أضف سؤال أو موضوع جديد          

و أنت بخط سفر لا تنسى التلقيمة

up 8 down 2



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , السفر و ما أدراك ما السفر ؟؟ قطعة من العذاب و التعب خصوصاً
مع ترصد ساهر للسائقين بالمرصاد !!!!! لا و أبشركم اللحين حاطين ساهر جديد يصيدك من قبل كيلو !!!!
أنا دايم قبل لا أمسك الخط أكون زملان = (قلق نوعاً ما) لأنه بصراحة سرعة الخط ما هي مرضية أبد أضف
إلى ذلك مضايقة الشاحنات !!!! و الشاحنات و التجاوزات حدًث ولا حرج , بصراحة أنا من النوع اللي أحب
أمسك الخط بالليل بس بحكم إني أسافر بالأهل كثير فأضطر إني أمشي قبل الليل عشان ما يكون الخط كله ليل
و عشان كذا لازم أكون مجهز شاي تلقيمة مع نعناع مديني أو حبق !!!! أبقول لكم سالفة صارت لي قبل فترة
كنت مسافر أنا و أخوي رايحين نحضر مناسبة بالقصيم عند بعض الأقارب , المهم و أخوي كان معاه جي بي
إس ماخذه من خويه يقول إنه يختصر الطرق الرئيسية و يطلعك على طرق فرعية تطيح لك حول 60 كيلو و
طبعاً 60 كيلو مغرية لو مشيت مع خط مختلف و طاحت عنك !!!!! المهم دخلنا مع طريق المزارع و طبعاً
كانت الساعة قريب 1 الليل و الطريق مكسرً و حالته حالة مشغلين الزنون و العالي و باليالا الواحد يشوف
قدامه !!! و واجهتنا عقوم و نزلات و طلعات و أنا قلت خلاص الجيب تفكك !!!! المهم و كملت عاد بحدا
الكفرات ضرب علينا !!!! و ننزل وش السالفة ؟؟ ولا مسمار يمكن طوله 10 سم مدري من وين جاء ؟؟؟
المهم و ألقى حديدة بالأرض و أدخلها مكان التنسيم و مشينا حدود 10 كيلو أو أكثر شوي و طبعاً نمشي أقل
من 60 يعني أخذنا حول نص ساعة على بال ما وصلنا المحطة , بغيت أحبً راس اليمني يوم لقيت المحطة
فاتحة , و غيرنا الكفر و الحمدلله زانت الأمور , و قلت لأخوي توبة ندخل مع طرق فرعية عشان نختصر
المسافة , هذا الوقت ضاع علينا و الكفر و خرب و غيرناه ب 600 !!!!! المهم حاب بهالموضوع نتبادل
السوالف و القصص اللي فيها عبرة للمسافرين , و أيضاً إذكر لنا وقت سفرك المفضل .

محبكم &&& أبو طلال













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يارجال يوم قريت تلقيمة رااح فكري بعييييد ههههههههههههههههههههههههههههه 

يعطيك العافيه حبيبي 


up 8 down 2
lolo-ss 4520
قبل 6 سنه و شهر



يمدحون الابيض ههههههههههههههههههههه


up 3 down 18
د.حراج -38
قبل 6 سنه و شهر



عليك بالسكه ولو دارت

وعلى قول ناصر القصبي

دربن  تدله خير من دربن ماتدله


الا اذا عندك وقت وبالنهار ومحتصي لعمرك روح واستكشف الله معاك


up 4 down 0
ابو-لانا 185
قبل 6 سنه و شهر



الطرق الفرعية تختصر المسافة لكنها طرق مهملة وغالباً ما تقدر تمشي فيها بنفس سرعة الخط السريع وفي النهاية ممكن تاخذ وقت أطول وجهد أكثر ولو تعطلت لا قدر الله ما تلاقي أحد يوقف لك في هذه الطرق الموحشة


up 6 down 0
أبو عبادة 4803
قبل 6 سنه و شهر



احب المممشى بليل او مع العصر      
منها العسكر امن الطرق نايمين     ومنها  اجواء حلوة    وبليل  
ووقت النهار او الصبح   اذا شتاء الدعوه مالي خلق انسلخ حر   وفيه امطار      زين 
اذكر الشمال   مسافر وجيت بمشي بليل  قلت خلها الصبح احسن والوالده معي ومنها نشوف مناقع الماء 
ولو فيه عشب او  شيح  
ويا فرحه  مااكتملت  ماشي 140 والطريق فاضي وقت دراسه   كان    الا كيلو وووحصلت تفتيش
وقف   رخصة والاستمارة وقف  وعلى طول مخالفة  سئلته يقولي تمشي 140  ؟؟ 
من شفته لابس سوااره ورديه وفسفوري غسلت يدي منه وطبعا تدبلت وللحين ما سددتها 


up 1 down 1
صوت العزاوي 526
قبل 6 سنه و شهر



كلام جميل ورائع 
جزاك الله كل خير ونفع بك ..


