حتى نفتك من الحوادث خلاص مافيه الا هالحل

صادق في كل كلمه قلتها او مفروض انهم يحطون مثلا السياره تفصل على 140 صادق

والله صادق فكره ممتازه  واذا كنت مثلا مسافر وماشي 120 وواحد قدامك ماشي مثلا 160 تدري انه يوصل قبلك بي
10 ااو 15 دقيقه يعني حراام يضع عمرك وتخلي امك تبكي عليك على شي تافه ويعتبر انتحار ماقول الا الله يهدينا 

موقف مر علي بتاريخ 7/18 السنه ذي 

كنت رايح للاهل بجدة ... وقبل الليث حصلت لاندكروزر مقلوب وفيه عائلة كاملة 


ياتاس والله موقف مهو بسيط عائلة كاملة راحت بسبب تهور السواق 


والله ياشباب نزلت اساعد الناس وولو تسمع مطوع جالس يلقن شايب الشهادة ويصيح فوقه 

قول اشهد ان لااله الا الله وااشايب يردد معه 


والله انها نزلت دمعتي وجلست ابكي الين وصلت جدة .... موقف ماانساه ماحييت 



اللهم انا لانسالك رد القضاء ولكن نسألك اللطف فيه 

نصيحة ياشباب الي معاه عائلة يكون راكد وهادي والدتيا مهي طايرة 

اذا كل السيارات تفصل على ١٤٠ اش الفرق بين اللي يشتري اكسنت واللي يشتري بورش وتشارجر وموستنق؟ 

كل واحد عقله براسه يعرف خلاصه

امما يجيبون سيارات ماتتعدا 140 يعني حدنا ددسن 77

صادق السرعه ماتصلح بس اقتراحك خطا ومستحيل يطبق

مب شرط السرعة هذا ولد جيرانا الله يرحمه راح ثاني العيد بيعيد خويه طبعاً بمحافظة بعيد عن بيته 100 كيلو وهوه ماشي بالطريق إلا واحد عاكس الشارع وصدمه...
دخل العناية المركزة إلا ايام ونسمع بخبر وفاته الله يرحمه ويغفر له...
والله يكون بعون بنته وزوجته...

اذا قلت الحل ان ساهر يتطبق بشكل مكثف اكثر معقول اما تفصل ع ١٤٠ صعبه ... اش المعنى عندنا الحوادث كثيره وبدول اوروبا اقل مع العلم عندهم طريق الاوتو بان ( خط سريع السرعه مفتوحه فيه )

الحـــــــــــــــــــــــــــــل بالراس اذا في عقل صاحي ، والله لو كل سياراتنا طبلونها 400
ماتشوف حادث بسبب التهـــــور ، الأرعـن تباً للسرعة ههههههههه

الركادة في السواقه بشكل عام و اعطاء الافضلية و تقديم الحذر
هي بأذن الله تعالى و بعد الله تعالى في السلامة من الحوادث 
و الحياة الصحيه السليمة كذالك سبب مستحيل تسهر و تبي تقوم بدري و تلحق على دوامك و اشغالك بدري بدون ما تتهور

لانهم يربطون احزمتهم 
علشان كذا ماعندهم وفيات وافتح اليوتوب واكتب حوادث امريكان او روسيين
يارجال قسم السياره تقلب قصدير والي فيها سليمين بسبب حزام الامان 

طيب افرض عندك حاله طارئه لا سمح الله ... بيموت اللي معك وانت ما اسعفته
افرض اعترضوك قطاع طرق حراميه وش بتسويلك 140 .. كل شي له سلبيات مثل ما له ايجابيات

بعض الحوادث تصير وانت ماشي 60 ويموت منها الواحد لاسمح الله

  

في اوروبا وبالأخص ألمانيا بعض الطرق السريعه عندهم مفتوحة السرعه !
ولا شافوا الا كل خير .. يطلع الواحد طاقته في هذا الطريق ويرتاح .. سواء مسافر 
او لممارسة السرعة بسيارته الجديدة .. ليش ماعندنا مثلهم هاه .. 
كل شي مسكر عليك ، ساهر ، امن طرق ، دوريات سرية ، ...
حتى حلبات سباق ماعندنا !!!
لاتلومون اللي يقومون بأفعال عكسية مهلكه نتيجة الكبت وتقولون خلو السرعه 140 !!!!!
اسمح لي اخي الكريم 
اقتراحك فاشل وغير منطقي ..
تحياتي .

