البيع بصفة عاجلة للسفر للإبتعاث إلخ ...
12
1
إضغط هنا للإخفاء
السلام عليكم و رحمة الله و بركاته ,,,
اخواني و حبايبي أسعد الله أوقاتكم بكل خير , يقول الرسول صلى الله عليه و سلم في حديثه عن المتبايعين !!!
قال: ( فإن صدقا و بينًا بورك لهما في بيعهما , و إن كذبا مُحقت بركة بيعهما) كثير أشوف أشخاص يسوي فهلوي
على الناس و يعطيك كلام مُنمق و يحاول بشتى الصور و الوسائل إنه يكسب زيادة بالبيع حتى لو بالكذب و
الخداع !!!! أنا بصراحة من سُكان الرياض و بعض الأحيان يوصوني أقارب أو زملاء من خارج الرياض
على إني أشوف سيارة لهم شافوها سواء بموقع: (حراج , مستعمل إلخ ...) و طايحين بعضهم الآن بكذبة أصبحت
غير مُجدية و مستهلكة !!!! البيع بسبب السفر , البيع بسبب الإبتعاث إلخ ... يعني أشوف سيارات بعض
الأحيان ما تعدًى ممشاها 5 أو 10 آلاف !!!! طبعاً بعضهم للأسف ما يقول لك عيوب السيارة إنها والله
ما أعجبته عشان ما تكسر بسعرها !!! أو إن فيها عيب معين مثل: (صرفية بنزين عالية , عزل للهواء سيء
عدم وجود مراكز صيانة مختصة بها إلخ ...) عشان ما تخليها وسيلة للضغط عليه بإنزال السعر !!!!
مرة شفت سيارة معروضة بالموقع موديلها 2012 ماشية تقريباً 58 ألف و هي سعرها جديدة 130
الأخ طالب 127 بالله وش تقول لمثل هالنوعية ؟ !!!! و مرة وصاني أحد الأقارب على سيارة شافها
بالموقع ماشية حدود 10 آلاف و قابلت راعيها و طلع من أهل البادية و عمره حدود 35 إلى 40 المهم
أنا سألته , السيارة جديدة ليه تبي تبيعها ؟ قال لي: إني أبطلع بعثة و جلس يحلف إن لو البعثة ما حصلت
له ما فكرً يبيع السيارة و من هالكلام إلخ ... !!!!! طبعاً كلمت قريبي و قلت له إني ما إرتحت للرجآل
و شكل السيارة فيها بلاء !!!! باليوم يتصل علي 4 و 5 مرات !!!! مع إنه منقص سعر السيارة عن
سعرها بالسوق بفرق ماهو بسيط !!!! و هذا اللي خلاني ما أتطمن , المهم قريبي صرف نظر عن السيارة
و عوضه الله بسيارة أحسن , و مرت الأيام و أشوف خوينا اللي كان يبي يبيع لي السيارة , راكب بسيارة
ثانية و جالس يدور فيها بالمعارض !!! المهم كلمًت واحد كان واقف جنبي من اللي يحرًجون على السيارات
و سألته قلت له تعرف هالرجآل ؟ قال لي هذا شريطي معروف وأغلب المعارض يعرفونه ويتعاملون معاه !!
فالحذر يا اخوان من الخداع و الكذب و الدنيا ما تسوى إن الواحد يبيع ضميره و ذمته عشان حفنة ريالات !!!
همسة: (من عاش بالحيلة مات بالفقر) = مثل نجدي
محبكم &&& أبو طلال
إبلاغ
الردود
حسيت انه معاد احد بقي بالمملكه الا انا
10
0
7
0
3
0
فل كامل و هي أسوح من السوح بحد ذاته !!!! عالعموم بعض الناس يحسب إن المكر و الخداع و الكذب = فهلوة و ذكاء و عبقرية
شاكر مروركم يا الغالين , والله لا يحرمني منكم .
3
1
يبي يشتري السيارة ويكدها لين تهربد
ويبي يبيعها بسعر مقارب لسعر الشراء
طمع واستخفاف !!
2
0
لا واللي ماتدري وش تسوي به اللي يجيك ينزل صوره وحده واسم السيارة وموديلها ويحط رقمه وينزل الاعلان .. واذا دقيت عليه تلقاه مقفل .. الله يهديهم بسس
لو تتكلم من اليوم لين بكره ماخلصت ..
2
0
تَفَرُّج همٍّ،
واكتساب مــعيشة
وعلم،
وآداب،
وصحبة ماجد
وأضافوا عليها أصحاب السيارات فائدة سادسه وهي بيع السياره لدواعي السفر والإبتعاث
2
0
ما شاء الله ما شاء الله كلهم صارو حقين دراسه
1
1
الحين فيه فحص ويبين لك كل شي بالسياره
واللي يشتري سياره بدون فحص مع احترامي له ((حـــــمــــــار)) لو انها 2014
0
0
إنه مرة نزل بضيافته الإمام أحمد بن حنبل , فكانوا الناس يثنون على الإمام الشافعي و على دينه , فلًما بات عنده الإمام أحمد و ما
شاف منه كثير صلاة أو صدقة !!!! فشافه جالس برا يتأمل النجوم و السماء و عظمة الباري في الخلق !!!! فقال له: ما تصنع ؟
فقال له: إني اتأمل عظيم صنع الباري في خلقه و في إيجاده للمخلوقات , فقال له: غلبتني في هذه !!! وهو العالم الجليل اللي يحفظ
آلاف الحديث للرسول صلى الله عليه و سلم .
1
0
بداعي البعثه
اعلانات كثير مثل كذا صرت اقول ما شااء الله
شبابنا دوافير يبيعون حلالهم لجل مستقبلهم
بالاخير طلعو شريطيه ..??
الله يشفيهم ولا يبتلينا
0
0
ويقول ابتعاث سبحان الله
يعني ما جاك الابتعاث الا لما اشتريت السيارة ؟؟
وبعضهم يقول السييارة ما تكفي اهلي وابي ابيعها ييعني توك تدري انك عايش مع اهلك ؟؟
ولا تنسى سميت من زميلي بالعمل وواحد عارض سيارة بالرياض يقول سميت بالقصيم كذا
المشكلة انها كامري لموزين ماشيه 350 الف م 2005 يقول سميت بالقصيم 35 ونطلب من الله الزود
يعني كم بتوصلها ؟؟
2
0
شف انا مااصدق الا الي يبي يتزوج ويبي يبيع بذات بالاجازة الصيفيه
والمشكلة يبو طلال اذا قال ابتعاث او عذر يعطيك سعر فلكي وقريب للوكاله ؟؟؟
1
0
0
0
في ابتعاث الحين للشريطية فقط
أحلى شيء لما يكون شريطي والسيارة مدمورة من سواقته ويقول لك السيارة للوالد وأنا ابغى ابيعها واشتري له سيارة جديدة - بر الوالدين ذبح الشريطي
0
0
0
0
يعني انت ماوقفت عند هالسيارة الا وانت ناوي عليها او عاجبتك فالسبب في البيع مايهمك كثر ماتهمك
نظافة الموتر وخلوه من المشاكل .. والموية تكذب الغطاس يعني الفحص ماراح يقصر اذا كان فيه اي مشكلة .. وسلامتكم
0
0
قبل 10 سنه و 6 شهر