أضف سؤال أو موضوع جديد          

إرتفاع نسبة الأقساط في السيارات ؟؟

up 17 down 1



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , اليوم موضوعي عن (تقسيط السيارات) و لجوء كثير من الناس له
اللي محتاج يشتري له سيارة حليلة مثل: (إكسنت , إلنترا , كورولا إلخ ...) و اللي عنده سيارة شايلة رجله و مو
عاجبته يروح يشتري له: (بي إم , أودي , مرسيدس إلخ ...) !!!!! كثير من الناس طاحوا بالتقسيط في ناس ما
نلومهم اللي ما عنده سيارة و يبي سيارة تغنيه عن غثا الورش و الصناعية إلخ ... , لكن تعتب على اللي يروح
يقسط سيارة غالية و هو منًتف !!!! لو تجيه آخر الشهر تعصره عصر ما تلقى 100 ريال !!!!! و طبعاً إقبال
كثير من الناس على (التقسيط) رفع النسبة لدى الشركات و البنوك إلخ ... في السابق تلقى نسبة التقسيط تتراوح
بين 12 % و 18 % لكن اللحييييييين الوضع إختلف النسبة إرتفعت بشكل كبييييييييير !!!! واحد من الشباب
قسط (جينسس) سعرها كاش 128 ألف أخذها أقساط ب 174 ألف !!!!! باع سيارته و دفع مقدم 40 ألف
و قسطها على (60) شهر = 5 سنوات كل شهر ب 2200 و شوي !!!!! طبعاً خلونا نطرح قيمة الفائدة
174 ألف - 128 ألف = 46 ألف ما يعادل 25 % إلى 30 % من قيمة السيارة !!!!! و طبعاً إذا إستمروا
الناس بهالنمط الإستهلاكي راح تزيد النسبة % و عليك الحساب !!!!!!! 

هذا اللي حبيت أشارك فيه اليوم و شكراً .

محبكم &&& أبو طلال







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود



راقني ما خط قلمك ......
هو واقع مجتمعنا .. لا مفر منه ..
تذكر مسلسل الاطفال علي بابا والاربعين حرامي 
صاير مسلسل حقيقي بالشعب ...
كم هوا واقع محزن ل الأسف !!
بخصوص علي بابا والأربعين حرامي
علي بابا هو "  الشعب  "
وأخاه قاسم الذي أستولى على الثروة الكبيرة التي تركها لهما والدهما
وترك أخاه في فقر شديد هو " الطبقة الفاسدة في البلد  "
.



up 14 down 1



ابو   طلال  ولا تنسى يفرضون عليك تامين شامل بالسنة الفين ريال على اربع خمس سنين ووورسوم ادارية  1800 ريال
يعني ززد من عندك عشره الالف يال 


up 2 down 1



انا طلعت زوم 2008  زوم 3 وكاله من شركة سوفينكو السعودي الفرنسيه

عام 2008
رحتلهم الان عشان ولد عمي يبي موتر اقساط وقالي الموظف ان الشركه قفلت وافلست
والسبب انهم يقبلون رواتب متدنيه 
انا كان راتبي 3420 وطلعوا لي سياره
الان قال لازم دفعه اولى 10 بالمئه من قيمة السياره
والراتب لايقل عن 4 الالف 


اخوي مطلع هوندا أكورد 2013 نص فل 110 كاش أقسأط أطلعت 150 ألف


up 2 down 0
خالد2023 395
قبل 6 سنه



برأيي الشخصي الأقساط غبنه مابعدها غبنه أذكر 2 من أخويانا واحد أشترى سوناتا كاش نص فل ب 74 

ألف والثاني أخذها أقساط بـ104 آلاف  يعني زياده عن الكاش ب29 الف ريال طبعا السيارات موديل 2012

من المعارض والأقساط خساره لمن يقدم عليها إلا في حالتين شراء منزل أو زواج فقط 

وتسلم يابو طلال 


حبايبي:

أبو مطلق , صوت العزاوي , شاقح , كابرس , أبو سند ...