هذا ماهو حل كافي فيه ناس ماشيه في حالها وبسرعه معقوله أقل من100 لاكن يجيك واحد متهور يضحي بعايله كامله مالها ذنب
أو يجي واحد غشيم مايطبق قواعد المرور ويضحي بواحد ما شي نظامي في حاله 
لازم تثقيف المجتمع بقواعد المرور وتطبيق انظمة صارمه لردع المتهورين 
الله يكفانا واياكم كل شر ومكروه. ..

وعندك لا تنسى وسائل الامان  الاكسنت عندهم 6 اريباقات 
وحنا واحد واذا صدمت ما يطلع  حتى 
ولا تنسى كمان  abs  مانع الانزلاق 
وحنا التجارة ما ترفض وسائل السلامة للسياراتهم 

والله السرعة ما لها دخل انا من الاردن صار حادث لاقربائي في المانيا قبل شهر
تقريبا سببه قابلهم واحد متجاوز ابعدوا عنه ضربوا بالشاحنة وتوفو الخمسة الله يرحمهم
اذا جات المنية ماتعرف مسرع ولابطيء وفي العجلة الندامة

احترم وجهة رابك اخوي بس لو قرت الحكومه موضوعك بتموت ضحك

الحين فكر فيها لماذا وضعو ساهر بالسعوديه ..??
ولماذا اذا ما شافوك لابس شماغ طقوك بمخالفه ..??

ساهر حطوه عشان اذا مشيت 71 لقطك و حطو مخالفتك للحد الاعلى
بالمختصر فكرة ساهر هدفها مشاركتك مالك و راتبك .. بكره بيقولون هات
بيتك عندنا نقص عماير للحكومه ...

المخالفات هم اساسا يبغونك الجنود تخالف .. يبغون يحطون بالجبهه مخالفه
امس اعطوني مخالفه و السبب عدم ربط حزام .. قايلهم خربان قالو خلاص
مخالفة عدم ربط حزام ولا تكثر هرج
يخالفونك اذا انك مسرع .. هم اساسا يبغونك تسرع .. يتمنونك باي وسيله 
تسرع
يبغون يلحفونك و يخلصون الدفتر اللي معهم ع حسابك
يبغون يخالفونك سرعه ولو بغو يغطونك مخالفة مراوغه و قلت حيا
يعني بالعربي بتاكلها بتاكلها
سافرت انا مره ع الباحه و مسكتني نقطة تفتيش و خالفوني بتظليل
بعد اسبوع رحت اسدد لقيت بظهري ثلاث مخالفات
تظليل و سرعه و عدم ربط حزام
بينما هم سلموني ورقة تظليل
طيب الباقيه كيف جات??
ف عرفت ان الدعوه كانت تلاعب منهم
يبغون يخلصون الدفتر لان فيها اجازات و اكراميات و علوم طيبه

مختصر الكلام محد اساسا من الشركات او الحكومه بنفسها بتفكر بشي
اسمه حد السرعه 140بالكثير
هم هم يبغون يدخلون سيارات سريعه للسعوديه بهدف المخالفات الجميله
لذك ي اخوي ما بنستفيد ابدا من اي نظام احنا.نفكر فيه
لاننا عارفين الحكومه ما بتعطينا وجه

شكرا لك

السرعة ماهي سبب للحوادث السبب الحقيقي هو "التهور" 

انا عندي عيال عمي 2 منهم و والدتهم راحو ضحية ولد العمي اللي كان يسوق السالفة بلمختصر كان واقف في يوتيرن يبغى 

يديور و في شاحنة "قلاب" جاي مسرع ما يبغى يهدي و هو كان في راسه عباطه اخذ اليوتيرن ولا كأنه شايف القلاب وراعي 
القلاب مسرع صدمه  طبعا كان معاه "ياريس" كل اللي في السيارة ماتو ..اذا فيه احد منكم في حي السامر رح يفتكر الحادث 
الشنيع ذا ..  السواق عمره 17 سنه اخوه الصغير حول 10 سنين و امهم كلهم ماتو الله يرحمهم