أضف سؤال أو موضوع جديد          

البيع بصفة عاجلة للسفر للإبتعاث إلخ ...

up 12 down 1



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , يقول الرسول صلى الله عليه و سلم في حديثه عن المتبايعين !!!
قال: ( فإن صدقا و بينًا بورك لهما في بيعهما , و إن كذبا مُحقت بركة بيعهما) كثير أشوف أشخاص يسوي فهلوي
على الناس و يعطيك كلام مُنمق و يحاول بشتى الصور و الوسائل إنه يكسب زيادة بالبيع حتى لو بالكذب و
الخداع !!!! أنا بصراحة من سُكان الرياض و بعض الأحيان يوصوني أقارب أو زملاء من خارج الرياض
على إني أشوف سيارة لهم شافوها سواء بموقع: (حراج , مستعمل إلخ ...) و طايحين بعضهم الآن بكذبة أصبحت
غير مُجدية و مستهلكة !!!! البيع بسبب السفر , البيع بسبب الإبتعاث إلخ ... يعني أشوف سيارات بعض 
الأحيان ما تعدًى ممشاها 5 أو 10 آلاف !!!! طبعاً بعضهم للأسف ما يقول لك عيوب السيارة إنها والله
ما أعجبته عشان ما تكسر بسعرها !!! أو إن فيها عيب معين مثل: (صرفية بنزين عالية , عزل للهواء سيء
عدم وجود مراكز صيانة مختصة بها إلخ ...) عشان ما تخليها وسيلة للضغط عليه بإنزال السعر !!!!
مرة شفت سيارة معروضة بالموقع موديلها 2012 ماشية تقريباً 58 ألف و هي سعرها جديدة 130
الأخ طالب 127 بالله وش تقول لمثل هالنوعية ؟   !!!! و مرة وصاني أحد الأقارب على سيارة شافها
بالموقع ماشية حدود 10 آلاف و قابلت راعيها و طلع من أهل البادية و عمره حدود 35 إلى 40 المهم
أنا سألته , السيارة جديدة ليه تبي تبيعها ؟ قال لي: إني أبطلع بعثة و جلس يحلف إن لو البعثة ما حصلت
له ما فكرً يبيع السيارة و من هالكلام إلخ ... !!!!! طبعاً كلمت قريبي و قلت له إني ما إرتحت للرجآل
و شكل السيارة فيها بلاء !!!! باليوم يتصل علي 4 و 5 مرات !!!! مع إنه منقص سعر السيارة عن
سعرها بالسوق بفرق ماهو بسيط !!!! و هذا اللي خلاني ما أتطمن , المهم قريبي صرف نظر عن السيارة
و عوضه الله بسيارة أحسن , و مرت الأيام و أشوف خوينا اللي كان يبي يبيع لي السيارة , راكب بسيارة
ثانية و جالس يدور فيها بالمعارض !!! المهم كلمًت واحد كان واقف جنبي من اللي يحرًجون على السيارات
و سألته قلت له تعرف هالرجآل ؟ قال لي هذا شريطي معروف  وأغلب المعارض يعرفونه ويتعاملون معاه !!
فالحذر يا اخوان من الخداع و الكذب و الدنيا ما تسوى إن الواحد يبيع ضميره و ذمته عشان حفنة ريالات !!!

همسة: (من عاش بالحيلة مات بالفقر) = مثل نجدي

محبكم &&& أبو طلال










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صدقت و الله يجزاك خير .



up 1 down 1
ابو عوض... 154
قبل 6 سنه و شهر



يا رجال من كثر ما اقرا اعلانات للبيع بدواعي السفر والابتعاث

حسيت انه معاد احد بقي بالمملكه الا انا



up 10 down 0
ابو-لانا 185
قبل 6 سنه و شهر



قريبا المملكة راح تفضى ماراح يبقى الا حنا ,, خلاص العالم رايحين ابتعاث ماشاءالله ههههههه بعثة بعثة وبكرة تحصله في المعارض داق اللثمه ويحرّج على سيارات خلق الله ,, قاتل الله الكذب والنفاق


up 7 down 0
أبو سـيـف 214
قبل 6 سنه و شهر



كلامك صحيح اخوي ابو طلال بس بعض البشر تعلق بالدنيا ونسي الله ونسي ان الرازق في السماء حي لايموت وانه اذا صدق مع الله ومع المسلمين رزقه من حيث لايحتسب قبل فترة شخص من جنسية عربية منزل اعلان عن سيارة لومينا فأةLSومعروف عنها انها فأت الاستاندر او اقل فأة في اللومينا والكابرس والحبيب يقول فل كامل ضنيت انه ماهو عارف او غشيم حبيت ابين له لقيته مصر انها فل كامل تدليس ولف ودوران لدرجت اني زبدت له وخاطرته ان يذهب لقوقل اذا وجد كلامي غير صحيح اني مستعد اخذها بالسعر الي يبي ومع ذالك باقي معزم والنقطة الثانية باين على السيارة انها متهالكة ويحلف ايضاً ان سبب البيع الخروج النهائي دخلت على ردوده لقيته يزاود في سيارات اخرى فالشكوى لله ويعطيك العافية ..


up 3 down 0



مشكورين حبايبي على المرور تسلمون , حبيبي أبو عبير والله إنك صادق هههههههههه نسيت أجيب أمثلة عن اللي يقول إن سيارته
فل كامل و هي أسوح من السوح بحد ذاته !!!! عالعموم بعض الناس يحسب إن المكر و الخداع و الكذب = فهلوة و ذكاء و عبقرية
شاكر مروركم يا الغالين , والله لا يحرمني منكم .


