كم تستاهل السوناتا؟

موب معقوله 19 الف ؟

اذا الموتر مافيه شي على ماذكرت نصيحه لايروح عليك
ترا مثله بالسوق
ماينقص عن 30 الف وهذا المسمكر وماشي واجد بعد

سعرها مناسب جداً اذا نظيفه وسعودي وفل كامل2400cc وخاليه من الحوادث افحص وتوكل على الله سعر مناسب جداً مالقيتها في السوق والله بذا السعر ابيها لأخوي يداوم عليها الجامعة اقسم بالله حفيت مالقيت بذا السعر رغم تحفضي على السيارة من ناحيت الرساوة والعزل بس ذي رغبته وبالتوفيق اخوي ..

ترى سعره كذا في الحراج حق الصناعية ... بس هذا حلو اتماتيك خذه .

اية والله صادق فيها حكه جدار خفيفة مسمكرة خفيف ومرشوش الصدامات فقط

تأكـــــــدمن نسبة المكينه والقير ولعلمك ان لونها مو مرغوب وينزل من قيمتها لاكن توكل ع الله وبالتوفيق .

والله رخيصه مرررره

يبيلك تاخذها و تفحصها كمبيوتر من كهربها و مكينه و قير .. و تشوف كم باقي نسبه في المكينه 
انا عندي واحد من قرايبي معاه سوناتا 2004 اشتراها عام 2006 ماشاء الله تبارك الله على انه يكدها و اذكر قبل اسبوعين اخذتها منه مره و شفت عدادها واصل 300 الف و باقي شاده حيلها ولا تقول لا 

اذا فحصت اللي قلت لك عليه و حصلته سليم توكل على الله و خذها 
و ملاحظه / لا تسمح لصاحب السياره يوديك هو للفحص ... خذها منه ولا خله يوديك فحص انت توثق فيه 
لان اغلب البياعين اللي فاهمين تحصل معاهم اتفاقيات من تحت لتحت مع اصحاب الفحص

بالتوفيق اخوي و الله يرزقك بالموتر اللي تستاهله

لو يحلف من اليوم لبكره انها نظيفه

ودها مركز فحص تثق فيه وبتشوف هل هو صادق ولا لا

اما 19 الف ؟؟؟

قيمة اكسنت ...!!!

شوف انت بتاخذها ب19 بس احسب انك بتحط اقل شيء 5للتصليحات .. لأن موديلها قديم وأكيد بتطلب كثير

طيب ياشباب لقيت سوناتا 2006 العداد 42 الف فتحه فل كامل ب40 الف؟؟ مناسب سعرها؟؟

السلام عليكم 
اكتشفت ان السيارة مغير مكينتها والفتحة بلاستك موب كرستال 
ومشكورررر على مروركم العطر

تأكد منها جيدا فبهذا السعر لابد أن فيها مشكلة !! على كل حال أسعارها لا تقل عن ثلاثين ألف للنظيفة

أبو مطرقه .
السعر مبالغ فيه

اخي الكوري معروف عمره الافتراضي ٥ سنوات و بعدين تبدا الخرابااات و حط فلوس لو بتحطططط شغلك يارييسسس احسن

شباب انا لقيت سونتا 2008 جمرك ماشيه 35الف فقط طالب فيها 31الف وش رايكم