سوال هام لاصحاب جيب المازدا cx9

واحد من اصحابي معاه واحد 2009 يقول السيارة ممتازة من كل النواحي 

لكن قطع غيارها غالية

ونصيحة افحص قبل الشراء عند ورش مختصة

^^^^ أذكر الاشياء الايجابه فقط إذا انت ما جربته الله يسعدك :)

مع الوالد جيب مازدا وانا استعملته فتره

سياره لا يعلى عليها

راسيه + عزل الصوت ممتاز + لينه وناعمه + سواقتها سهله جدا + مكيفها ثلج الثلج الابو الثلج ما شاء الله 

بالنسبه لقطع الغيار 

انت اللي بتحتاجه 

الفحمات ب 560 ريال طقم امامي وخلفي من الوكاله

الزيت عادي تغيره عن بترومين ما يكلف 120 مع الفلتر

الكفرات هذا الامر راجع لك

زيت المكينه كل 50 الف كيلو , وسعر 4 علب ب 220 ريال من الوكاله والتعبيه خارج الوكاله ب 50 ريال

الجيب مع الوالد سنتين وهذا اللي يغيره فيه 

كفرات باقي ما غيرها

بس يعبي بنزين ويغير الزيوت في وقتها و توكل على الله

لان السياره يابانيه 100% كل القطع اللي فيها عمرها طويل

حتى ولو بتغير من الوكاله ترا ماهي خساره

يمكن في زياده بسيطه بالاسعار لكن إذا غيرت القطعه انساها لانها اصليه

فرضا في قطعه من شركه تويوتا ب 200 ريال

والقطعه بشركه مازدا ب 400 ريال

تقول دبل السعر

طيب انا اجي اقولك هنا ليه غاليه

القطعه حقت تويوتا تمشيك 6 شهور ب 200 ريال

القطعه حقت المازدا تمشيك سنتين

__________

لان الوالد يوم جاء يغير الفحمات حقت سيارته وموديل السياره 2010 يعني لها 3 سنوات 

قالوا له الفحمات في نص عمر

يعني تمشيك , لكن الوالد غيرها عشان ما يحب يسمع اصوات بالسياره يوم انه يفرمل

يعني الفحمات  لها 3 سنوات من الوكاله وباقي فيها عمر

لو انها من تويوتا يمكن سنه او سنه ونص ولازم تغيرها

توكل على الله وخذها

والله يعطيك خيرها ويكفيك شرها

سيارة ممتازة
واثبتت وجوده بوقت قياسي

لكن مربط الفرس هو ان الموتر الي تبي تشتريه لازم يكون نضيف ويطلع فحصه سليم
واذا صار جايه صدوم او استخدام سيئ الله يعينك عليه

ممتازة جدا انصحك فيها بس نصيحة خذ فيها دبل ينفعك في البر