المنتدى للقراءة فقط. تم نقل المنتدى إلى حراج السيارات.

نصيحه وحده اقتصادية عن تجربة اذا رحت لاي محل قطع غياراو ورشة

تقييم إيجابي 10 تقييم سلبي 11
فيصل العيسى -165
قبل 13 سنه و شهر



السلام عليكم

صبحهم الله بالخير

شخباركم يالربع

وانا اخوكم مع ارتفاع الاسعار في كل شيء واستغلال اصحاب المحلات من الاجانب لسعودي اذا جاء يستفسر عن شغل ليد لاصلاح سيارته او لسمكرة او لشراء قطع الغيار او لشراء من محل زينة السيارات او او الخ...

النصيحة:
اذا رحت لورشة او محل زينة او تشليح او محل قطع غيار

(( لاترسم وتكشخ )) = يعني لاتلبس نظارة ماركة وعطر يفوح وعقال وشماغ وثوب وكبك !!

لان الاجنبي يعطي السعر على مظهرك وهذي انا جربته

قد رحت لتشليح وكاشخ وصفقني بسعر على قطعه

ومرت فتره ورحت بثوب نوم خخخ لقيت اسعار يحبه القلب

وايضا لاتروح بسيارة فارهه او جديده حاول تاخذ موتر قديم او من المواتر الصغار صدقوني بيفرق السعر معكم.

تقبلوا تحياتي











سيارات للبيع

الردود


هههههههههههههههه اذا اللبس يغير الاسعار عز الله بسروال وفنيله اجيهم
يمكن يصلح لي ويعطيني حق الثوب
اشكر علي النصيحه 
وفقك الله

تقييم إيجابي 4 تقييم سلبي 3
االخاالدي 3898
قبل 13 سنه و شهر



اخوي طبيعي ان العامل اذا شافك مرسم وطاق بذيك النظارات بيصفقك سعر بين عيونك .... لانه بكل بساطه بيقول ذا فسقان حتى لو زودت عليه مو مشكله ..
والاخس من كذا الدلوخ اللي مايكاسرون بالسعر ...
امس انا وخويي بالسوق يبي يشريله شماغ للعيد ولقى الشماغ اللي يبيه وقاله العامل 90 ريال اخونا بالله على طول طلع الفلوس واعطاه انغز فيه ادعس على رجوله مافي امل ويوم طلعنا من المحل شوف البقوس ولله يامصخرته مصخره ...
الجدير بالذكر ان الشماغ هذا انا شاري اخوه الاسبوع اللي راح بـ75 ريال عشان كذا ياخواني لاجيت تشتري شي نشف ريق العامل بالمكاسره ابو 50 بـ 35 وابو 100 بـ80 وزي كذا

تقييم إيجابي 2 تقييم سلبي 1
ff-ff999 344
قبل 13 سنه و شهر



الأجانب قصدك غير المسلمين يعني ؟؟؟؟؟!!!!!

تقييم إيجابي 7 تقييم سلبي 5
kaiser007 628
قبل 13 سنه و شهر



ماعمري  اتكشخ اذا رحت صناعيه  ثوب نوم    ويخب عليهم 

تقييم إيجابي 1 تقييم سلبي 2
سكودر 14929
قبل 13 سنه و شهر



وانت يافالح يابوشماغ يوم انك شريته ب ٧٥ ريال قبل اسبوع ليش مانطيت وقتها وقلت للبايع انك اخذته ب ٧٥ ريال ولا صوتك عوره وماتبي احد يسمعك 
الجدير بالذكر كان وديت خويك للمحل الى انت شريت منه افضل من انك تنغز وتدعس وتنخرش من البايع وبعد ماتروح تسوي عبقرينو زمانك على خويك 

تقييم إيجابي 7 تقييم سلبي 1
for speed 752
قبل 13 سنه و شهر



السلام عليكم

النصب مهو بس عل السعوديين
حتى المقيمين ما سلمو من نصب بعض الورش
اللي بينصب ما تفرق معاه سعودي و لا مقيم


