المعدل الطبيعي ل ممشى السياره في الشهر

2000
كم في الشهر ممشى ممتاز

3000 كم في الشهر ممشى جيد

4000 كم في الشهر ممشى كثير

5000 كم في الشهر ممشى كثير جداً

هذا رأيي وتقييمي الشخصي

اشوف من 3 الاف وجاي بالشهر طيب 

انا امشي بالشهر 3000 كلم او تزيد 

من 1500 الى 2000 اكتر شي

لكن مسألة الممشى تختلف من شخص لأخر
بعد مكان السكن عن العمل او الدراسة
كثرة التزامات عائلية ومشاوير
اكيد الممشى حيكون كبير

السيارة ان شاء الله مايضرها كثرة الممشى
اذا كان الممشى على اصوله وقيادة انيقة ومتابعة الزيت والماء

انا في اليوم حول 100 او 150 كيلو ذا في اليوم اما في الشهر تطلع حول 4500

اهم من الممشى إنك تحافظ على السيارة من صيانات زيوت قطع استهلاكية .... الخ

وممكن في هذي الحالة إذا انت انسان محافظ ممكن الماكينة تعيش معك ولو مشت 500 الف كيلو او اكثر طبعا هذا الكلام إذا
إنت من النوع اللي مايغير السيارة كل كم سنة 

اما إذا ما بتحافظ على السيارة وكنت مهمل عاد تتحمل العواقب 

انا بالنسبة لي شخصيا عندي سيارة 2003 وسيارة 2013 والحمد لله 

القديمة ماشاء الله من احسن مايكون امشي فيها بالشهر تقريبا من 1500 - 2000 كيلو واحيانا توصل 3000 كيلو 
ومبدأ عندي كل شهر أغير زيت سواء مشيت 1500 او 2000 او 3000 اغير الزيت مع الفلتر دائما
يعني مع كل راتب نهاية الشهر

وحاليا ماشية 250 الف يعني في السنة تقريبا 23 الف

اسف على الإطالة 

تقبلو مروري + لايك للجميع

معاي ماركيز 2008 وامشي بحكم عملي شهريا من 5000 الى 6000 كيلو بالشهر 

بس اغير زيت وسيفون مع بعض كل تغييره وكل 40000 اسوي تصفية مكينة  وماشية معي السيارة الحمد لله لي 3 سنوات على هالحال 

دعواتكم انقل وارتاح ^_^ 

شوف تختلف عندي من شهر لشهر الغالب من 3000 الى 4000 واحيانا توصل 5000 اذا في فهالشهر سفرية

الشهرين هذي اللي راحت اول مرة اكرف الموتر مشيته في شهرين تقريبا 16000 الف بمعدل 8000 الاف كل شهر

اشوف ان الممشي الطبيعي عن نفسي 4000كيلو

سيارتي حاليا ماشيه 146800 موديلها 2008
لو قسمناها6 سنوات صار ممشاي 24666 كيلو بالسنه
لو قسمنا 24666 على12 شهر صار ممشاي 2038 كيلو بالشهر
و لو قسمنا 2038على 4اسابيع صار ممشاي 509كيلو بالاسبوع
لو قسمنا 509 على 7 ايام اللي هو اسبوع صار ممشاي 72كيلو باليوم

صحيحه الحسبه ..??0_o
حسيت اني مصطفي هههههههههههههه

لذلك ي الغالي ممشاي تقريبا بالشهر من2000كيلو الئ2500
مرات السياره واقفه بالايام ما.تتحرك لاني انسان لا احب الحركه الكثيره ههههههههه

موفق ي غالي

اعطوني برايكم بالحسبه .. صحيحه ولا ..?!

اعتقد الممشى الطبيعي مابين ٢٥٠٠ الى ٣٠٠٠

والله ياعزيزي ما تقدر تحكم في هذا الموضوع
لان كل واحد ومشاويره ودوامه يتحكم فيه

فيه الشايب الي متقاعد لا روحه ولا جيه 
تحصل السياره معه 5 سنوات والسيارة ماشيه 30 ولا 40  الف

وفيه ناس لا والله - ما شاء الله عليهم
وانا قبل فترة شفت سيارة انعرضت قبل فترة للبيع بهذا الموقع
موديلها 2012 وماشية 265 الف   وكسور !!!
هذا انا والله ما ادري وش وضعها 

فعشان كذه تتعب وانت تعرف كم المشي الطبيعي الي يكون افضل للسيارة ..

تحياتي

اي والله على حسب ماتقدر تحدد تروح وتجي للدوام ومشاوير طلعات وتودي مدارس ....الخ

انا عن نفسي 2500 3000  بالشهر بحكم ان مدينتي صغيرة ونادرا جدا امسك عليها خط 

شف اذا انت بيتوتي المعدل الطبيعي للشهر 150 كيلو وتخب عليك واذا انت سربوت المعدل الطبيعي 45 الف كيلو بالشهر واذا انت عاقل مابينها

انا امشي بالشهر تقريبا 7 الاف ممشى كثير جدا بس ايش اسوي دامها في شي مفيد لا مانع


المشكلله الي يفرون بالشوارع يمشي كثير وزحمه

واللي دوامه 40 كيلو رايح و 40 كيلو جاي :) ؟

مافي مشي محدد الا الي دوامه ثابت وعاقل بالبيت مو حق فرفره وسفريات 
انا عن نفسي ما احسب بالشهر كم لان سفرياتي كثير 
ماشي حدود 128 الف سيارتي 2012 
واكيد الزيت شهريا يتغير او بعد كل سفره خط طويل 

السلام عليكم والرحمه والبركه
انا معي كأمري 2014 وتم البيع الله يبارك للي شرها بركه واسعه
مشيت عليها 350 الف قطعت بها القفار والفيافي ودول الخليج وجنوب المملكه والحمدلله لم تطلب السياره سوا الزيت والكفرات وكل سنه أدخلها ميزان العضيب تصفية شامله وصيانه كذلك شامله ولم تتأثر السياره ع أن موديلها جديد بس المسافه المقطوعه خياليه مع العلم عندي سياره ثانيه والتي قبلها قطعت بها 255 الف والتي بينهم قطعت بها 180 الف وأما السياره الأولى في حياتي قطعت عليها470 الف هايلكس والعمر يمضي والزمن أسرع والله يديم البركه

انا ماشي بسيارتي ٤٠٠٠ في السنة اربع الاف كيلو فقط في السنة