رايكم في الاكسبلور استخدام امريكي

خذه وتوكل علي الله استعمال الاكسبلورر الامريكي
قوي بس اهم شي أخذ رقم الشاصي وجيك عليه
علشان تعرف اذا سولفاج ومصلح ومنها تعرف
وش الصيانات و الإصلاحات اللي صارت له
 ومنها تعرف ممشاه الأصلي 

الله يعطيك االعافيه بس مدري عن اسعار االقطع 

والله ياحبيبي موتر ماابعده
وترا قطعه الميكانيكة جدا رخيصة
ودبله يجملك ويسد الحاجة
بس شرط انك ماتكون على طول في البر
وراسي وشكله رائع وحجمه صغير
صراحة سيارة جدا جميلة ومبروك مقدما 
والاحظ انها انتشرت بشكل واسع في الشوارع

امريكا يلعونون خامسهم وينزلنها للسعوديه وتكون اقل من الجديد من 30 الى 50 الف انصحك خذ جديد و اذا تشوفها غالي خذ نيسان باثفندر 2013 فل كامل بانوراما حلو

يا اخوي الاكسبلورر أعطاله قليله بس اهم شي 
الصيانة الدوريه من ماكينه وجير اللي عندنا ٢٠٠٢ 
أمريكي ما شاء الله كرف بس انا أنبهك قبل لا تأخذه 
جيك علي رقم الشاصي علشان تعرف وشو من موتر 
هو استخدام شخصي ولا دوريه ولا تأجير ولا تاكسي 
لان بأمريكا في جيوب تاكسي وخاصة الاكسبلورر 
وتتأكد منه انه مو سولفاج 
والله يوفقك بالموتر اللي يرضيك 

انا اقترح من موديل 2006-2010 احسن بما انه يجي دفع خلفي

والله اول اقلب في الموقع حصلت واحد
ماشي 189000 ميل يساوي 302400 كيلو
ماشاء الله تبارك الله

ملك الطاره عزام
^
الرجال يقولك موديل 2006 وانت تقوله " نصيحه خذ لك جديد " ؟؟

لكن ياصاحب الموضوع بـكم سعره لقيته وكم ماشي ؟ وانا اقولك اذا يستاهل ولالا ..

يا اخوي عبادي القحطاني وين تقلب مواقع أمريكية 
لا يا خوي انساها اذا تبي لك موتر شف أحد الطلاب 
المبتعثين هو يجيب لك او موتر احد الطلاب المبتعثين انتهت 
بعثته ويبي يرجع لان الطلاب يبيعون سياراتهم بينهم او يعطيها 
طالب جديد هديه او يتقبل باقي اقساطها لأنهم اذا ما باعوها بينهم 
يضطرون يبعونها لتاجر اللي اسمهم بأمريكا الديلروالديلر هذا يدري
انه طالب ويبي يرجع لدولته هني الديلر يبخس من قيمة السيارة ويكسر
قيمتها والطلاب ما يحبون يتعملون مع الديلر 

موديل 2009  ب 65 مرتبتين بدون دبل 

افحص قيرة ومكينته 
اذا مافيها مشاكل توكل على الله 

الاكسبلورر موتر ممتاز وعملي بس لازم وضروري جداً تواضب على تغيير زيت القير مع الفلتر كل 50 ألف كيلو 

القطع الاستهلاكية رخيصة 
الاكسسوارات وقطع البدي اسعارها معقوله 

عندنا واحد مع سواق 
ولله الحمد الموتر عملي وما منه خوف 

اسعار القطع الي غيرتها واذكرها :
فلتر البنزين بـ 55 ريال موتور كرافت
فلتر القير بـ 60 ريال موتور كرافت
الكاسكيت (وجه فلتر القير) بـ 50 ريال أصلي فورد
طرمبة بانزين كاملة كهرب بـ 600 ريال
فحمات اصلية 200 ريال 
مراية باب السواق غيرتها بـ 200 ريال اصلية من توكيلات الجزيرة 

زيت القير سعره في المحلات بين الـ 15 و 18 
واذا اخذته من الوكيل (الراشد) بتاخذه بـ 10 ريال 

اتمنى اني افدتك 

ودايما انصح نفسي واخواني انهم يشترون قطع من محلات الجملة الي في الصناعية القديمة نظراً لفرق السعر 
الكبير في القطع 

وفق الله الجميع

بدون دبل ومرتبتين سعره غالي ..
تحصل سعودي نفس الموديل ثلاث مراتب ودبل بنفس السعر ويمكن أرخص وممشاه أقل