من جرب الشيروكي البرتي الشكل الجديد .

من ناحيه الفخامه والراحه ممتاز جدا 
اما من ناحيه القطع الغيار غالي ولا يوجد لا بالوكاله او الموزعين تجاري لا يوجد لا فحمات 
وقطع بسيطه ...
القوه ....... 75 %
العزم ...... 80 %
الدبل ..... 60 % 
ولا يقارن في القديم من 2001م وتحت من حيث الدبل وقوه الماكينه 
اذا انت صاحب خطوط ممتاز 
اذا انت صاحب بران وطعوس ونفود مايصلح لان مكينه المنيوم 6 سلندر راسين 
مو مثل القديم 2001م الماكينه حديد وطولي راس واحد 6 سلندر 
.

الشكل القديييم عليه قووه رهييبه وصغير وملموم وخفيف بالبر

أنا كنت ناوي على واحد مستخدم مثله ، وسألت عنه ، وقالوا انحــش ،، قطع الغيار نار ،،

لكن كموتر وراحة وعزم ما يقصر ،،

استخر والله يوفقك ،،

وروح بنفسك لمحل قطع الغيار وتسـعّــر بعض القطع واحكم هل يناسبك أم لا ،،

بيض الله وجيهكم ماقصرتوا على الردود 
وننتظر المزيد من مشاركات الإخوة . 

انا كان معي 2010 مكينة 6 سلندر بالخط هادئ ومريح وقطع غياره والله حلوة مرة مافيها مبالغة وجربته بالنفود
والله انه بطل تحديت انا واف جي على طعس بالثمامة بدون دبل والله انه رقاه والاف جي تنح بنص الطعس
الموتر خفيف ونشيط جدا وسافرت عليه وطعست عليه ومغطته خطوط وماشاء الله عليه لكن كنت محافظ على الصيانة اول باول وسعره يوم شريته قبل سنه ونص ب 48الف وماشي 70 الف ك مديل 2010
الحين تلقاه ارخص اكيد

واي استشارة بخصوص الجيب راسلني وافيدك باذن الله لاني اعرفه زين