أضف سؤال أو موضوع جديد          

مايميز موقع حراج هو السومات البلطجيه

up 20 down 5



كل عام وانتم بخير جميعا

ودعواتكم جميعا لخونا ( أنيق ) انه يتوفق فالاكسنت ويطلع الموتر وييسرها الله عليه


الموضوع اني لي فتره فاضي وجالس افرفر موقع حراج واكتشفت شغلات عجيبه بخصوص السومات وهي كالتالي


الموتر مسيوم

على الخاص ب35

وعلى الجوال ب36

وعلى الجوال برساله نصيه ب37

ومن شريطي ب38

ومن زميل عمل ب39

ومن واحد جى شافها ووقف عليها وسامها ب40

والبيع قريب ؟


طيب الحين انت شخمطت فابو السومات واتهمت الشريطي واتهمت جوالك وزميل عمل وصار برنامج جورج قرداحي وشوي تقل مساعدة صديق

كل هذا عشان تبي تبيع موترك ب41 الف


طيب ياخوي قول من البدايه انك تبي 41 الف وخلاص بدل ماتخش فبيع النجش وتجلس تفلت ارانب عيني

خليت العالم تسوم وتسوم وفي الاخير تنقز عليهم بصاروخ سكود وسومه خرافيه من !


والله ثم والله توني شايف اعلان لواحد كاتب موتر شبه جديد ؟

السياره ماشيه فحدود 140 الف كيلو

البويه مقرشه على التنده والشنطه

الصدامات كاتب انها مرشوشه وبويتها مقرشه

الكفرات رايحه فخرايطها

الطبلون من الداخل مليان ترراب وانتم بكرامه ولازم يفك الطبلون كامل عشان ينظفه مدري الاخ يطعس بالموتر

المهم

موقع حراج اصبح يفتقد المصداقيه ولازم ضوابط وقوانين تحد مثل هذه الامور

لاني وقت ماابي اضحك ادخل موقع حراج واتفرج على السومات والردود


على فكره فيه واحد عارض موتره له شهور يقول انه سيم ب69 ومالقي احد يشتريه الحين كاتب انه طالب فيه 68 هههههههههههههه

مع ان موتره 2009

و69 تجيبلك مديل 2011 ممشى اقل بس كذب الكذبه وصدقها








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلام رائع ..... السوم يكاد يكون غير حقيقي لكثير من الإعلانات


up 1 down 1
ahmed khamis 68
قبل 5 سنه و 5 شهر



صحيح الاسعار هنا خيالية 

يعني عندك واحد حاط جمس سوبر مان 84 يقول مسيوم ب 18 الف والمشكلة الموتر رايح فيها مكسر ومرشوش الخ 

مع ان واحد من خوياي عنده سوبر مان 89 مصدوم من على الجنب صدمه بسيطه وباعه  برى الموقع  ب 14 الف 

تفاوت في الاسعار

كلها كوم والي يجيك يكتب مخزن كوم مخزن وماشي 140 الف كيلو .؟؟؟؟؟؟؟؟



المفروض الي بينزل سيارته ينسى انه يكتب انسام من واحد بمبلغ كذا ينزل سلعته ويبدا السوم في الموقع 

والي بيخاف ربه ويتذكر القسم والشروط الي وافق عليها بيعطي السلعه حقها بدون بخس اما المبزره الي يجيك يستهبل في الردوم عشان يستخف دمه ربك فوق 

تحياتي 


up 0 down 0
مكتب يسر للاستقدام 53
قبل 5 سنه و 5 شهر