الحذر من بعض معارض السيارات عند عمل مكاتبة

6 3

لايمكنك التصويت حتى الحصول على 20 نقطة على الأقل
إضغط هنا للإخفاء

mohmd 160
قبل 11 سنه و شهر

بسم الله الرحمن الرحيم

السلام عليكم ورحمة الله وبركاته ،،،

ياشباب هذا تنبيه من بعض معارض السيارات عند عمل مكاتبه ،،،

لانه حصل لي موقف مع معرض بالنسيم اسمه ( معرض بدر سلطان ) موقعه بجانب شيخ المعارض لتقديرات الحوادث  .

الي حصل بعت سيارة خارج المعارض ورحنا نتكاتب عند اقرب معرض بالصدفه طحنا على ذا المعرض .

المهم عملنا المكاتبه ولان اصبحت فورية على طول سلموا للمشتري السيارة وعقد مبايعة لكن اخذوا منه المبلغ
 وكان عشرين الف نقدا ، طلبت من مدير المعرض اعطائي النقود فرض ، قلت ليش ؟ قال نظام المرور الجديد
اني احولها على حسابك لكن عطني حسابك على اي بنك وبعد المغرب تكون بحسابك ، حاولت فيه بالطيب
 رفض ،،،

المهم انتظر بعد المغرب ما حول شي اتصلت عليه قال بعد العشاء ، انتظرت ما حول اتصلت عليه قال الليله تكون بحسابك
من بكرة اتصل عليه قال الساعة 10 صباحا ما حول اتصل عليه ما يرد الى قبل العصر يادوب رد ، وقال بعد العصر 
يعني انواع الكذب والمماطلة رحت للمعرض العصر ، قلت خلاص عطانا كاش لا تحول ، قال المحاسب يجي بعد شوي
جلست انتظر تاخر محاسبة ، فيه موظف سوداني عنده كاتب راح وطلع 10 الف نصف المبلغ واعطانيها وقال لا تنتظر ترى 
المحاسب مهوب جاي اصلا ، قلت حسبي الله عليكم ، وعلى مديركم ، وش السواه الباقي قال بنحولها لك قبل المغرب .
جاء العشاء ماحول شي ، اتصلت على مديرة الكذاب الي بس يوعد ويخلف وهزءت فيه وقال ابشر تعال المعرض الان
بنعطيك شيك الان ، (( يعني ما يجي الا بالقوة الطيب ما يمشي )) رحت للمعرض وحصلت صاحب المعرض واعطاني
شيك على بنك الاستثمار ، رحت بسحب حصلته مقفل ولا يفتح الا بعد 7 ايام ، جيت بسوي مقاصة من الراجحي
قال مافيه مقاصة بالاجازة ، الان برجع للمعرض ارجع الشيك واطالبهم يعطوني كاش ، والله يعني عليهم لان الشيك
يالله طلعوه ، فمابالك بالنقد ، حسبي الله عليهم .

نصيحة اذا بعت سيارتك عند اي معرض لا تطلع من عنده الا مستلم افلوسك عدا ونقدا ، او شيك بكامل المبلغ ، اذا قالك بنحول لك تراه كذاب
ما يحول مو فاضي اصلا يروح ويحول ، او شيك ، ولا نعم كل المعارض .

فيه معارض ممتاز تعاملهم وقلوبهم طيبة ، ويساعدك ولا تطلع من عنده الا انت راضي .

وسلامتكم ...

إبلاغ

الردود