أفضل طريقة للفرملة للسيارات ذات القير العادي

انا معي عاادي وااشوف كلها تجي بس تكبس فرامل وانت مااشي 120 صعبه شوي
اشوف فراامل مع تروس احسن

خل القير على الخامس راح تلاحظ أن السرعة انخفضت بكثير عن انك تفضي القير...
إذا خليت القير على الخامس وتركت الدعاسة وأنت بكرامة راح تنخفظ سرعتك ونفس الوقت إذا اضطريت اضغط فرامل...
ومثل ما قال ابو فيصل حط على الريوس بس انتبه لا يصير الشارع ناعم...

من وجهة نظري تشيل رجلك عن البنزين لحد ماتنخفض السرعه وتردها من 5 الى 4 وتستخدم البريك

الى ماتوصل السرعه 50 وتفضي القير وتكمل بالبريك لحد ماتتوقف تماماً 

من خلال استخدامي تخلي القير فاضي وبعد كذا بفترة بسيطة تضغط الفرامل اريح للسيارة وتكون الوقفه صحيحه وفي المكان الي تبي واسرع بعد

معك قير عادي  تحكم بنمر  انت مسرع وحاطه بخامس  فك رجلك على بنزين  وضغط فرامل خفيف لحد سياره ماتهدى اشوي ثم ردها نمره علشان اذا رجعت نمره بسرعه من خامس لرابع مكينه بتحن 

 واذا شفت سياره هجدت اشوي ردها نمره بثالث ثم بثاني  وتهجد موتر 

والله يالقير العادي قروشة وتعب 
عموما حسب ما اعرف انه كثر الغيار العكسي يضر بالسيارة !
إلا اذا كانت رياضية ومخصصه لمثل هذه الاستعمالات ..
يالبى القير الاتوماتيك ♥ عز √

انا كان معي عادي بس الحين تومتيك 
وانا افضل تخفّض بالتعشيق من الخامس للرابع ثم للثالث ثم للثاني ثم الاول و تضغط كلتش و فرامل لحد ما توقّف السيّارة 

مشكورين اخواني على آرائكم مفيدة جداااا
لأن السواقة فن و تبغى اهتمام بالسيارة و بالمشاركين في الطريق.

لكن الي ماني فاهمو ليش كل هذه الديسلايك لان الموضوع حسّيت انو راح يفيد ان شاء الله, على كل مايهمني أمر النقاط

خل رجلك على الكلتش على آخره
كذا تكون فصلت القير عن المكينة وهدي بالفرامل الين توقف وحطه على الفاضي قبل ما تشيل رجلك عن الكلتش
وبسسس

السيارات القيــــــر العادي لها حــــظ الفرامل في من يساعدها بخفض الأندفاع ، وتوقف اسرع بتحكم السايق بالنمر،
اما القير الأوتو مسكين هههههه الفرامل مالها حظ ، ألاعتماد الاكبر ع الفرامل نفسها

بس المحافظة ع الاقمشة بعدم الضغط بالطريقة المفاجأه
عند الوصول مثلا عند أشارة ماشي 80 وفي 5 متر تطلب من السيارة التوقف ،
أعرف ان نظام الفرامل كلــــــــــه وقتها يعلن انه في قمة الضرر ،
وبعد تكرارها 3 4 مرات وقتها تعلن الفرامل انها تاااالف .

والي يتعامل بهذا التعامل الغير انسانيه ههههههه بكرة ينزل موضوع ليش الاقمشة تخلص بسرعة ؟؟؟

انا سيارتي قير عادي وعندي خبره بالقير العادي لأني استخدمه دائما من مده طوويله

اذا تفضي القير على N ثم تمسك فرامل .. هذا أكبر خطأ !!! لأنك إذا فضيت القير N تكون السياره خفيفه جدا وتدحدر بقوه ويمكن أشد من الأوتوماتيك !!!
وراح تستهلك الفحمات بشكل كبير والفرامل يكون أضعف شوي وتزيد الضغط على الفرامل وتزيد حرارة الفحمات والهوبات

بينما إذا خليتها بأحد نمر القير وشلت رجلك عن البنزين .. السياره من نفسها تهدي أو على الأقل تكون ماسكه نفسها وأنت كذا تساعد الفرامل وتقلل الضغط عليها وتقلل إستهلاك وتآكل الفحمات والهوبات

أنا برأيي المتواضع ..

1) شل رجلك عن البنزين .
2) خل السياره تهدي من نفسها و ساعدها بالفرامل عند الحاجه .
3) رد نمره .
4) خل السياره تهدي من نفسها و ساعدها بالفرامل عند الحاجه .

هي تعتمد حسب حالة الطريق والزحمه و ظروف القياده ومسافة تهدئة السرعه و الخ...

