بعيد عن السيارات

إذا صرت مبعد على المدينة أي شيء تبيه ما راح تحصله وهذي هي المشكلة...
ولكن دامك تبي تسكنون عند عيال عمك فهذا شيء طيب...
من ناحية التردد لا تشيل هم تبي تصعب عليك من البداية ولكن مع الوقت راح تتعود...
والله ياخي اقترح تبنون بالدوادمي وكل شيء متوفر عندكم والدوام قريب منك...
ولكن دام هذا رضى الوالد واللي يبني هو مالك إلا السمع والطاعة ما تدري يمكن خيره...

ليش مايبني بالمدينة ؟ اذا ع الارض تتسير حاول فيها ، هــــــو من حقه يبني لمصلحته .. وانت ، بتقرر لمصلحة ابوك ومصلحتك الشخصية ، اذا عندك قدرة تستأجر انت بالمدينة الين تخلص دراسة .... وتلاحق عليهم وتستقر عندهم بعملك وزوجتك وحياتك وأكيد ييحسب حسابك بالبناء
انت تقول بالديرة وش في تبني لك مستقبل هناك اذا في أتجه معهم الافضل .


الله يحفظ ابائنا جميع ويطول بأعمارهم "الطريق للبركة
ويرحم ويغفر الي فقدونا

الزم والديك واخدمهم ولك الاجر والتوفيق في الدنيا والاخرة 
ماتدري عن ظروف الحياة ممكن يحتاج الوالد او الوالده انك تصير قريب لهم

وعليك بالصبر ومن ثم اقناعهم باللين وبطريقة هادية لين الله يكتب انهم يوافقون 


الي اعرفه ان الدوادمي متوسطه بين ثلاث مناطق
بين شقراء وعفيف والقويعية 

يعني ما رحت بعيد عن العالم والناس 

مادام قريتكم 200 كيلوا بتصيرون حول هالدير الثلاث والامور ان شاء الله طيبة

حاول بالكلمه الزينه أنا جتني وظيفه في الرياض عسكريه بواسطه وكنت عاطل 5 سنوات بس مؤسسات صغيره على 1200 و1500
المهم جت الوظيفه وراتبها8000وفي الرياض كلمته رفض لأني وحيده وزعلت حتى كنت ناوي اسافر
اخر الليل وأحطه قدام الأمر الواقع  لأن زواجي قرب عودت لعنت إبليس وتركتها رضا لوالدي ووالدتي لأني وحيدهم 
سبحان الله شهرين جتني وظيفه تبعد عن البيت2كيلو طبعا زواجي قبل الوظيفه بيومين وفي منصب جميل ولله الحمد

وانا اخوك  مالوم امك الله يحفظها لك  

وانا اقدم لك نصيحه لله لا تترك الديره وتننزل مدن 

نزلت جدتي من الديره  خايف على صحتها   صحتها بالمدينه تدهورت  عقب العافيه

رديتها الديره لاحظت تحسن فيها   

الديره  =  حركه   هواء  نقي    راحت بال   طمئنينه   مافيه زحام   مافيه حسد  

واذا ملزم مره تنزلون المدينه   دور لك  ارض بجنب جبل زي مثلا بالشيبيه  وحط للعجيز زربه  حسسها كنها بالديره الله يحفظها لك 

والله مودي اخليهم  وهم عيوني الي اشوفبها لكن  والله  ودي اعزهم ووالوظايف كلها بالدوادمي 

اقنعهم باللين و الكلام الطيب إذا اقتنعوا كان بها خير وبركة ولا لا تجبرهم على شيء ما يبونه

أنت ما تدري وش تعني لهم الديرة و هواء الديرة

نعرف شيبان من ربعنا جاءوا مع عيالهم للرياض مجاملة و ليس حباً فيها بعضهم مرض واصابته الكآبة و البعض راح لربه وهو في خاطره يموت في ديرته و يدفن فيها

الله الله برضا الوالدين ترى الخير كله و السعادة و التوفيق في رضاهم

و أنت ربي بيعينك و الدوادمي ما هي بعيده إن شاء الله استأجر و طل عليهم كل أسبوع و الأمور طيبة.

المشكله  هذي  ليس  انت  اخي  العزير  فقط  تعاني منها

فالكثير  من  الشباب  يعاني منها

جالسين   في  القرى  لامصالح  ولا  كليات قريبه ولا  وظائف  شركات  وغيرها  وووو  غيرها
والافضل   والاجدر   ان  الوااااالد  يبني  بيته  في  المدينه  الدوادمي  او غيرها  مثلا
للقرب  من  الخدمات  ولمصالح  ابنائه  في  الحاضر  والمستقبل
لان  الابناء  لن  يجلسوو  في  القريه  ابدا  كلن  مع  وظيفته ومصلحته
الحللول  والله  اعلم
1)  العماره  تبنى  بالدوادمي وهذااا مهم جداااااا جدااا  للمصلحه
اذا امتنع الولد  والوااالده  عن السكن
على  راحتهم  يسكنوو  في المنزل  الاول  في القريه  والابناء  مع مصلحتهم
واتوقع  مبدئيا  مع  الوقت  يتأقلموو  مع  المدينه

و  اعمل  لهم   اغناام  في اطررراف  الدوادمي  لكي  يأنسو  بهاا  وصدقني  مع الوقت   يتاقلموووون  مع الوظع

الله  يوفقك    ويسهل دربك

والتردد  مشكله  وخطريه

كلامكم على العين والراس ممكن طرح حلول جذريه والله مقدر اخليهم 

ابوك وش وجهة نظره بالموضوع ، راضي تترك المدينة وتقعد معهم بالقرية لا شغل ولا شي ..
تطلب حل جذري وانت الي شايف وين المصلح .. انت لك حق في تأسيس حياتك ، وهو له حق انك تكون معه
والحل لازم يكون بالتراضي له ، ولك

ابقولك قصة  واحد  قالها  لي  واحد  من  الجماعه  سيرة  عليه  في  احد  المدن
ونحن  في طريقنا  الى  المسجد  ننضر  في  الحي  الجديد
وقال  لي  هذا  منزل  فلان  يعرفه  كانو  في  القريه   قريه  صغيره  جدا  لاتوجد  بها  سةى بقاله واحده
واراد  ابوهم  ان  يبني  العماره  التي  على الصندوق العقاري  فيها فا امتنعووو  جميعهم بانها  خساره  فقال لهم لا استطيع شراء ارض في مدينه
واجتمعو وتعاونو  لشراء ارض  بمدينه  وبنو بها  منزلهم  وعند  انتهائها  انتقلو   جميعهم مع  والدهم و والدتهم  الى المدينه  وانبسطوو    وارتاحو  من  التردد  والقرب للخدمات

شكراااا