ما رأيكم في المرسيدس ؟

لا تاخذ 99 ولا 2000  خذ من 2002 وفوق حلوه  وفيه نوع يجي 300 250 كويسات واقتصاديه  وقطعها متوسط ماهوي غالي وانتبه من هدروليك الافضل تاخذها من راعيها تكون بدون هدروليك او بدالها الى مساعدات 
 سياره مريحه بسفر  واكثر اهل خطوط يشترونها   تصلح لشوارع ناعمه 

وعليكم السلام ورحمة الله وبركاته

سيارات ممتازه ولاهو انا اللي اقيمها 

لاكن بتعبكم من ناحية المساعدات 
المساعدات اسعارها تقريبا 5000 في الوكاله مادري اذا رخصت ولالا 
وفيه تقريبا بـ 3000 ريال جديد
وفيه مجدد تختلف اسعارها الامامي عن الخلفي في بحر 1300 الى 1800 على حسب 
وفيه مستعمل اسعارها حول المجدد

عليكم السلام ورحمة الله وبركاته نصيحه من مجرب انحشش منها والله ياانها تشيب الراس خرابات وكلها حساسات وعلى كلام كذا ميكانيكي خبراء في المرسيدس انه الشبح افضل 100 مره من الفياغرا ومن عيوبها الهيدروليك الهواء وصدى تحت الابواب مهما كانت السياره نظيفه راح تجيك بصدى وترشه بويه ويرجع مثل الاول مصدي وسعرها رخيص ما يتجاوز 35000 والفياغرا السيارة الوحيدة في مرسيدس الي فيها دبل بواجي يعني لو عندك فياغرا 6 سلندر راح تغير 12 بوجي واذا عندك 8 سلندر راح تغير 16 بوجي واذا عندك 12 سلندر فئة 600 راح تغير 24 بوجي وغلطة المرسيدس انها صنعت الفياغرا .. لو لمبة اللوحه الخلفيه احترقت يطلعلك تنبيه في الطبلون ولازم تغير اللمبه وبعدا ضروري تبرمج السياره عند مختص كمبيوتر علشان يلغي اللمبه .. سيارة فاشلة بكل المقاييس .

لازم تبرمج السيارة عند مختص كمبيوتر للمرسيدس علشان يلغي التحذير الي في الطبلون بشئن اللمبات *

سيارات يبغالها عنايه وسواق راكد
وانا افضل السيارات هذي تكون على يدك زيروو

600 افضل لان مساعداتها زيت تعمر وليست هواء مثل البقيه

والله يالفياغرا مظلومه هيه من افضل السيارات لاكن كل شخص واستخدامه 
ومعرفته بالمرسيدس لازم تكون خبره اي تعمل لسيارتك الصيانه ومن وين القطع 
وتكون حذر بس صدقني الفياغرا فئه مظلومه لغشامة الورش 

الوالد - الله يحفظه - معه فياقرا موديل 2002 ، S320 ممتازة جدآ ومريحة وقوية وفخمة وخدومة و و و و .... ممتازة جدآ جدآ ،

عيبها فقط المساعدات ، لو تغيرها إلى عادية "حقت شبح" تريح مخك، وقطع الغيار أكيد الأصلي غالي ،،
لكن استخر ،، والله يوفقك

والمرسيدس ما يحتاج ســؤال :)

الفياقرا يبيلها هداوة بالسواقة واي سيارة تعيش معك بحسب سواقتك بغض النظر عن انها مرسدس اوغيره ولكن بعض مستخدمي الفياقرا يشتكون من الهيدروليك واذا سألته هل بدل المساعد بأصلي يقول لا اخذت واحد مجدد وعلشان كذا يتكرر العطل والمرسدس غير قطع اصلية وتعيش معك ولكن انصحك بموديل 2003 وفوق ويفضل 500 بحسب تجربتي اما 2002 وتحت مايعيبها سوا انه تلافوا اخطاء الهيدروليك فيها وصار افضل بالموديل 2003 وفوق واذا تبي موتر كد ومد وحق كرف الشبح 500 اي موديل والافضل 94 و95 قير 4 نمر بدون كهرباءنفس شكل ال96 و97 و98 وقيره اقل اعطال وارخص صيانه للقير وتحمل والمكينة كوايلين لكل 4 سلندر بعكس 96 وفوق 8 كويلات وقير 5 نمر كهرباء سلس وناعم لكن حساس بعض الشي ويكلف لوتعطل لاسمح الله حول 5 الاف فقط واشوفها مبلغ بسيط بالنسبة للمرسدس ولكن انا افضل 94 و95 وكل هالكلام من واقع تجربة وموفق خير

والله ياااني طحت في وحده قبل سنتين ٩٩.  مقاس ٥٠٠.  دقيت فيها حول ٣٥ الف صيانه وفي الاخير كل شوي يطلع لي عله. صارت المكينه تدخن والمكيف يفصل والسنتر لوك خرب وبعتها برخص وخساره مع العلم اني محافظ وسواقتي هاديه لكن  الالماني اذا ماتاخذ فعلا نظيف ووممشى قليل والى اتركه 

 انا كان معاي فياغرا 2002 نظيفه بس خرب علي الهيدروليك مع ان 
استعمالي خفيف ومحافظ جدا وحولتها الى مساعدات لكن تغير مركبها
وفقدت الراحه والنعومه على الطريق وطابت نفسي منها وبعتها
لكن المشكله بالالماني عندنا الايدي العامله سوريين ولبنانين واكثرهم غاليين
ونصابين ويسرقون قطع من السياره وبالنسبه للبرمجه تقدر تبرمجها
من الطاره وتمسح الاخطاء ولو تروح للورشه يطلب منك مبلغ ... اسف على اﻻطاله

ركاب الالماني رجعت لعادتك الوسخه اتمنى تتكلم باحترام واوزن كلامك قبل لا تقوله