أنا اذا كنت أمشي بالخامس وقدامي إشاره حمراء بعيده يعني غير مستعجل .. أرفع رجلي عن البنزين والسياره تهدي من نفسها و إذا نزل الـ RPM وصل إلى 1.5 أو 1 أرد نمره إلى الرابع .. واستخدم الفرامل بشكل خفيف أو متوسط ثم اذا قربت السياره توقف افضي القير وأمسك فرامل

أهم شيء لا ينزل الـ RPM عن الـ 1 أو 1.5

أنا ما أمشي على روتين معين .. لأن الروتين ممل وتختلف طريقة قيادتي شوي حسب المزاج وحالة وظروف القياده

ملاحظه :
أنا سيارتي فيها دبة تلوث ولا شلتها ولا لعبت فيها
اللي شايل دبة التلوث اذا رفع رجله عن البنزين "اتوقع والله اعلم" يمكن ما تهدي السياره معه بشكل ممتاز مثل السياره اللي فيها دبة تلوث " مجرد توقع "

اللي يرد نمر بعنف وبقوه 24 ساعه يعني أغلب وقته يرد نمر ... راح يؤثر على الكلتش وكراسي المكينه .. وممكن احتمال يؤثر على القير وكراسي القير

خير الأمور أوسطها أنا أرد نمر بشكل متوسط او هادئ و بنفس الوقت أمسك فرامل .. عشان أطيل من عمر القير والكلتش وأطيل من عمر الفحمات والفرامل وعشان أريح نفسي .. يعني يكون التآكل والإستهلاك يتوزع بينهم

لو تحط كاميرا داخل الكبوت وتخليها تصور المكينه وأنت تمشي وترد نمره وأنت مسرع أو أنت تقاوم تتسابق مع سيارات ثانيه .. بتشوف المكينه تهتز وتتحرك شوي مع كل تعشيقه أو مع كل رد نمره

و بعد مده طويله راح تحس بإهتزاز خفيف والسياره واقفه بالدركسون .. وسببها القياده والتعشيق بعنف و رد النمر بعنف و كثرة المقاومات ( يعني تتسابق انت و سيارات ثانيه .. بكثره )

قال رسول الله صلى الله عليه وسلم : " ما كان الرفق في شيء إلا زانه وما نزع من شيء إلا شانه "

لكل شيء ضريبه ولكل شيء مقابل .. تبي تستمتع وتفلها بالقياده الرياضيه والعنيفه والمقاومات والخ... استمتع بس تأكد بعدين أنك راح تدفع على الكلتش وكراسي المكينه والخ... أشياء إستهلاكيه وترجع سيارتك تمام بعد التغيير

تبي تحرم نفسك من القياده الرياضيه والعنيفه والمقاومات والخ... صح أنك حرمت نفسك المتعه لكن تأكد أنك راح تطول من عمر سيارتك وما راح تحتاج تغير الكلتش بشكل مبكر

وفيه خطأ يقع الكثير فيه .. وهو أنك تمشي على RPM منخفض جدا وتسمع أصوات غريبه من المكينه ( هذا يضر المكينه بشكل كبير )

جرب وأنت تمشي بالخامس وبسرعه معتدله أو هادئه ... أضغط دعسة البنزين كلها راح تسمع أصوات غريبه من المكينه ( يضر المكينه بشكل كبير وضغط الزيت ينخفض ) والسياره ما زادت سرعتها بشكل كبير .. لازم ترد نمره

أيضا بالمرتفعات والطلعات لازم تكون شاد عزم و نمره .. لا تعشق .. لأنك إذا عشقت راح يطيح العزم شوي وراح تسمع بعض الأصوات الغريبه .. خصوصا للي عنده ضعف بالكلتش لأن العزم يكون أضعف وأقل

بعض المبتدئين بالقير العادي يحط القير بالخامس وهو يمشي بسرعه متوسطه أو متدنيه .. بسبب الكسل او على باله يحافظ على السياره .. وهو ما يدري انه يضر ويعدم المكينه !

ان اصبت فمن الله وان اخطئت فمن نفسي والشيطان

أتمنى أني أفدتك وتحية لك وللشعب التونسي الشقيق : )

كلام اخوك الصح.   

تبارك الله, وفّيت أخي speed مشكووووور

من الافضل للسيارة انك تهدي بالقير ترجع نمر وبعدين الفرامل  كذا السيارة تكون اثبت وراسية والفرامل تعيش معك اكثر

انا اشوف انك تحطها ف الفاضي وبعدها تهدي ع راحتك
واللي يقول ترجع نمر أفضل على اي اساس افضل ؟ انت تستخدم المحرك لايقاف السياره وهذا غلط ومضر بالمحرك

ACURA ههههههههههههههههههههههههههههههههههههههههه
سلاماااااااااااااااااااااات ريوس شكلك تبغى القير يفرط .. تخيل تدق الريوس على 120 والله منت صاحي يا اكورا ومسوي زحمه وتمدح سيارات وتسب سيارات وانت تريوس على 120 هههههههههههههههههههههههههههههههه

تشوف انت ريوس هههههههههههههههههههه دق على سطحه قبل لاتوقف