياليت لو سعادني وتسحبني باي سياره واقفه عندكم بالحوش طبعا فيه واقفه وصوالين وشاصات اكثر من عشر سيارات 
قال والله مفاتيحها مع الضابط ومحد قد استخدم السيارات ذي كلها جديده ومش عارف ايه لكن بكلم اي وااحد قريب من الموقع عشان يسحبك 
قلت له تسلم وانتظرته يمكن 15 دقيقه بعدين جا عسكري معه صالون مديل 2002 تقريبا نزل قال وش المشكله اعطيته السالفه قال خلاص بكلم لك سطحه قلت له انت طيب ليه ماستحبني قال والله ماني مكلف بك اسحب سيارتك تبغا سطحه وﻻ مع السلامه قلت امري لله اعطني رقمه دقيت على السطحه قال انا بيني وبينك 200 كم مايمديني اجيك قلت للعسكري هالكلام قال بشوف لك راعي سطحه ثاني وادق على السطحه الثاني قال بطلعها لك ب 300 ريال تبغاني اجيك وﻻﻻ قلت له تسلم وحاولت في العسكري يسحبني رفض 
ونسمت الكفرات وقلت المشكى لله وميشت لين وصلت للبنشر بعد 6 كم 
السؤال بامكنا يسحبني ليه مايسحبني وهو عمله ؟؟؟


القصه الثانيه كنت ماشي على خط الساحل المسار الايمن شوي الا واحصل ذاك الشاص العاكس الخط ماشي على الكتف الايمن  جاي باتجاهي واكبس له وماطلع من الطريق وبغى يجيب العيد فينا على يساري سيارات ماقدرت الف يسار المهم واحاول اتصرف مالقيت حل غير الفرامل وهو طلع على الرمل  ووالله اني شفت الموت المهم كملت طريقي وحمدت ربي واحصل ذاك الي ملحم الصدام بالصدام ومشغل السفتي جنبت يمين ونزلت واحصله هو نفسه راعي الشاص وقال الرخصه والاستماره اعطيته وقلت له كيف تعكس الطريق وبغيت تجيب العيد واستلمه تهزيئ قال ليه تكبس شايفني اعمى قلت ايه اعمى بغيت اتقلب بسببك قعد هو يهايط ويهايط ويهايط قلت له خلصت قال ايه قلت له والله لاشتكيك وانا حفظت رقم اللوحه  حقت الدوريه وجلس يعدها يحسن اخلاقه وقال سامحني على ترويعك ومش عارف ايه قلت له ليه خفت من الشكوى قال تبغى تشتكي يالله اشتكيني واثبت اني كنت عاكس الخط ﻻﻻ ماعكست الخط واعطاني الرخصه والاستماره وفحط في وجهي ومشى
السؤال هنا اسمكم امن الطرق او الترويع في الطرق له كذا ؟؟؟؟
والنصيحه هي حسنوا اخلاقكم نحن مسلمين في بلد الاسلام عملكم هو تخدم المسافرين الي تخرب سيارته ولا الي يجيه حادث وغيرها كثير انت ادرى بها له ما تقوم بالواجب اذا ماكنت قد المسؤليه فاترك المجال لمن هم اهل لذالك وابواب الرزق كثيره شوف لك اي شغله انت قدها    

إبلاغ

الردود