سيارة ساهر تتعثر في الوحل .. والمواطنون يمتنعون عن المساعدة

يقولك

وأضافت الصحيفة أن أحد الشباب تطوع أخيرا بالمساعدة وسحب سيارة “ساهر” من الوحل وإخراجها محدثاً بعض التلفيات في خلفية المركبة.


ودي اعرف هذ الشاب اللي مسوي الفتى المغوار وينقذ ساهر وفي الاخير تتاثر سيارته

كله حب في ساهر

يعني ماجرب مخالفات ساهر لكن والله رجال وكفو اللي طنشو ساهر ومحد فكر يطلعه من التغريزه

اما هاللود اللي مسوي شاطر ويطلع ساهر فعساه يجرب مخالفات ساهر لين يشبع

عاشق باشق الرجال يبي الاجر

ماتدري يمكن عليه مخالفات اكثر من مخالفاتك

عموما جزاه الله خير وعساه مايصيده ساهرر ابددد

عاشق باشق 
انت الان تتكلم عن النظام وليس على قائد سيارة النظام هو انسان مثلك فلماذا لاتكسب الاجر وتساعده 

فعلا عقول صغيره 

تحياتي لك ...

احسب كم واحد طنش ساهر كل الشعب متضرر من ساهر حنا نسدد مخالفات ولا نسدد ديون ولا ايجار بيت ولا مصاريف بيت كفايه الشعب مو ناقص ديون وساهر شغال تنتيف فالمواطن اللي موقادر حتى يمتلك سكن

بعدين وش ذا الاجر اللي ابيه من ساهر يجيك شايب مسكين ماينتبه للوحات ومطفر وحالته حاله ويلقطه ساهر ؟؟ حطو نفسكم في مكان هذي الفئه من الناس المتضرره

احسن حسبي الله عليه سارق 

طيب الموظف وش ذنبة يتغربل ويتبهذل
العالم الي سحبت عليه انانية وفيهم نجاسه نصها تكفي 

اخوي عاشق باشق كلامك عين العقل انا نهاية الشهر اسدد اجار بيت او فواتير كهرب او اسدد اقساط السيارة احرك من البيت الا وهو لقط اللوحة حتى اليهود ما عندهم هذا النظام

انا  ماقول الا حسبي الله على ساهر     في رمضان ركبو كاميرا جديدة والاشارة خضراء ونا ماشي ... وصلت عند الاشارة وانا مسرع وطريق عام 
الاشارة صارت صفراء وعلى طول حمراء مافي وقت   وماتشوف عينك الا النور  !
500 ريال  والله حرام 

المفروض مايحطون كاميرا الا بعد مايركبون عداد على الاشارة 
والطرق السريعه قبلها تنبيه  مو تحت الكوبري ولا ورى الشجر  !

سالم الناس شبعت من الكمرات اللي عند الاشارات تقفل على طول تقفل وانت ماتدري الا الكمرا صادتك والله ظلم

انا اكره مالي الي يجيك يشتكي من ساهر ويلعن فيه وهو متهور وجامع غشامة الدنيا في سواقته
انا ولله الحمد ما قد صادني ساهر الا مره وحده وكنت مسرع وعلى طول اول ما جتني الرساله وقفت عند صرافه وسددتها

في المانيا عندهم طرق يسمونها الاوتوبان السرعة فيها مفتوحة 
لكن تقعد بالساعات ما تشوف الا موتر ولا موترين يمشي في المسار المخصص للسرعة المفتوحة 

ليش ؟

لأن فيه ناس واعية وعندها مسؤولية مع ان النظام سامحلة يمشي ان بغى 300

ماتدري يابعدي

يمكن اذا ساعدته تدخل الجنة بسبب العمل البسيط هذا
او الله يحفظك من نصب ساهر والمخالفات اللي تجي وتروح

اهلا

يفترض يتصل على المرور

اما يوقف وينتظر احد يساعده فما يلزم احد يساعده

الا ادا كان شيوم

ولا عي كلها 50 ريال ادفعها للونش و تطلع من التغريزة بكرامتك

اللي يقول المواطنين اللي ما ساعدوه مالهم حق


يعني الموظف له الحق يندس مثل البس ويصور 


ليه ما يجيبون ونش ويطلعون سيارتهم والا الشركة مستخسره 100 وتنتذر اللي يطلعها






مافي اقوى من اشارات كان فيها عداد الوقت ويوم حطو ساهر شالوا عداد الوقت


بالله هذي وش معناها