بخصوص الإستفسارات البايخة يا غالين
9
18
إضغط هنا للإخفاء
صبحكم الله بالخير ...
الله يحييكم يا الغالين , أنا ودي أنوه عن وجود إستفسارات بايخة و كاثرة بالمنتدى بالآونة الأخيرة !!!
صحيح إن المنتدى خاص بالسيارات و كل الإستفسارات التي تخص السيارات مُرحب فيها و الأعضاء
يستفيدون من بعض و يتبادلون الخبرات و المعلومات , لكن والله المنتدى من تالي يسد النفس من بعض
الأعضاء الله يهديهم !!!!! تلقى الواحد داخل المنتدى و يبحث عن معلومة ماهو مكانها هنا بالمنتدى !!!!
مثل واحد منزل إستفسار أمس , كم سعر صدام خلفي لكورولا 2012 ؟؟ ولا يجيك واحد كم سعر دودة
دركسون كامري 2009 ؟؟ و كم سعر إسطب خلفي يمين لكرايزلر 2011 ؟؟ إلخ ... من الإستفسارات
النايمة , حتى لو تلاحظون لو تدخل على العضوية اللي منزلة الإستفسار تلقاها أول مشاركة في المنتدى
ولا له ردود ولا مشاركات ولا أي شي !!!! يعني القصد واضح تخريب المنتدى بهالمواضيع اللي لا فيها
فايدة ولا تبادل معلومات !!! يعني شايف الأعضاء هنا شغالين بمحلات قطع غيار ؟؟؟ يا أخي المعلومة
الآن سهلة اللي يبي معلومات عن قطعة يبيها يتصل على (905) و يسأل عن رقم الوكالة أو محل قطع
الغيار اللي يبي , و يكلمهم و يسأل عن أي قطعة يبيها !!! أو أي يدخل منتديات متخصصة ممكن يلقى
المعلومة اللي يبيها زي: (ملاك الكوري , تويوتا العربية , منتديات فورد إلخ ...) و رجاءاً يا اخوان
أبغاكم تشاركوني بهالموضوع و توضحون وجهة نظركم .
تحياتي: أبو صالح
إبلاغ
انا انسان كنت غبي بالسيارات و كنت اسال عن كل شي بايخ
لكني الحمد لله صرت فاهم بكل شي
وكلها بفضل الله ثم بفضل.المنتدى هذا
يحق لكل واحد يسال اللي يبيه .. و انت و انا و الكل بكيفه يبي يرد ولا يطنشه
محد يسال او ينزل موضوع الا لانه باشد الحاجه للجواب
او انه مو فاهم بالشغله هذي .. او انه جديد ع سالفة السيارات
تحياتي لك
قبل 11 سنه