خبر ان شاء الله مايكون صحيح بخصوص تشاليح الحاير

وش مصدر الخبر ؟ القيل والقال وسمعت !! وغير كذا خلينا نصدق مثلا وين بيلقون مكان يحطون فيه التشليح لان الان الزحف العمراني بداء يطلع على حدود الرياض من الزحمه واللي ماشي مكه قريب وهو طالع من الرياض يشوف المخططات اللي فاتحينها والبنيان توه داخلها

بينقلونه لبعد تفتيش خط الشرقية ومعروف انه بينقل من 4سنوات يمكن 

كلام في كلام
ــ مثل معارض النسيم ـ من سنين ـ وما صار شيء

ــ اربح العافية بس .

والله المفروض التشاليح والصناعيات والمعارض تكون خارج المدينه على بعد 15 كيلو لان معارض النسيم مكانها غلط في غلط ومسبب زحام ومقفل طريق خريص كل جمعه وسبت بسبب سوق السيارات والشريطيه يبيلهم من يدعسهم برابتوا عشان مايطلعون على الطريق العام ويقفون السيارات ويسببون زحام

طيب وليه ان شاء الله مايكون صحيح ؟؟!!
من صالحنا الاسعار راح تكون في نزوووول ^_^

ياشاقح بارك الله لو تلاحظ اني انا مانقلت خبر انا قلت لك سمعت من احد الزملاء وابي من الاعضاء اللي عنده المصدر او متأكد من المعلومة يقول لنا انا مانشرت اشاعة ..

عندك ابو ابراهيم يقول انهم بينقلونه لطريق الشرقية من اربع سنوات وانا اول مرة اسمع منه هالمعلومة :)

اجل بيسون سوات التصدير يوم حرمونا منه بيحرمونا من التشاليح ولادري صحه الخبر انا بالشفاء مافيه اي شيء بالموضوع ذا مررره

نعم الكلام صحيح 
من الامير سلمان خطاب رسمي بازله تشليح الحائر بعد سنتين لان الاراضي ليس ملك لاحد صكوك وهميه اوراق يتم البيع بينهم  المخطط كامل تبع ولد الامير سلمان
محمد 
سوف ينقل بعد التفتيش الدمام 70 كيلو يعني مردك للوكاله هنا 
وكذلك حراج بن قاسم سوف ينقل علي طريق الحاير قبل اشاره مقبره المنصوره علي اليسار
.

اجل الوكالات تستغلنا بالاسعار دام التشاليح راحت زي يوم منعوا التصدير زادت اسعار السيارات بشكل جنوني

حسستوني بكلامك ان الحائر يوزع قطع ببلاش
والله ان الوكاله اصرف من الحاير
وشو تشليح الخاير
خرابات وقطع مرميه جوا احواشهم تحت الشمس مصديه ومنتهيه ونصها خربانه
وفوق هذا اسعار نار
والله رحت للحاير يمكن خمس مرات ولا مره اشتريت شي من عندهم
واخر مره رحت سألت عن قطعه بحوش في الحاير جاني واحد شكله راعي غنم
يقولي بـ 1200
قلتله القطعه بالوكاله 1300
قالي قطعتي وكاله جديده
قلتله ياخي انا ضارب مشوار لاخر الدنيا عشان اجي عندك عشان مية ريال
قالي قطعتي احسن من الوكاله
هيا بالله هذا كيف تفهمه
سحبت عليه وقلتله خلها تصدي عندك تحت الشمس


والله انا اتمنى يلغون شي اسمه تشليح حاير ويركزون على اسعار القطع الجديده ليه غاليه واسعارها بالخارج رخيصه
يعني لو الله فكنا من الغش باسعار القطع ما احتجنا لا تشليح ولا قطع تجاريه

بارك الله فيك اخوي ماجد المطلق على تثبيت المعلومة ولك احلى لايك يالغالي

اخوي ملك الخطوط تشاليح الحاير نستفيد منها بقطع البدي + المكاين والقيور روح شوف كم سعرها بالوكالة هنا الفائدة اما باقي القطع قطع الغيار افضل

ليت ينقلونه عالاقل يبدأ مرتب