وش معني ممشي حقيقي

وعليكم السلام ورحمة الله وبركاته 
يعني انو مالعب بعداد السياره او لم يتم فصل العداد حق حساب الكيلو متر او الميل 
مثلا سياره ماشيه 300000 ينقص العداد يخليه مثلا 180000 

يعني ترى مالعبت بالعداد

هوا كذا على حقيقته بدون خنتفة

الي يقول لك الموتر ممشى حقيقي هذا في بطنه علم !!

يا انه منزل العداد 
ولا انه قد سواها في موتر قبل 

الظاهر ممشى حقيقي يعني طبلون بلدة والعداد لممشى السيارة الحقيقي وهو في الحقيقة إما لاعب في العداد او مغير الطبلون ماخذة من التشليح لنفس السيارة بس تكون ممشاها قليل ياعن طريق الشراء او الإستبدال لاكن فين بيروح من الله المحتال في ناس بتسويها عشان السيارة تجيب سعر وفي ناس تخاف الله يعني لو السيارة مشيت مليون يبيعك هيا بحالتها حتى لو ماجابت شئ

لا تحكم على الممشى بحكم نظافة واعتمادية السيارة...
شفت بأحدى المعارض كادينزا 2011 ماشيه 200 ألف ما شاء الله نظيفة ما كأنها ماشيه هالممشى وعلى كلام راعيه كل شيء نظيف وبودي بلد...

سيارتي مشاء الله تبارك الرحمن 2005 ، ماشية 79600 ههههههههه بجد ممشــــــــــــى حقيقي
،،،، والبــدي كل مكان فيه قبعه والا حكه...

هو اثبات بطريقة المعلن ان الممشى لم يتم التلاعب فيه ع موديل السيارة مثل سيارتي 2005 المعروض لو حسبنها ممشى طبيعي تكون ماشية 180.000 في تسعه سنوات بمعدل 20 الف كم بالسنة..

هما اولاد الحرام خلو لأولاد الحلال شي

ههههههههههههههه
اللي فبطنه ريح مايستريح
يعني هو محد سئله عن الممشى هل صحيح ولا متلاعب فيه
فدامه نقز وقال ممشى حقيق اعرف ان وراه بلى
وبعضهم على نياته شاف الناس تقول ممشى حقيقي ثم راح قال مثلهم بعدها تلقى الناس تشك فيه ونكب نفسه في الشكوك

فيه البعض مسكين منضحك عليه بقوله ممشى حقيقي
وتكتشف ان سيارته استخدام امريكي والعداد يصفر كل 99.999 الف
ويحلف بالله انه مافصل ولاتعدل وهو مايدري السيارة اساسه كم ماشية في السيارات المتكونه من 5 خانات لحساب المسافات لاتستطيع الجزم ممشاها الحقيقي الى عن طريق الفحص الدوري للسيارة بتجد العجب يقولك ممشى حقيقي 85 الف ولمى تشوف الفحص تحصله مثلا 200 الف وهالرقم مايطلع في العداد وموجود بالورقة

فانا اقول لاصحاب هالسيارات لاتشرط الا محركات وبودي اما شغله ممشى حقيقي حاول ماتحط نفسك بوضع حرج مع الناس ويحسبونك نصاب وانت في الاساس مضحوك عليك مسبقاً

والله يوفق الجميع

اهم شي فحص المكينة و القير و العضلات احيانا اهم من ممشى السيارة لانها تدل على اهتمام صاحبها

سيارة ماشية 200 الف وردة  افضل من 100 الف مفحط فيها لين طفش