الفرق بين الهوندا اكورد الياباني والهوندا اكورد الأمريكي

معروف ان الموديل الجديد خففوا من وزنها عشان صرفية الوقود...
ولا تنسى ان شركة هوندا تأثرت من الزلزال اللي ضرب اليابان عام 2011 لذلك قرروا انهم يكملنون صناعة الاكورد بامريكا نظراً لشعبية السيارة هناك...

اخوي اﻻكورد امريكية وﻻ هندية وزنها 1440 تقريبا وﻻ تصدق اﻻستمارة ادخل على اسمي كاتب موضوع عن هالخصوص

معي تاهو يا غالي موديل 2008 في الإستماره وزنه 1500 :) 

الاستمارة الوزن فيها كلام فاضي 
يعني بالعربي ملء فراغ فقط 

موتري ونيت فورد 150 وحاطين وزنه 1800

يا أخوان انا طرحت الموضوع للنقاش بالفروق بين الصناعة اليابانية والصناعية الأمريكية للهوندا اكورد - بالنسبة للوزن , انا معي 2011 وجددت الإستمارة الفحص يوم أمس وتم وزن السيارة بالفحص الدوري وطلع نفس الوزن المكتوب على السيارة عند باب السائق 2 طن و10 كيلو - 2010 كيلو -
يا ريت يتم النقاش عن فروقات اخرى بين الصناعتين للفائدة العامة وشكرا

الهوندا أكورد بشكل عام موتر ممتاز وأفضل من مثيلاتها

يعني أفضل من الكامري والسوناتا والالتيما

..طبعا بخصوص الصناعة الياباني افضل من الامريكي لكن المواصفات والقطع وحدة الفرق ان هذي مصنوعة في اليابان وهذي في امريكا واكيد بيكون افضل من الكوري والاسترالي الياباني افضل من ناحية الدقه والجودة العالية في الصناعة والامريكي افضل من ناحية الامان اما الكوري افضل من ناحية المكيف والكامري افضل من ناحية الشعبيه لا انحص بالشراء للاكور بالاسعار الحالية لانها مباااالغ فيها وافضل استبدالها بالسيارات ذات الدفع الرباعي مثل البرادو او الاكس بلور او الاف جي وهكذا طبعا كلامي من واقع تجربة

لا انصح **

.................................................

اكيروا مين قالك ان صناعة هوندا راحت لامريكا بسبب الزلزال الياباني  !!!

هناك اسباب كثيره وواضحه للي يدقق فيها
اليد العامله والتكلفه الاناتجيه في امريك ارخص من اليابان اضف الى ذلك اليابان دوله صغيره جدا والطلب على صناعتها يفوق انتاج مصانعها
لذلك فتحت مصانع في دول اخرى بهدف توفير الطلب للسوق العالمي ولرخص اليد العامله
وهذا سبب اخر ايضا
في سنوات التسعينيات وبعد اقتحام اليابانيين السوق الأمريكية، بدأت شركات السيارات الكبيرة في أمريكا حملة مضادة لاستعادة السوق المحلية. عرفت السوق أثناء هذه الفترة اهتماما متزايدا بالسيارات الرياضية وذات الاستعمال النفعي، كانت "هوندا" قد أهملت هذين الصنفين من السيارات. كل هذه العوامل ساهمت في تراجع رقم مبيعات الشركة.
شرعت الشركة في عملية إعادة هيكلة جذرية، تم خفض التكاليف ونقل أجزاء مهمة من وسائل التصنيع إلى شمال أمريكا. عادت الحيوية من جديد، وتزايدت مبيعات سيارتي "سيفيك" و"أكورد"، تم بالإضافة إلى ذلك استحداث تصاميم جديدة، سيارات صغيرة نفعية، على غرار "أوديسي"، مما ساعد في الدفع بمؤشر الشركة للأعلى مرة أخرى.

التويوتا نفس الحكايه ماتستطيع ان تغطي طلب السوق وباقي الشركات الكبيره
حتى نيسان خربتها وقامت تصنع الصني في الهند  !!!

تبقى بعض الشركات الصغيره لازالت تصنع في اليابان ومقدور على تلبية طلبات السوق مثل السوبارو وغيرها
هذي شركات ماعليها طلب كثير لذلك مصانعها قادره على توفير الانتاج المطلوب

ياخوي الموضوع مايحتاج نقاش ﻻنه خطا اصﻻ وانت تستدل من اﻻستمارة اﻻيتمارة كﻻم فاضي مافيها 1 من 1000 من الصحة

وزن الاكورد القديم صحيح ،، هو 2 طن

 راعي الموضوع ماتفاعلت معانا ..... قلت لك كﻻم اﻻستمارة ﻻيستشهد به راجع دليل المااك وزن السيارة فارغة وليس ا جمالي ﻻنه يفرق فارغة يعني وزنها بدون ركاب 
اما اﻻجمالي يعني اقصى وزن تتحمله السيارة )الحمولة(

ولد خالي معاه اكورد 2013 امريكي كويسه ومتينه والصناعه امريكيه احسن من تويوتا يجمع لك من اندونيسيا والفلبين ومع كده اسعاره تزيد كل سنه

الوزن المكتوب بالاستمارة عشوائي

الالنترا مكتوب 1310 والسوناتا مكتوب 1200
وش رايكم ؟

الامريكية من 2012 وفوق اضافوا عليها ايرباقات جانبيه من اعلى فئة لاقلها