شكراً على مروركم و إبداء الملاحظات لا هنتم , والله لا يحرمني منكم .


نسبه التامين لايقل عن ٣.٥٪ سنويا عشان كذا الاجمالي مرتفع بزياده


up 0 down 0
abahal 1385
قبل 6 سنه



والله انا ما استغرب الا من المظاهـــر الكذابه

انا محاسب في الخطوط السعوية قسم بالله ان اخر راتب نزل بحسابي 11900 وشوي مشاء الله تبارك الله والحمد لله مستورة الامور ساكن في ايجار ومعي كابرس 2006 التي زد وماشي الامور ربي لك الحمد الشي الي استغرب منه الموظفين الجدد اول مايتعين رواتبهم في حدود 6500 وعلي طول تعريف براتب + تثبيت ويشتري موتر جديد ؟؟؟؟؟؟ ويضيع 5 سنوات من عمرة في سداد وغيرة وياما نصت وتكلمت لكن بدوووووون فايده الله يهدي الشباب يعني بامكان الواحد ياخذ سيارة مستعمله ب 20 ولا 40 كويسه ماشي حالها ويستعمل والسلام ختام


up 5 down 0
maldkheel 519
قبل 6 سنه



الشكوى لله


ما باليد حيلة


up 1 down 0
نسنآس غربي 140
قبل 6 سنه



الشكوى لله


ما باليد حيلة


up 1 down 0
نسنآس غربي 140
قبل 6 سنه



يخوك ما بيدنا حل الحين انا ناوي اتزوج ومعي سيارتين محال اتزوج ومعي هلسياراتين ومقرر ابيعها واطلع موتر اقساط امشي اموري فيه 


up 0 down 0



المشكلة لما تاخذ سيارة سعرها كاش 128 وبالتقسيط 174 وبعد خمس سنوات لو بغيت تبيع تجيب لك 70 ألف يعني خسارتك أكثر من 100 ألف

ما ضيع الناس إلا المظاهر الكذابة


up 1 down 0
أبو عبادة 4803
قبل 6 سنه



السلام عليكم

(((((((((((((القناعة كنز لا يفنى )))))))))))))

اذا الشخص اقتنع باللي عنده و اللي يقدر عليه كان احنا بخير الان 

والدينَ هم ومايحس فيه الا صاحبه بالبدايه لما تشتري سيارة جديده اقساط تفرح فيها ولما يمر الوقت وتعرف

ان السيارة هي وسيلة بس وانك شلت ديون على ظهرك  على شيء مو بإسمك بعد  . راح يجيك شعور  بالندم

وخاصة لما تكون محتاج وماعندك فلوس وحتى السيارة اللي معك ماتقدر تبيعها .

انا اذكر واحد معاي ايام الجامعة كان يقول امنيتي بالحياة هايلكس غمارة ايام يوم كان الهايلكس اسعاره معقوله
كنت اقوله ليه ماتاخذ لكزس يقول انا وش لي بسيارة ماحيلتي عليها والهايلكس خدوم لابغيته في برا ولا تحميل ولا 
نقل اما الالكزس للي فلوسهم زايده ولا يجيني من وراها رزق بعد الله . كان ما شاء الله عليه واعي .

الان لو تروح اي وكاله وتبي لك سيارة على قد فلوسك يطمعونك المناديب يقولون لك ماراح تفرق معك تزود الف 

وتاخذ سيارة اكبر وافخم وراح نجيب لك موافقة حتى لو راتبك مايتحمل وانت بالنهايه تبي سيارة تجيبك وتوديك

 وهم يبون الفائده الاكبر لهم .

فأصبح الناس في دوامه من الديون سواء من البنوك او الشركات وبنسب فايده كبيره

ما اقول الا الله يرزق جميع المسلمين بحلاله عن حرامه 

وجزاك الله خير 




up 2 down 0
difficult
قبل 6 سنه



أبو عبادة قال الكلام اللي كنت بأقوله بالضبط
  



up 0 down 0
فكوك 1684
قبل 6 سنه