00 وسادة عجيبة تحل مشكلة تغريز السيارات 00

فكرة رائعة وتسلم عالموضوع
بس المشكلة اذا كانت المساحة كلها تغاريز كل شوي الله يعينه يقعد ينزل ويحط الوسادة 
بس تفك ازمة

يا ابو عبدالله ابسط حل اذا كانت كلها تغريز جيب 4 وسادات لكل كفر واحدة

هذي ودك تشتريها جمله وتعرضها ف موقع حراج .
ياشيخ بتدفن فقرك والحبه بسبع ميه ولاتجادلني خخخ

سبحان من علم الانسان مالم يعلم ** مشكور على النقل

لوسائد هذي بديل الدفلوك
إلي عندة جيب بدون دفلوك يشتري الوسائد هذي

جزاك الله خير              

اختراع جدآ جميل وشكرآ لصاحب الموضوع ولو بيدي أعطيتك عشره لايك

يرجال بدري بعد شنو هاه بعد ماغرزت لين ماكرهت شي اسمه بر وقنص وبعدين السيارات الجديد امثال جيب لاند كلوزر
واكسبيدشن ويوكن ذولا فيها مميزت اذا غرزت تطلع 

فهد الرويلي خذها قاعده اي سياره تغرز وبطنها يلمس الرض خلاص انسى انها تطلع لان مركز الثقل انتقل من الكفرات وصار على بطن السياره يعني الكفرات صارت تدور فالهوا فهذا الاختراع مخصص لهذي الحالات الحرجه

جميل يجب الاحتفاظ بوحدة بالسيارات للحالات الطارئة

حلوة تنفعك اذا كنت مغرز ومافي احد حولك او حتى يمكن لو سيدان وغزرت مثلا تصلح لك

حبذني اتاجر فيها هنا

و بنفس الوقت استعملها للنوم
ي شيخ بشتري بيت بهالمخده

يرجال هذه بحصت عنها الين قلت بس
في جميع المواقع الشرائيه
ما لقيتها ابدا

الا يمكن بموقعين
وموقعين ماهم مشهورين مرره
فما حبيت اغامر
وسعرهم غالي مرره اذا ما خانتني الذاكره
سعر الوحده
بــ 600 وشوي
غالي مررره استأجرلي ونش يرفع السياره احسنلي

^^^^^^^^^
بحصت = بحثت

اخوي اذا على كلامك استأجر ونش يرفع السيارة فا في كل مرة تغرز فيها راح تدفع للونش

اما لو كان عندك مثل المخدة تبقى معك على طول

تقبل مروري ولك لايك

والله امس كنت اشوفها في الموقع واليوم تمنيتها لو هي بألف ريال 
طلعنا الكورنيش الجنوبي وطحت في صبخه وطاح الموتر والله لادبل ولاهم يحزنون ولولا رحمة الله وفزعت الاجاويد كان انا مبيت هناك اليوم 
والواحد لازم يحط واير سحب طويل في موتره للاحتياط
لأنه كم واحد مر علينا في البداية ومافي واير مايقدرون يسون شي وأي محاولة للدخول بيطيح الموتر الثاني الى ان ربك فرجها وجونا الشباب بواير طويل وحفرنا تحت الكفرات وحطينا حطب ومع السحب طلع الموتر 
وبعد ماطلع كله طين ماسك بالجنوط ويادوب يمشي ٢٠ اذا زدت عنها ترج السيارة رجة غير طبيعية  وعليها ١٠٠ كيلو تقريباً  الى ان وصلنا محطة اظن اسمها المجيرمه وغسلنا السيارة 

هذي الحلول والله ماتحتاج مخ ابد
مره غرزت بكراون فكتوريا قبل تقريبا 10 سنوات واول حلول بديهيه طلعت في مخي اجمع حبص او حجر صغار واحفر واعبي الحفره بها امهد الطريق قدام السيارة واطلع
والمره الثانيه بالوطايات تحت الكفرات

لكن لو تلاحظ بعض المغرزين يجلس يرجع ويقدم ويدعس لين تحفر سيارته ويبلش بعمره

مثل واحد معاه جيب هونداي دفع رباعي مغرز بحبس صغير كفر واحد فقط متعلق وماقدر يطلعه ولايعرف
يشغل الدبل مع وين

وحلها حطينا بلك تحت الكفر وطلع باقل من 3 دقايق وهو له ساعه متعلق


" حسن التصرف واجاده القيادة في البر هي مايساعدك في مثل هالمواقف "