شعبنا يحب الفلوس بشكل عجيب 
يبي يشتري السيارة ويكدها لين تهربد
ويبي يبيعها بسعر مقارب لسعر الشراء
طمع واستخفاف !!


up 2 down 0
bmw 2013 368
قبل 6 سنه و شهر



ي رجال اللي يصدقون بالموقع قليل

لا واللي ماتدري وش تسوي به اللي يجيك ينزل صوره وحده واسم السيارة وموديلها ويحط رقمه وينزل الاعلان .. واذا دقيت عليه تلقاه مقفل .. الله يهديهم بسس

لو تتكلم من اليوم لين بكره ماخلصت ..


up 2 down 0
hmada1213 2024
قبل 6 سنه و شهر



يقول الإمام الشافعي رحمه الله فواد السفر خمسه

تَفَرُّج همٍّ،
واكتساب مــعيشة
وعلم،
وآداب،
وصحبة ماجد

وأضافوا عليها أصحاب السيارات فائدة سادسه وهي بيع السياره لدواعي السفر والإبتعاث


up 2 down 0
ابــو ســنــد 10639
قبل 6 سنه و شهر



بالذات اصحاب السيارات الصينيه الجيلي كل ما ادخل اعلان احصل مكتوب سبب البيعه : للدراسه بالخارج !!!!

ما شاء الله ما شاء الله كلهم صارو حقين دراسه


up 1 down 1
مورد الماء 321
قبل 6 سنه و شهر



الدنيا تغيرت والناس مو مثل اول على نياتها ((وهذا اللي طمع الشريطيه))
الحين فيه فحص ويبين لك كل شي بالسياره
واللي يشتري سياره بدون فحص مع احترامي له ((حـــــمــــــار)) لو انها 2014


up 0 down 0
ff-ff999 345
قبل 6 سنه و شهر



أشكر الجميع على المرور و التعليق , حبيبي أبو سند هههههههههههه أضحك الله سنك , لا عدمناك , الله يرحم الإمام الشافعي يقولون
إنه مرة نزل بضيافته الإمام أحمد بن حنبل , فكانوا الناس يثنون على الإمام الشافعي و على دينه , فلًما بات عنده الإمام أحمد و ما
شاف منه كثير صلاة أو صدقة !!!! فشافه جالس برا يتأمل النجوم و السماء و عظمة الباري في الخلق !!!! فقال له: ما تصنع ؟
فقال له: إني اتأمل عظيم صنع الباري في خلقه و في إيجاده للمخلوقات , فقال له: غلبتني في هذه !!! وهو العالم الجليل اللي يحفظ
آلاف الحديث للرسول صلى الله عليه و سلم .


وانا اقول اشب الاخوان اللي عارضين سياراتهم للبيع
بداعي البعثه
اعلانات كثير مثل كذا صرت اقول ما شااء الله
شبابنا دوافير يبيعون حلالهم لجل مستقبلهم
بالاخير طلعو شريطيه ..??
الله يشفيهم ولا يبتلينا 


up 0 down 0
خيال الامس 2015
قبل 6 سنه و شهر



المشكلة يبو طلال   السيارة ماشيه الف والفين 
ويقول ابتعاث  سبحان الله 
يعني ما جاك الابتعاث الا لما اشتريت السيارة ؟؟ 
وبعضهم يقول السييارة   ما تكفي اهلي وابي ابيعها ييعني توك تدري انك عايش مع اهلك ؟؟
 ولا تنسى سميت من زميلي بالعمل  وواحد عارض سيارة بالرياض يقول سميت بالقصيم  كذا 
المشكلة انها كامري لموزين  ماشيه 350 الف  م 2005   يقول سميت بالقصيم 35 ونطلب من الله الزود 
يعني كم بتوصلها  ؟؟


up 2 down 0
صوت العزاوي 526
قبل 6 سنه و شهر



وبعضهم ماحط شيء بذمتي سبب البيع    البناء  وس عر فلكي   سعر 
شف انا مااصدق الا الي يبي يتزوج ويبي  يبيع  بذات بالاجازة الصيفيه 
والمشكلة يبو طلال اذا قال ابتعاث او   عذر يعطيك سعر  فلكي  وقريب للوكاله ؟؟؟


up 1 down 0
صوت العزاوي 526
قبل 6 سنه و شهر



أشكر الجميع على التعقيب و الإثراء , أخوي محمد (صوت العزاوي) شاكر لتعقيبك و ملاحظاتك الرائعة , لا خلا ولا عدم .


خخخخخخخ

في ابتعاث الحين للشريطية فقط

أحلى شيء لما يكون شريطي والسيارة مدمورة من سواقته ويقول لك السيارة للوالد وأنا ابغى ابيعها واشتري له سيارة جديدة - بر الوالدين ذبح الشريطي


up 0 down 0
أبو عبادة 4803
قبل 6 سنه و شهر



اخوي اسمحلي اقولك حتى لو كتب سبب البيع ابتعاث او غيره اصلا المفروض مايكتب سبب البيع وانت ماتساله عن سبب البيع خذ السياره على الفحص من الصدام الى الصدام وورقه الفحص هي الي تحكم بينكم وصلى الله وبارك


up 0 down 0
ارامكوا السعوديه 89
قبل 6 سنه و شهر



فعلا انا اشوف ان السؤال عن سبب البيع مايفيد 

يعني انت ماوقفت عند هالسيارة الا وانت ناوي عليها او عاجبتك فالسبب في البيع مايهمك كثر ماتهمك 

نظافة الموتر وخلوه من المشاكل .. والموية تكذب الغطاس يعني الفحص ماراح يقصر اذا كان فيه اي مشكلة .. وسلامتكم 


up 0 down 0
prestigious 256
قبل 6 سنه و شهر