تقييم إيجابي 7 تقييم سلبي 0
amegha 222
قبل 13 سنه و شهر



والله صارت معي مره رحت حجزت منداه بجيب ربع حقي قديم شوي واتفقت معاه ع ٤٠٠ ريال قلت خلاص بروح واجيب سياره ابوي ونيت 
ويوم جيت بالونيت ٢٠٠٩ غمارتين هالكلام قبل ٣ سنوات طالع بالونيت انا استغربت قلت هذي شريطي والا اشبه قال صديق انا ابغى ٤٥٠ عصبت وليش قال هذا ونيت حق مدرس خخخخ فعلا الوالد مدرس حلفت ماعطيه الا ٤٠٠ ومشيت وهو يبربر لابارك الله فيه

تقييم إيجابي 0 تقييم سلبي 1
سيزو 420
قبل 13 سنه و شهر



سيزو والله مافهمت إلا انه عندكم ونيت 2009 وأبوك مدرس والمصيبة إن الإملاء عندك ماهو بالحيل شي عربي وشي أوردو بجيب ربع حقي قديم شوي نفس كتابة العضو سكودر


تقييم إيجابي 4 تقييم سلبي 2
for speed 752
قبل 13 سنه و شهر



اسمحلي مافهمت لان يمكن عقلك مكربن يبغاله تصفيه ودعس 

تقييم إيجابي 1 تقييم سلبي 3
سيزو 420
قبل 13 سنه و شهر



يمكن احيان الواحد يحتاج يصفي عقله 
ولكن اخاف اروح اسوي تصفية للعقل ويستغلوني وانت عايشت الوضع ورحت لهم بونيت والبرماوي يحسبه افلانش 

تقييم إيجابي 1 تقييم سلبي 1
for speed 752
قبل 13 سنه و شهر



for speed   يعني نضحك ولا كيف  ؟؟ 

تقييم إيجابي 2 تقييم سلبي 2
سكودر 14929
قبل 13 سنه و شهر



يابوى كل محل يعطيك يعر دور ارخص واحد واشتر من واااقع تجربه

تقييم إيجابي 1 تقييم سلبي 0
عاشق البلجيك 7
قبل 13 سنه و شهر



ياخي فور سبيد هذا مسوي انا الفطين الملكع اللي ماتمشي علي
يارجال درجها بس ..........
الخلا ــــــــــــــــــــــــ#

تقييم إيجابي 0 تقييم سلبي 2
ff-ff999 344
قبل 13 سنه و شهر



سيزو الله يعطيك العافية عندك المواضيع والردود القديمة اعطي ديسلايك على قد ماتقدر ياالله لك الحمد أنا في خير وفي نعمة والأرزاق بيد الله
والمنتدي بداله ألف منتدى

ff-ff999 مشكلتنا اذا واحد تكلم بالحق وقال الصراحة قلنا مسوي فطين وملكع على قولتك واذا نافق وكذب وسوى شديد وذكر موقف بطولي وعلى مين على واحد من العمال الجميع يوقف في صفه ويأيده حتى لوكان مخطي أ
خوي الكريم عاملهم بالتي هي أحسن وشوف تعاملهم وياك كيف مو تدخل عليه ومسوي فيها عنتر زمانك وتبيه يرضخ لك لأن هذا اسلوب واحد عنده نقص في شخصيته وفي تعامله مع المجتمع ويبي يكمله على العامل الضعيف
تحياتي للجميع


تقييم إيجابي 0 تقييم سلبي 1
for speed 752
قبل 13 سنه و شهر



صحيح بعض اصحاب المحلات ضعاف النفوس يعطي السعر بعد تقييم المظهر واحيا تلقاه يطالع بوجهك 5 دقايق بعدها يصكك بالسعر .

اذكر مرة كنت مع احد الاصدقاء ما معنا سيارة بنروح مشوار على تكسي ، حصلنا تكسي وسأله خويي عن سعر المشوار ، راعي التكسي
قعد يناظر بوجه خوي تقريبا 5 يفكر بالسعر ،،، زعل خويي وقالة وش تبي انت تناظر لا يصير السعر مكتوب على جبهتي وانا مادري ،،، صراحة 
ضحكت كثير على الموفق علما ان السواق كان سعودي .

تقييم إيجابي 0 تقييم سلبي 0
mohmd 160
قبل 13 سنه و شهر