up 0 down 0
bmw 2013 368
قبل 6 سنه و شهر



قبل الفجر بساعه
واصلي الفجر في محطه
احب امشي بهالوقت خصوصا لو كان الطريق طويل
طبعا لاني بالخطوط احب اشوف كل حاجه
مو زي الليل ما اشوف الظلام


up 1 down 0
ملك الخطوط 233
قبل 6 سنه و شهر



انت مدرسة تدرس اجيال

ونا جامعة تخرج رجال o_O

كل الود مصحوبا بالاحترام ;-)




up 1 down 1
لحظه لحظه 48
قبل 6 سنه و شهر



يا زين سفر الليل وشاي التلقيمة
احلى وقت سفر قبل المغرب بشوي
بس القهر سواقين التريلات اللي يمسك خط النص وماهو داري ويمينه فاضي
وتكبسله ولا يرد طبعا من نوع التسلية اطلع عنه واجي قدامه وامسك بريك لين يوصل سرعته 40 وامشب
خله يحس بالعذاب ...


up 0 down 0
sniper_sa82 307
قبل 6 سنه و شهر



يارجال انا عشق يالخطوط بعض الاحيان لاصرت فاضي ولا عندي شي اسويه بالويكند امسك خط 50 كيلو وارجع هههه

وافضل خط بالمملكة خط الرياض مكة اعشقة بحكم روحاتي لجدة للاختبارات

وبالنسبة لسرعه انا ماأشيل هم ساهر مثبتها على 125 وان خربت الاخلا 140
وافضل وقت بالنسبة لي الساعة 12 بالليل

ليه لاني انا على قولتهم ليلنهاري هههه مثر برمائي

يعني احب اشوف الليل والنهار بنفس الرحلة

اعشق شي بالحياة اني اوقف وقت صلاة الفجر ان ماحصل محطه قريبه وبعد الصلاة اطلع العزبة واصلحذاك البراد اللي يروق اللي مايروق مع نعناع
وأتوكل على الله

دايم لامشيت في هذا التوقيت على سرعتي اوصل الطائف الساعه 7:30 الى 8


مشكور عالموضوع الصدق هيضني هههه

واحلى لااايك


up 2 down 0
فيصل العيسى -172
قبل 6 سنه و شهر



احب السفر وقت المغرب وبصراحة طريق الدمام الرياض تحفة
بس خرربه علينا ساهر واذا ثبت ١٢٠ ومشيت عاليسار جاك 
ابو ٢٠٠ واذا مشيت في الوسط جاك ابو ٨٠ هههههه
اخر شي اسويه امسك ظهر واحد من ابو ٢٠٠ وأتوكل 
واذا جاه ساهر اكون نزلت لل١٢٠ ويش اسوي
وتقبلوا مروري


up 1 down 0
al sharif 1
قبل 6 سنه و شهر



ازين وقت بعد الفجر علي طول 


up 1 down 2
ولد المدينة 2014 1307
قبل 6 سنه و شهر



افضل وقت يكون بعد ٨ الليل 
افضل خط  خط الجنوب مافيه ساهر ولا غيره
بس نصيحه لحد يسافر ايام ٢٥-٢٦
بس ماتلاحظون شي اذا الواحد مسافر لمكان يبغاها 
الخط مافيه احلى منه وانت راجع تقفل ام ام الاخلاق؟!؟!؟!؟!؟؟؟؟


up 3 down 0
ابوسعيد الاحمري 1018
قبل 6 سنه و شهر



ههههههههههه

ما اعجبني الا الرد اللي يقول

دربن تدله آحسن من دربن ما تدله هههههههههههههه

حكمه رائعه جدآآ


up 1 down 0
ابو يزيد 000 8708
قبل 6 سنه و شهر



تسلم أبو طلال على الموضوع بالنسبه للجي بي إس ماعندي ذيك الخبره فيه لكن أسمع إنه مايعطيك مسافة الكيلوات بالمظبوط

لأنه يحسبها بشكل مستقيم والخطوط مثل ماتعرف أكثرها متعرج

وبالنسبه لطول السفر أحسن طريقه تنسيك التعب والملل من طول الطريق هي يكون معك صاحب راعي فله وسوالف ماتنمل منها


up 0 down 0
ابــو ســنــد 10639
قبل 6 سنه و شهر



انا أمسك خط القصيم رائح جاي اسبوعيا لي ٤ سنوات بحكم الدوام.  

و ما يقهرني بالخط غير الي يمشي ٨٠ و ماسك الوسط.  ودك يحطون ساهر للمهدين يا تتصف مع التريلات يا امش ١٢٠ اقل شي


up 0 down 0
a_aa_ma -2
قبل 6 سنه و شهر



سكه طويله ههههههههه


up 0 down 0
آبووليد 214
قبل 6 سنه و شهر