أضف سؤال أو موضوع جديد          

شغل الموتر ولا تنسى الجارمن

up 6 down 4



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , اليومين هذي بصراحة تحمًس الواحد للمكاشيت و طلعات البر و
العلوم السفره و الواحد يبعد عن غثا المدينة و يروح يصفيً باله و يزبط كيفه بالقهوة مع صحبة طيبة ترد له
الروح بالسوالف الطيبة و العلوم السنعة , عاد اليوم جايب لكم قصيدة أعجبتني للشاعر : نايف الكسر و مع
صور متنوعة , آخر صورة أبحطها هي لحيوان بري مشهور جداً !!!! أول واحد يعلمني منهو الحيوان فراح
أعتبره طير بر وما تفوت عليه مثل هالعلوم 

قصيدة في المكشــــات

أنــــــا لامنـــي نويـــــت المطــاريــــــش ... حطيـــت فـوق الجيـب عزبـة دلالـي

ونحّرتـــه لجـــرد السهــال المواحيــــش ... أمـــا مــزعتــه شــرق وإلا شمـالي

أمــــا خويـــن من رجــــال مـداغيـــــش ... وإلا عطيــت ابــه المهـــامل لحالـي

عــــوق الهمـــوم اللي تـوارد قناطيـش ... سـوق القدم مع جرهدي السهالـي

أبعــــد جنـــابـي عن جنــاب الأكاديـش ... اللــــي يغثــــون الرفيـــق الموالــي

قـــرب العفـون يطيّـش البـال ويطيـــش ... وإلا مـــع الخليــــان يـرتـــاح بالـــي

لا جيــت في نـزون شمعهـا مهاييـــش ... وشبيــت نـاري فــي طويل الظلالي

و جــال الهبـايب فوق راسي نشانيـش ... يجـــي لهـا من كـل فـج أجتــــوالي

ما أغبط هل الاموال والقـرش والعيــش ... دنيـــــن تـواليـها الفنـــــا والـزوالـــي

الراس خلـــه مرتفــع وانهــض الريـــش ... واحرص على الطيب على كل حالي

والرزق من منشي السحاب المراهيش ... الــرازق الـــوالي عـزيــز الجــلالـــي

حتى ايش يابعض الرياجيل حتى ايـش ... لــو ان عنــده مـــال .. مالــه ومالـي

ناســن علـى حفظ الـدراهم كماميـش ... مـن حبــها مايفـــرطـــون الريــالـــي

وإن صار في الدنيـا محـوش وتماحيــش ... تخريـطـــو عــن ملـزمـات الرجــالـي


محبكم &&& أبو طلال

















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


واحده من الصور تخصك....مطلوب منك تحددها


up 2 down 1
zubbopoktk -43
قبل 6 سنه



هلا والله , من قال لك ؟ عالعموم شرفني مرورك , الله يسلمك .


الحيوان الاخير ياطويل العمر يقاله وبر  ان كان ماني بغلطان


up 2 down 1
راكان-505 7169
قبل 6 سنه



الله يسمنك بس ماله داعي الديسلايك


up 2 down 0
zubbopoktk -43
قبل 6 سنه



راكان صح عليك يا غالي و ما شاء الله عليك جبتها !!!! أما أنت يا اخوي والله إني معطيك لايكين و مو لايك واحد الله يسامحك
ظلمتني !!!! إدخل على آخر النشاطات لي بتلقى إني معطيك لايكين .


ايه والله يازين طلعت البر والفله والوناسه 

 والتطعيس والنفود  و( كبسة البر ) كﻻﻻم ثاني 


________________________


up 3 down 1
نقطتين 610
قبل 6 سنه



الله يطول فعمرك مشكور 


up 1 down 1
راكان-505 7169
قبل 6 سنه



مشكور ، وتسلم يبو طلااااااااااااال ،

يا زين الكشــتات الشتوية ،، الله يجيب الخـــير ..

تسلم يدينك أبا طلال ننتظر جديدك


up 1 down 0



وووين يبو طلال الحين الناس طاحت بالقنص
اذكر رحت للديره عيد الاضحى سلمو على بعضه الصبح عيال خالي والظهر راح قنص
كل مااقعد عند واحد قنص وقنص قنص وقنص حتى الشيبان يدورون الطيور
ما فيه طلع برر الا اذا فيه قنص او جمعة مناسبه


up 0 down 1



شكل الصور من شمال السعوديع


up 0 down 1
abahal 1385
قبل 6 سنه



 حبيبنا أبو أحمد , حبيبنا محمد (صوت العزاوي) , أباهل 

شرفتوني بمروركم الجميل , الله يسعدكم .


يازين طلعة البر 

تشرح الخاطر وتريح النفس
قصيدة رائعة
يعطيك العافية يا ابو طلال


up 0 down 1
شبح 600 sel 6079
قبل 6 سنه



يعطيك العافية البر يصفي العقل وينظف الأخلاق يأخي من كثرة المصانع في الشرقية الواحد مايصدق اذا جاء موسم طلعة البر يفتك من السموم اللي في الجو


up 2 down 1
ابوجلال 72 28
قبل 6 سنه



يعطيك العافيه اخوي ابو طلال وما قصرت ع القصيده الجميله

موضوع متميز من شخص أميز 

بالتوفيق


up 2 down 1
camry grandi 99 7278
قبل 6 سنه



شبح .. أبو جلال .. أبو نواف 

شرفتوني بمروركم .. الله يسعدكم 


هههههه جزاك الله خير لبي البر 


تسلم يابو طلال وإسمح لي قيمة الموضوع بالخطاء وإن شاء الله اعدله بأقرب وقت 

لايمكنك تقييم عضو مرتين في اليوم ......... هذا النظام دهورنا كم موضوع ينزل باليوم يستحق التقييم لكن النظام لايسمح بأقل من 7 ي


هلا بك حبيبي أبو سند , طلتك عندي بالدنيا و تعليقك يغني عن التقييم , الله يوفقك و يسلم عمرك .